富貴新同事態度差仍獲經理照顧 連老闆都為佢出錢請全世界食嘢！

返工有皇親國戚做同事好容易有麻煩。近日，一名女網民到討論區大呻，其公司一名新女同事打扮富貴而且態度差，發文者有日發現佢同經理食飯，故認為佢係經理親戚，但真相原來更令人難受？

Photo from 《愛回家之開心速遞》 劇照

新嚟女同事好富貴

最近，一名網民（下稱樓主）到香港討論區發文，表示其工作地點新嚟咗個女同事，雖然樓主整個月都無同佢交流過，但佢留意到女同事每日返工都攞不同名牌嘅手袋，甚至成個月都無重複過款式，非常富貴。

Photo from 《愛回家之開心速遞》

女同事態度難搞

樓主稱，由於今個月有項目要同該女同事合作，所以終於體驗到同佢相處係點。樓主稱，女同事態度懶散，又不聽人講嘢，亦毫無主見，覺得咩都無所謂。如果係交朋友，樓主早已停止同女同事相處，但工作上同佢「絕交」只會加重樓主工作量，所以佢感到非常無奈。

Photo from TVB

同經理食飯身份特殊

有日，樓主與其他同事發現該女同事跟經理一起用膳。所以，樓主和其他人估計佢同經理有血緣關係。而由於經理未結婚，故有女同事「咁大個女」嘅可能性較低。最後，樓主認為佢係經理嘅皇親國戚，亦難怪佢可以無視工作能力及態度因素下進入公司。

Photo from 香港討論區

老闆有話兒

但真相其實比樓主想象更誇張，近日，該公司老闆突然買了一盒果撻請各位同事食，並且「拜託」全世界：「記得要好好地照顧我個女呀，呢份工都係佢畢業之後第一份工咩都唔識，所以叫佢入黎由低做起。」

Photo from 《最佳利益》劇照

樓主對前景不樂觀

樓主聽罷，始知道身光頸靚嘅女同事唔係管理層親人，直頭係「公主」，並概歎佢剛入職已經目中無人，令樓主對未來工作感到擔憂。

Photo from TVB

網民：最緊要識投胎！

對此，不少網民都理解樓主，認為公司裡嘅「公主」、「王子」係最麻煩嘅人，而且佢哋一定係老闆心中嘅「接棒人選」，樓主亦回覆表示：「可以靠父幹真幸福。」

Photo from 香港討論區

有人則建議樓主快啲溝咗呢位女同事，咁就可以升呢座駙馬爺，但樓主強調自己係女人，無興趣搞呢味嘢。

Photo from 香港討論區

另有網民表示，即使你投資和投機眼光幾好都無用，「最緊要識投胎！」

Photo from 香港討論區

相關文章：女同事經常分享食物 港男日久生情 心痛各自有伴侶 網民：以為你無錢開飯咋！

相關文章：女同事主動出擊追求港男 晚晚傳簡訊 網民勸喻：伏味濃!

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）