CEO Vishal Garg開線上會議豪炒900人！疑不滿冗員過多：每日只做2小時工作

疫情下不少公司會開源節流，減少人手，但一次過炒近千人又聽過未？美國一間公司最近召900名員工開線上會議，公司CEO更即席解僱所有會議參與者！據悉，其CEO早就不滿公司冗員過多，所以為在業界求存只能「大派信封」。

Photo from TVB

CEO邀900員工開Zoom會議

據外媒報道，美國一間網上按揭公司「Better.com」嘅CEO Vishal Garg於上周三（1/12）用Zoom展開線上會議，並邀請了900名員工在家出席。

Photo from Power of Banana @YouTube

即場炒魷

期間，身為行政總裁嘅Garg向所有參與者宣佈一個震撼消息：「我哋決定裁減公司約15%人手。如果你正參與此會議，即代表你就係「不幸群組」嘅一份子，你嘅聘任期結束，即時生效。」

Photo from Vishal Garg Linkedin

CEO：我上次炒人喊咗

線上會議片段疑被其中一名員工錄低上載YouTube。片中，行政總裁Garg向員工投下「震撼彈」同時表示今次係自己第二次進行大裁員，上一次佢更流下眼淚。Garg坦言公司正面臨重大挑戰，業務不如理想，所以唯有縮減人手以求生存。

Photo from TVB

Garg同時補充，被炒員工將會獲得4星期工資嘅遣散費、2個月保險金及1個月嘅全額福利。其後佢更正今次裁員人數係全公司嘅9%。

員工意見不同

相信係被裁員工之一嘅影片上傳者，於錄影會議時忍不住對著熒幕哀叫：「唔係真嘅！我無法相信...」亦有被裁員工認為會議片段被放上網猶如在自己傷口上灑鹽。不過，亦有指部分員工不滿同事表現，並慶幸無需再與相關同事合作。

Photo from TVB

網民：老細真係識揀時機炒人

對於會議內容，不少網民替被炒員工感難過，又直斥CEO Garg於聖誕前炒人嘅行為無情。其他網民表示，事件反映員工不應對公司過度忠誠，而管理層亦應檢討自己，不應將業績不佳只歸咎於員工。

Photo from YouTube 評論

Photo from YouTube 評論

有外媒報道，Garg以往曾批評被裁員工嘅工作效率，直指佢哋每日實際工作時數只有2小時，又指Garg曾與社交網匿名發文，狠批部分員工懶惰又欠缺生產力，亦曾在公司內部電郵形容員工為「笨海豚」。

Photo from TVB

相關文章：企業請公關空姐優先 要識飲酒 人工達3萬「寓工作於娛樂」

相關文章：49歲女CEO與27歲小鮮肉相愛！男方堅稱係真愛！遭CEO女兒反對指必有所圖

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）