amazon創辦人Jeff Bezos規定中國養女每星期須花光39萬！預計將來可繼承數千億財產
57歲嘅亞馬遜（amazon）創辦人貝佐斯（Jeff Bezos）曾經係全球首富，佢有三子一女，女兒係佢於2006年前往中國領養，佢非常疼愛女兒，更規定女兒每星期要使晒啲零用錢，令唔少網民大為羨慕！
亞馬遜創辦人貝佐斯（Jeff Bezos）曾是全球首富
貝佐斯（Jeff Bezos）喺2019年登上全球富豪榜榜首，雖然佢今年宣佈辭去CEO職務，全球首富嘅地位亦被Tesla創辦人馬斯克（Elon Musk）取代，但貝佐斯嘅身家依舊相當可觀，喺2020年貝佐斯嘅個人財富更加達到目前歷史最高2,123億美元。
Photo from Jeff Bezos Twitter
貝佐斯領養中國女兒，養女可繼承數千億財產
貝佐斯與前妻育有3個兒子，佢一直渴望有個女兒，2006年佢去中國領養咗被親生父母遺棄於公園嘅女孩，貝佐斯未有公開養女嘅名字，但就視如己出。
佢十分疼愛女兒，更讓3個兒子跟女兒學中文，而根據美國《繼承法》，養女同樣擁有繼承權，貝佐斯身家超過1,900億美元，佢嘅養女至少可以繼承480億美元（約港幣$3,700億）財產。
規定女兒每星期須花光39萬
貝佐斯依家坐擁龐大嘅家產，但佢童年時卻非常貧困，幸好獲繼父幫忙先成功創業。佢養女與佢好相似，平日勤儉唔會點使錢，貝佐斯咁錫女兒，更出招「教女」。
Photo from Jeff Bezos IG
有指貝佐斯為咗改善女兒嘅慳錢習慣，規定女兒每星期必須花光5萬美元零用錢（約港幣$39萬），目的係「培養女兒正確消費觀」，貝佐斯養女嘅年齡大概係10幾歲，呢筆零用錢數目實在令唔少人大為「葡萄」。
Photo from Jeff Bezos Twitter
網民超葡萄：「契爺，求收養！」
據指貝佐斯更買咗一座島嶼畀女兒去度假，網友紛紛表示獲貝佐斯收養仲好運過中一百次六合彩：「仲收唔收契仔，我一定用得哂」、「可唔可以養埋我」、「用唔晒係咪下星期要用雙倍？！」
Photo from lihkg
Photo from lihkg
另外有網友認真討論要點先可以一個星期使晒39萬，有人表示學樂器就好快用晒，或者上amazon買嘢，亦有網民稱喺香港住嘅話，一日使$39萬都輕輕鬆鬆。
Photo from Jeff Bezos IG
Photo from lihkg
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港男驚揭公司看更住豪宅戴勞力士！隱形富豪因為一個原因甘願做打工仔！
26 Nov 2021
Photo from TVB
港男與公司樓下保安員交談
正所謂「人不可以貌相」，穿金戴銀唔代表係有錢人，而平平無奇嘅亦可能係隱形富豪！近日喺香港討論區就有網友開post「公司大廈看更真人不露相」。
Photo from TVB
樓主表示佢公司大廈有個看更十分健談，咩都可以講一餐，佢都好樂意同看更交談，兩人傾下傾下都熟絡唔少。
Photo from TVB
看更自爆住附近豪宅樓盤，平時戴勞力士返工
有日看更就提到佢每日都係行路返工，樓主一時好奇，就問佢住邊可以行返工咁好，估唔到看更竟然表示佢就住喺公司附近嘅豪宅樓盤，令樓主大為吃驚。
Photo from TVB
Photo from TVB
除咗住豪宅，樓主亦發現看更平時戴名錶返工，佢更曾懷疑係贗品：「之前仲懷疑佢隻勞係假嘢，睇嚟應該係真嘢！」
Photo from TVB
為方便返工，搬出巿區租樓住，看更揭做打工仔原因
咁都未算，樓主以為看更住得豪宅都唔優做，應該係順便喺屋企附近搵份工，返工唔使咁辛苦。但原來看更本身都住得好遠，只係唔想個仔日日車佢返工咁辛苦，所以先特登搬出巿區租間屋，方便返工。
Photo from TVB
原來看更住豪宅只為方便返工，貧窮真係限制想象！看更又透露佢有家底都仲甘願做打工仔嘅原因，其真佢返工只不過係因為太悶，想搵人吹下水。
Photo from ViuTV
樓主得知內情後大感震驚：「佢交個租仲多過佢份人工，呢啲咪叫真人不露相，有錢冇掟洗......」
Photo from TVB
網友稱唔好睇小身邊嘅老人家
有網友都指唔好睇小保安員：「隨時有錢過你，人地悶唔想坐公園咋。」，更稱曾見過有保安揸保時捷、寶馬等名車返工，有網民表示認同：「唔係講笑，好多做保安其實有幾層樓收緊租」
Photo from 香港討論區
Photo from TVB
唔少網友稱身邊嘅老人家可能都深藏不露：「茶記阿叔隨時有幾間鋪收緊租」、「執紙皮阿婆可能有幾層樓」、「街邊掃街嘅可能都有幾千萬身家」。
Photo from 香港討論區
Photo from 香港討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
