新人擺40圍婚宴後走數 原因極牽強！網民：冇錢就唔好結婚！
相信大家都唔太鍾意「走數」呢個行為，因為咁做好冇責任心之餘亦會影響彼此嘅感情。最近，內地河南一對新人居然喺舉辦婚宴後「走數」，荒謬行為就連酒店職員都表示「做了10年！從來沒有遇過這樣的新人！」，引起網民熱議！
Photo from 微博@ 小莉幫忙
# 內地新人擺40圍婚宴！
可能大家都曾經聽過唔少「走數」嘅事件，但大家又有冇諗過原來辦婚宴都竟然可以「走數」呢？日前，內地河南一對結婚嘅新人就喺酒店舉行結婚午宴，足足擺咗40圍酒席，而一圍大約係700人民幣（約港幣860），總共係2.8萬人民幣（約3.4萬港元）！
Photo from 微博@ 小莉幫忙
# 已預先支付3000訂金！
呢對新人喺辦婚宴錢就已經事先支付3,000人民幣（約港幣3,600）作為訂金。擺酒席當日，新郎就多次用各種方法避開「找數」，強調要等所有賓客都離開先再付全款。而酒店職員亦冇懷疑對方，繼續安排婚宴。
Photo from 微博@ 小莉幫忙
# 婚宴當天不停拖延付尾數時間
直到下午2點酒席已經去到尾聲，職員再一次催促新人付尾數，然而新郎爸爸就出面表示「2樓尚有客人在吃飯，再等等吧」，一直唔願意付錢。到咗下午4點，職員突然發現所以賓客都已經離開，新郎就話手機支付嘅限額已經過咗，所以叫爸爸返屋企攞錢，自己會留下來。隨後，新郎趁職員不為意嘅時候逃離酒店！
Photo from 微博@ 小莉幫忙
Photo from 微博@ 小莉幫忙
# 從酒店逃走後失去聯繫！
酒店職員隨即「奪命追魂call」新郎為求收返筆錢，新郎轉帳5,000人民幣（約港幣6,120）予酒店，並承諾會第二日還清餘下嘅2萬尾數。果然不出所料！新郎並冇遵守承諾，再一次「走數」！酒店職員表示一直都無法聯繫呢對新人，就算上門去搵佢哋都冇人回應，過份行為激怒佢哋「做了10幾年的婚宴，從來沒有見過這樣的新人！」
Photo from 微博@ 小莉幫忙
Photo from 微博@ 小莉幫忙
# 新郎好朋友解釋事件來龍去脈！
酒店一方迫於無奈，唯有尋求內地媒體嘅協助，隨後一位自稱係新郎好朋友「高先生」就向酒店解釋情況。高先生就話自己本身認識酒店老闆嘅兒子「小東」，由於對方欠佢錢，所以就曾經同對方傾過辦酒席去償還部份債務。
Photo from 微博@ 小莉幫忙
Photo from 微博@ 小莉幫忙
# 「小東」係關鍵人物？！
然而經過深入調查後，內地媒體發現「小東」只係老闆嘅外甥，而佢媽媽係酒店職員。「小東」媽媽就解釋兒子現時被拘留所以未能還錢，不過就話肯定兒子會還錢，「現時最大問題是他們沒有付錢，我只是在這裏打工的。」認為唔應該將兩件事混為一談！
Photo from 微博@ 小莉幫忙
# 網民覺得事件不可理喻！
唔少網民睇到呢個新聞後，都覺得好驚訝，冇諗過辦婚宴都竟然會有人「走數」：「沒有錢就不要辦婚宴」、「也太寒酸了吧！」、「只是700元一圍！太丟人了！」等留言。
Photo from 微博
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
內地「6大名媛派系」大檢閱 層出不窮cosplay背後 隱藏帶貨商機？！
26 Nov , 2021
#1 佛媛
內地早前整頓娛樂圈、網上直播、粉絲圈等平台風氣，為咗減低炫富、奢華生活帶來嘅俗氣，有網紅開始轉投「佛系」生活。有別於一般網紅去酒店歎high tea、買名牌嘅生活，「佛媛」會到寺廟進行品茶、拜佛、茹素，甚至抄佛經嘅活動。
