欣宜出道被嘲靠肥姐終獲平反！網民輪住道歉：被鬧咁多年都唔反擊
現年34歲嘅鄭欣宜（Joyce）因為父母都係香港知名藝人而備受關注，佢出道時曾被網民指係「靠父蔭」、「靠母蔭」，但多年嚟佢憑作品得到認可，喺討論區有網友為佢平反，更向佢道歉，力撐欣宜攞女歌手金獎！
Photo from 欣宜IG
欣宜出道被指靠父母關係
母親係著名主持肥姐沈殿霞、父親係電視劇演員鄭少秋，欣宜自細已經常出演電視節目。喺加拿大完成學業後，欣宜回港並多次喺幕前出演，引起關注。
Photo from 康熙來了
但成年後嘅欣宜星途唔算好順利，雖然因為爸爸媽媽而得到唔少機會，但外界普遍認為佢係靠父母喺娛樂圈嘅人脈「贏在起跑線」上，因此對佢嘅觀感一般。
Photo from ViuTV
欣宜扮公主向吳卓羲獻吻被網友鬧爆
2005年欣宜於《兒歌金曲頒獎典禮》飾演公主，向王子吳卓羲獻吻，隨即掀起熱議，網民對吳卓羲表示同情，指場面令人不安，更將其封為「世紀之吻」。
Photo from TVB
同年香港迪士尼樂園開幕，欣宜扮白雪公主惹觀眾不滿，超過360人去信廣播事務管理局指有關場面會「嚇親小朋友」等，成為當年熱話。
Photo from TVB
兩首作品成五台冠軍歌，欣宜《歌手‧門》剖白心聲
欣宜喺演藝圈發展唔容易，出道初期飽受網民冷嘲熱諷，但佢堅持歌手夢想，近年陸續推出多首代表作品：《女神》、《小夜燈》、《@princejoyce》等。
Photo from 《@princejoyce》
2021年欣宜兩首作品《@princejoyce》、《先哭為敬》都係五台冠軍歌，成績驕人，入圍「我最喜愛女歌手」5強，更有望喺叱咤頒獎典禮奪「女歌手金獎」！喺ViuTV節目《歌手‧門》中欣宜提到自己出道初期經歷：「選擇咗香港做我嘅家，但呢度嘅人全部都唔要我，我唔可以放棄。」
Photo from 《先哭為敬》
Photo from ViuTV
網友力撐欣宜攞叱咤「女歌手金獎」、「最喜愛女歌手」
喺連登討論區亦有網友為欣宜開post「有冇人想幫欣宜平反？」，指當初人云亦云有份笑佢，但多年嚟見到對方嘅努力同實力，對欣宜改觀，力讚佢係實力唱將：「依家要同你講返一聲對唔住」，帖文有超過4,700個正評。
Photo from lihkg
Photo from ViuTV
有網民表示欣宜入到行可能係靠關係：「但做到今日咁嘅成積係靠佢自己」，唔少網友都有向欣宜say sorry，指佢性格率真可愛，就算畀人笑咁耐都仲係好有正能量。
Photo from lihkg
Photo from 欣宜IG
Photo from lihkg
有人大讚佢一直默默耕耘，推出唔少好歌，力撐佢今年攞女歌手金獎同最喜愛女歌手。亦有網民表示曾經同過欣宜合作，為人nice又有禮貌：「未見過咁有教養嘅星」，欣宜知道自己入圍叱咤「我最喜愛的女歌手」最後五強亦有感動落淚：「我曾經係最唔喜愛女歌手，依家變到大家會投我一票，所以我覺得自己已經贏咗！」
Photo from 欣宜IG
Photo from lihkg
Photo from ViuTV
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
鄭欣宜化K-pop妝靈感源於Lisa 自嘲年紀大扮唔到可愛 被網民大讚真性情！
4 May 2021
鄭欣宜（Joyce）近排開始經營自己嘅YouTube頻道，拍攝自己嘅日常生活，亦有拍攝化妝教學嘅影片！日前，佢就上載咗一段教大家化春日K-pop妝容嘅影片，佢仲話呢個妝容嘅靈感係來自韓團BLACLKPINK嘅Lisa！
Photo from 鄭欣宜IG
鄭欣宜（Joyce）近來好用心咁經營佢嘅YouTube channel，仲好勤力出片，成日都會同大家分享佢嘅日常生活片段同埋化妝片，反應都算係唔錯㗎！
Photo from 鄭欣宜IG
Photo from 鄭欣宜IG
佢最新嘅影片就教大家化春日嘅K-pop妝，佢就表示呢個妝嘅靈感係來自韓國女團BLACKPINK嘅Lisa，仲話自己係佢嘅超級fans，覺得佢好有型、跳舞都好好睇，簡直係完美嘅人類！據悉，呢條片係佢喺做完手術之後拍攝嘅，但素顏嘅佢都睇落精神唔錯，皮膚亦都唔錯。
Photo from 鄭欣宜YouTube
Photo from Lisa IG
喺影片中，Joyce仲教大家點保養皮膚，認為最緊要嘅就係健康飲食、運動同飲多啲水！另外，佢解釋自己因為剪咗一頭中長髮，搞到好唔習慣，所以先會紮咗個「春麗頭」，仲不停強調「我唔係扮可愛啊！大家千祈唔好get錯！」期間，仲自嘲話知道自己太老，扮唔到cute。
Photo from 鄭欣宜YouTube
Photo from 鄭欣宜YouTube
網民睇完影片都大讚欣宜覺得佢性格好好，夠真性情，仲有網民表示好羨慕佢嘅好皮膚！
Photo from 鄭欣宜YouTube
Photo from 鄭欣宜YouTube
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
