鍾麗緹大女張敏鈞奪溫哥華華裔小姐亞軍！想入行跟媽媽返內地發展！星二代多數都選美入行？
Photo from 張敏均IG
鍾麗緹大女張敏鈞（Yasmine）成功榮獲今年《溫哥華華裔小姐競選》亞軍，通過唔同嘅考驗成功脫穎而出，據悉佢喺答問環節嘅表現尤其出色，獲稱讚「得體大方又幽默」。而佢喺比賽後亦坦承希望可以喺娛樂圈發展，仲揚言可能會跟媽媽一樣返內地發展！
Photo from YouTube @城市電視
Photo from 鍾麗緹微博
Yasmine本身就喜歡演戲，於大學修讀電影學系，仲不時於IG上載自彈自唱嘅片段。雖然Yasmine未能同媽媽一樣奪得選美冠軍，不過媽媽鍾麗緹都表示非常高興，仲話會全力支持囡囡喺演藝事業嘅發展，但就話唔會刻意為囡囡鋪路！
Photo from 張敏均IG
Photo from 張敏均IG
唔少星二代都成功繼承到父母強大優良嘅基因，並且希望「步家人後塵」成為藝人！而歷來有唔少星二代都會選擇參加選美比賽去證明自己嘅實力，並且成功入行，而家就等我哋一齊睇下有邊幾位啦～
關楓馨 （關禮傑女兒）
關楓馨（Fabienne）今年就參加咗《香港小姐競選2021》喺準決賽中成功打入12強，並成為網民票選最受歡迎候選佳麗三甲，係賽前大熱人選。可惜，佢最終都未能夠於比賽中獲得獎項，於5強止步！
Photo from TVB
Photo from TVB
而關禮傑就喺接受傳媒訪問時，透露女兒即將簽約TVB，並從事主持工作；而Fabienne當時賽後亦曾經講過希望可以向戲劇方面發展，同爸爸父女檔拍戲，相信呢個願望應該好快就可以實現喇～
Photo from 關楓馨IG
Photo from 關楓馨IG
湯洛雯 （湯鎮宗女兒/湯鎮業姪女）
湯洛雯於2012年時自行網上報名參加香港小姐比賽，並獲得「旅遊大使獎」及「美麗昇華大使獎」2個獎項，雖然當年佢係冠軍大熱門，不過就喺6強止步！
Photo from TVB
然而，湯洛雯好快就同TVB簽約，主要從事主持以及戲劇工作，其中以《愛回家》嘅「李思思」一角而為人熟悉！現時佢依然係TVB嘅當紅花旦之一，經常出現於TVB綜藝節目以及電視劇當中。
Photo from TVB
Photo from 湯洛雯IG
趙希洛 （梁小玲女兒）
趙希洛2007年參選香港小姐競選，並於次年入讀無綫電視藝員訓練班。入行後，佢因為多次於劇集中飾演因愛成恨嘅配角角色，而被網民封為「TVB御用癲婆」！
Photo from TVB
而佢亦靠自己嘅努力，喺2019年憑《金宵大廈》中失去兒子嘅母親「王敏儀（何太）」一角，榮獲「最佳女配角」，演技實力受到肯定！
Photo from TVB
原子鏸（鄭佩佩女兒）
原子鏸於1999年回港參選香港小姐，獲得亞軍以及「完美肌膚獎」同「健康體態獎」而入行，曾經出演電視劇《男親女愛》、《奪寶英雄》等。而佢就曾經喺電影《黎明之眼》中同媽媽母女檔合作，由佢飾演年輕嘅「秋山和美」、鄭佩佩則飾演老年「秋山和美」，兩人一齊飾演同一個角色，可以話係非常罕見！
Photo from TVB
Photo from 原子鏸IG
丁子田 （丁主惠侄女）
丁子田喺2018年參選香港小姐，並獲得季軍以及「最佳口才獎」。入行後負責主持明珠台「 股市直擊」，並於2020年8月離開TVB，現時為慧妍雅集執行委員會嘅成員之一。
Photo from 丁子田IG
Photo from 丁子田IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
李嫣大曬同朋友開制服派對照片青春無敵 任晴佳/張敏鈞星二代都已經係亭亭玉立少女？！
7 Apr , 2021