Photo from 微博
Photo from 微博
不過，「佛媛」嘅裝扮卻被不少網民直斥敗壞風氣，因為當中有不少人打扮性感，在寺廟穿著低胸、或露背等服飾。除此，有唔少「佛媛」藉此在網上賣貨賺錢，售賣同款佛珠、茶葉等，有借佛賺錢之嫌。
Photo from 微博
Photo from 小紅書
#2 幼兒媛
據內媒報道，早前在浙江杭州一間幼兒園門口，出現了一名身穿短裙、黑絲襪、黑色露肩連衣裙嘅妙齡女子，佢手拿未撕標籤嘅兒童卡通書包，喺門口等待接孩子。
Photo from 微博
Photo from 微博
不過，上載照片嘅現場人士稱，該打扮清涼嘅「幼兒媛」在幼兒園門前拍照拍了幾個小時後，終被其他家長勸誡離去，惟並無帶任何孩子走，令眾人懷疑佢根本唔係一名家長。事後亦有網民指該名「幼兒媛」係一名擁有近40萬粉絲嘅網紅，但帳戶內容已被清空。
Photo from 網上圖片
Photo from 微博
#3 病媛
「病媛」指一班聲稱自己身患惡疾要入院開刀嘅網紅，佢哋會發佈自己一臉精緻妝容睡在病床嘅照片，並於帖文稱自己原本患有甲狀腺疾病、乳腺癌等病要進行手術。
Photo from 微博
但經過數天後又會自稱已經復原，然後開始向網民介紹各種保健產品。
Photo from 微博
Photo from 小紅書
#4 農媛
「農媛」顧名思義跟農場有關，就係一班自稱會務農嘅「名媛」，但佢哋都在農地、泥地等原始環境化上亮眼妝容，又穿上一啲睇落唔太適合做農作嘅服飾落田。佢哋會再帖文中宣揚自力更生、正能量訊息，例如稱自己有多麼努力務農以改善父母生活。
Photo from 微博
Photo from 微博
有網民觀察完「農媛」工作嘅影片認為佢哋只係「做騷」，因為佢哋並無像一班農夫般頭髮凌亂、滿頭大汗，皮膚又能保持白淨。網民指出，農媛們實際都無真正「幹活」，直言佢哋打完卡就會離開。而「農媛」亦不限於女性，有網友稱見過男生成為「男農媛」。
Photo from 微博
Photo from 微博
#5 菜媛
早前，內地一間超市出現了一名頭戴遮臉大帽、身穿紅色開高衩禮服嘅高挑女士。佢手拿一袋青蔥，先係做一個華麗轉身，再用極誇張行catwalk嘅走路方式步向鏡頭，簡直將超市當成時裝走秀舞台，旁邊嘅顧客都睇到呆咗。
Photo from 微博
Photo from 微博
有網民其後發現呢名「菜媛」係一名網名叫「童大人」嘅網紅，佢喺簡介亦自稱長腿女神。
Photo from 微博
Photo from 微博
影片引熱議後，相繼有其他網紅模仿。有網民認為呢班「菜媛」會為真正買菜嘅客人帶來不便，亦有網民稱自己曾目擊有「菜媛」拍完片就將剛買個菜丟進垃圾桶，對食物造成浪費。
Photo from 微博
#6 離媛
單看名稱會較難理解「離媛」意思，其實，當中嘅「離」字解作「離婚」，「離媛」係指一班在網絡公開自己剛離婚不久嘅名媛，佢哋會曬出離婚證，以自強、獨立女性作賣點，以帶妝造型表示自己從婚姻中解脫。
Photo from 微博
當中不少「離媛」分享了多則「離婚後日常」嘅帖文後，就會開始以生活所迫、要養孩子等理由開始宣傳售賣產品，亦即「帶貨」。
Photo from 微博
Photo from 微博
「媛」本指出身名門，富有貴氣、大方得體嘅女生，但對上述出現嘅各種「名媛」而言，X媛睇嚟只係一個賺取點擊率、人氣、以及商品宣傳嘅渠道。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
