好姐妹放盤邀請舊同學去睇樓！ 慘遭壓價20%！演變成吵架導致友誼決裂

大家都經常話「遇見熟人好辦事」，能夠喺唔同嘅場合遇見舊相識都能夠令你有份熟悉感。最近，有位港女喺討論區表示有好姐妹正在放盤賣樓，眼見舊同學都正在物識單位，就約雙方見面睇樓。點知舊同學竟然壓價20%咁多，最終仲導致兩人友誼破裂！

Photo from TVB

# 港女分享熟人之間睇樓經驗！

唔少人經常都話「講錢傷感情」，同朋友有金錢交易好容易起爭執！日前，有位港女就大呻自己嘅經歷，表示好姐妹正在放盤，得知佢哋嘅舊同學正尋找物業並表示有興趣望下，所以就相約兩人一齊睇樓！

Photo from 香港討論區

# 舊同學對單位有興趣！

睇樓當日，港女亦有在場，當時舊同學就大讚單位「Keep得唔錯！」，表明對單位有興趣，不過就認為價錢有啲貴！好姐妹聽到之後就話「價錢可以再商量下」，覺得做生不如做熟，而舊同學就話之後再以短訊商討。

Photo from TVB

# 但好耐都冇回覆？！

然而過咗好幾日，舊同學都並冇搵好姐妹，所以就認為佢可能已經對單位冇興趣。同一時間，咁啱有另一個人睇完樓覺得滿意，而兩人已經開始商討價錢階段，相信好快就會完成交易。

Photo from TVB

# 強行將價錢壓低20%！

呢個時候，舊同學就突然短訊搵好姐妹，話家人的確對單位有興趣，不過就認為而家樓價已經變低咗，仲將價錢壓低咗20%咁多！而好姐妹就拒絕呢個價錢，並表示「其他人出價都高好多」；對方聽聞後立刻變臉，批評單位問題多多「牆紙隻色唔啱佢心水」等，仲反鬧屋主冇誠信「話咗想買仲俾人上去睇樓」！

Photo from TVB

# 兩人傾唔成，朋友都冇得做？！

呢番言論瞬間激嬲好姐妹，認為買樓一向都係價高者得，再加上同學將價錢壓得太低，根本冇可能會傾得成！之後，兩人就冇再聯繫，而好姐妹亦將對方Block咗，表明唔會同佢做朋友，認為對方嘅行為太過分。

Photo from TVB

# 網民認同：講錢傷感情！

大部分網民都表示認為朋友同家人之間最好盡量避免過多嘅金錢交易，因為咁樣真係好易有紛爭，好多時仲可能會因此而導致關係永遠破裂！

Photo from 香港討論區

Photo from TVB

# 認為舊同學行為過火！

與此同時，唔少網民都認為佢呢位舊同學非常厚面皮，只係因為彼此認識就將價錢無理壓低，替港女嘅朋友感到不值！不過唔少網民都覺得能夠透過小事認清朋友都係一件好事，並且認同「賣樓好多時都係價高者得」呢個行規。

Photo from 香港討論區

相關文章：台女買樓後邀男友同居 但要對方交$4200租兼攤分水電 男友暴怒 網民：咁你買唔起呀嘛！

相關文章：港女想同男友搬出去過二人世界！家人願出150萬助買樓！男友竟拒絕兼要住劏房

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

男友買樓唔加名但要求一齊供樓！港女：仲要我拎一半身家夾首期

5 Nov , 2021

香港地上車唔容易，想同另一半有屬於自己嘅安樂窩，除咗要有返咁上下積蓄畀首期，仲有唔少嘢要解決。近日有網民喺討論區發文指男友買樓但無加佢個名，但要求佢夾份畀一成首期同一齊供樓，令佢好煩惱。

Photo from TVB

港女呻男友層樓無加名但要求畀首期、一齊供樓

網友喺香港討論區開post「如果層樓無你名應該畀首期嗎？」，佢指自己本身有樓揸手，所以男朋友買樓唔可以加佢個名。乍一聽伴侶同自己都有樓，本來係令人羨慕嘅事，但樓主嘅煩惱亦隨即而來。

Photo from TVB

樓主稱男友知道佢有積蓄，所以要求大家一齊夾份畀首期，其中樓主要畀一成首期、而男友就畀三成。除咗首期，之後層樓嘅裝修費用同供樓男友都想兩人一齊畀。

Photo from TVB

男友未求婚、兩人感情一般，港女不願夾份出首期

樓主對此有啲抗拒，佢指男友連婚都未求，男友稱想先買樓後結婚，又指樓主有錢就應該要一齊畀。樓主雖然明白獨力買樓真係好難，但男友嘅態度令佢有唔少顧慮。

Photo from TVB

Photo from TVB

樓主指同男友已經拍咗好耐拖，男友依家已唔會特別去氹佢，平時兩人話題又唔多，淨係會放假出下街食飯咁，相處時間耐咗，都無乜情侶之間嘅激情。

Photo from TVB

再加上本身男友嘅流動現金比樓主多，亦曾經講過唔使樓主畀首期但買完樓而家股票蝕咗又要樓主拎一半身家夾首期。男友又稱因為趕唔切同埋婚後財產要一半，唔肯先簽紙後買樓。

Photo from TVB

港女覺得層樓無名無保障，似貼錢嫁、迫男友結婚

就係因為咁，樓主覺得依家好似係佢貼錢嫁、迫男友結婚咁，但佢都知如果佢唔夾份畀首期，男友會埋怨佢，但要佢夾份佢又覺得男友無為佢著想過，好似只係想搵人夾首期同供樓，而結婚亦唔係自願。

Photo from TVB

男友就表示係因為樓主所以先去買樓，但層樓話晒都無加樓主名，佢覺得完全無保障！

Photo from TVB

網友勸唔好畀首期，認為男友信唔過

唔少網民都勸樓主唔好畀首期！有網友指樓主同男友都未結婚，無必要咁快承擔另一半嘅責任，而且層樓又無名、兩人亦唔係夫妻關係，認為男友信唔過，唔應該幫手畀首期同供樓。

Photo from 香港討論區

Photo from TVB

樓主有補充指男友覺得係因為樓主想結婚所以佢先會買樓，因此佢認為樓主有義務一齊畀錢，不過樓主就表示層樓佢完全無份，唔明佢點解要畀錢，仲話如果佢唔肯畀，男友應該會同佢分手。

Photo from TVB

自己有樓單身好過結婚

有網友就認為樓主自己都有樓，使乜咁辛苦供多層：「本身都已經可以他他條條生活，為咗結婚無啦啦又要孭條數上身」，仲話搞到咁單身仲舒服過結婚！

Photo from 香港討論區

相關文章：港男獲家人送樓 女友即要求加名 聲稱「多個保障」網民：淨係保佢自己！

相關文章：港男稱譚仔姐姐人工有1.5萬！儲3年就畀到首期：「買唔到樓只係藉口！」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）