王菲同李亞鵬所生嘅女兒李嫣今年已經14歲，不知不覺已經成為咗一位少女。近日，佢就上載咗自己同好友一齊開制服派對所影嘅照片，令唔少網民都留言話佢愈大愈靚女！
Photo from 微博
現年14歲嘅李嫣小時候因為患有先天性唇顎裂（兔唇），所以曾多次進行階段性手術。好彩嘅係經過漫長嘅治療日子，手術所留下嘅疤痕並唔明顯。而佢細細個就已經開始用微博，仲曾經開live教大家化妝同穿搭技巧而變紅！
Photo from 微博
近日，李嫣就上載咗自己同朋友開制服派對嘅照片。由照片中所見，佢同一班朋友都身穿水手服，仲紮咗孖辮，非常青春，令唔少網民都話佢已經變成一位美少女～
Photo from 微博
而企喺佢隔離嘅呢位金髮閨蜜，就俾網民話好有韓星feel！但亦有網民話佢哋年紀輕輕得14歲就染曬頭髮、化濃妝，真係非常前衛～
Photo from 微博
其實李嫣嘅社交圈子亦都非常廣，今年二月就俾網民發現原來佢同汪峰女兒「小蘋果」汪曼熙係好朋友，二人仲同一大班朋友一齊去三亞旅行，享受假期！
Photo from 微博
其實圈中亦有唔少星二代已經喺不知不覺間變成咗亭亭玉立嘅少女，以下就有幾位被大家喻為最有星味嘅星二代：
1.張敏鈞
張敏鈞係鍾麗緹同前夫Glen Ross所生嘅混血女兒，而家已經22歲，開咗個人嘅Youtube channel，擁有21 K followers。而佢亦遺傳到媽咪鍾麗緹嘅美貌同豐滿身材，被網民譽為10大最美星二代之一。
Photo from 張敏鈞IG
Photo from 張敏鈞IG
2.任晴佳
任晴佳係任達華同名模琦琦所生嘅女兒，已經係一位16歲嘅少女。佢遺傳咗爸媽嘅強大基因，樣貌標緻而且有一對長腿，年紀小小就已經擁有9頭身嘅完美比例，被網民大讚係靚女！
Photo from 任晴佳IG
Photo from 任晴佳IG
3.王麗嘉
王麗嘉係王敏德同名模馬詩慧所生嘅二女兒，遺傳咗媽咪嘅好身材，喺美國畢業之後準備晉身模特兒界。
Photo from 王麗嘉IG
Photo from 王麗嘉IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
「最美星二代」沈月盡得媽媽邱淑貞靚基因！二妹沈日似爸爸沈嘉偉引熱議
29 Mar , 2021
邱淑貞嘅大女沈月向來有「最美星二代」之稱，唔止外貌遺傳媽媽嘅優良基因，亦經常獲邀出席品牌活動。而佢妹妹沈日與姐姐氣質相反，較似爸爸沈嘉偉。
Photo from 沈月IG
沈月今年19歲，媽媽係性感女神邱淑貞，年紀輕輕嘅佢外貌同媽媽頗為相似，身材亦fit到漏，佢最近喺IG公開自己參加品牌活動嘅造型照。
Photo from 沈月IG
著上連身裙嘅佢高貴大方，留長曲髮氣質優雅，近鏡下瓜子臉、大眼睛，難怪有「最美星二代」之稱，成個造型畀人「豪門大小姐」嘅感覺。
Photo from 沈月IG
Photo from 沈月IG
沈月向來唔吝嗇喺IG晒靚相，青春無敵嘅佢完全carry到各種造型！喺IG已吸引超過19萬人follow。
Photo from 沈月IG
Photo from 沈月IG
Photo from 沈月IG
佢妹妹沈月就比較低調，好少出現喺鏡頭前，不過沈月之前就曾公開過一張母女三人合照，令妹妹外貌首度曝光。
Photo from 沈月IG
沈日比較似爸爸沈嘉偉，佢嘅IG僅一張相，沈日著黑色吊帶上衣，好有「ABC」feel，佢氣質同家姐沈月大不同，成個人較健康性感。
Photo from 沈日IG
雖然沈日IG得1張相，但都有超過3,000人follow，可見沈家姊妹人氣之高！
Photo from 沈日IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
