【姜濤 x DEE x 強尼首次跨界合作拍攝微電影！】姜濤爆燈顏值＋強尼佬味＋DEE式麻甩勁吸睛！

貴為樂壇新星嘅MIRROR人氣成員姜濤，除咗忙唱歌跳舞，仲要忙埋拍劇拍廣告嘅姜濤，可以話連休息嘅時間都冇～但咁忙嘅姜B，最近竟然仲撈過界，去埋藥廠爭做一哥？不嬲出名勤力嘅姜濤，仲為咗要挑戰強尼同埋DEE哥嘅底線，專登去埋藥廠做新仔學做姜Man！Schedule咁忙嘅姜B頂唔頂得順㗎～咁多位姜糖唔洗咁擔心！講緊嘅其實係姜濤最新嘅HPV微電影～

Photo from MSD YouTube Channel

#姜B變身全方位藝人！

姜濤一出道除咗吸納咗大批「姜糖」之外，可以話係廣告商嘅新寵兒！全年接廣告接到無停手，絕對係2021年嘅「吸金王」！身為廣告天王嘅姜濤，基本上去到邊都可以見到姜B嘅蹤影，等咁多位姜糖可以全天候24小時見到偶像，唔洗心掛掛～除咗飲食、時裝廣告代言外，仲拍埋電視劇《太平紋身店》、《超感應學園》，絕對可以話係全方位藝人！

Photo from MSD YouTube Channel

 #姜濤拉埋強尼同DEE哥首度跨界合作！

喺微電影入面，姜B就化身新入職藥廠嘅新仔姜Man，第一日返工已經相當有抱負，要幫咁多位男士成為真漢子！姜濤仲拉埋強尼、阿DEE、肥腸三位好兄弟齊齊拍攝～首次跨界合作已經充滿火花！

Photo from MSD YouTube Channel

#強尼完美演繹男人最痛內心獨白！

除咗姜濤之外，強尼嘅演釋都相當吸睛！強尼做慣《全民造星》主持，又拍埋劇集《暖男爸爸》，壓場感一啲都唔輸蝕！雖然外形夠晒麻甩，但卻無阻一眾網民對佢嘅支持，仲封佢做ViuTV一哥，絕對係當之無慚呀！今次喺微電影入面，強尼就化身做藥廠老闆，仲分享埋男人最痛嘅內心獨白，勁考演技！

#DEE哥麻甩的愛～鍾意食豆腐火腩飯嘅男人，用行動嚟保護打令！

講到考演技，又點少得阿DEE呀！其實好多年前，阿DEE因為一首MV爆紅而獲得演戲機會，仲以新演員身份走埋上金像獎舞台?呀！勁威水～今次微電影入面，阿DEE就一人分飾兩角，做送水佬兼藥廠Sales，仲用行動嚟保護打令！麻甩得嚟又夠晒Man，由阿DEE嚟演釋就最適合不過～

Photo from MSD YouTube Channel

#即睇姜濤最新HPV微電影～萬勿錯過片尾笑彈！

身為粉絲嘅你，又點可以錯過今次嘅微電影呢～心急想睇？快啲拉埋身邊嘅姜糖、鏡粉、前夫去MSD YouTube Channel睇吓啦！最後提提你～記得睇埋廣告最後嘅幕後花絮＋NG彩蛋片段，超爆笑！唔好錯過呀～

足本微電影：https://bit.ly/31pzoC6

Text: HolidaySmart editorial

Photo Source: MSD YouTube Channel

Featured for: MSD YouTube Channel

*本文章的圖片均經其本人或其公司授權，其他媒體不得轉載