59歲患癌媽媽奮力抵抗病魔！ 堅持接送養女回家 背後原因超催淚！
世界上有唔少人都可能受到身體問題困擾，不過佢哋都依然非常努力生活。日前，韓國節目《實話探查隊》就拜訪咗一位患乳癌嘅媽媽，由於佢嘅癌細胞已經擴散至全身，醫生推斷佢病情隨時惡化，並有可能離開，而佢最捨不得嘅就係一對寶貝女兒！
Photo from 《실화탐사대》
# 59歲韓國媽媽發現患癌！
相信大家都經常聽人講「身體健康最重要」，雖然呢句話係老生常談，不過卻係唔少城市人忽略咗嘅嘢！最近，韓國節目《實話探查對隊》就去拜訪咗患有乳癌嘅59歲媽媽崔淑賢，佢喺2020年初發現自己患癌症，並證實係乳癌。
Photo from 《실화탐사대》
其後，崔淑賢經檢查後發現癌細胞已經擴散至肝、肺、骨髓、腦等身體部位，而佢嘅身體亦出現多個腫瘤。突然病情加劇，令醫生們都束手無策，向佢嘅家人表示要做好心理準備。
Photo from 《실화탐사대》
# 最大生存動力係一對寶貝女兒！
雖然病情非常嚴重，不過崔淑賢依然繼續堅持接受痛苦嘅治療，努力同癌細胞對抗。背後令佢可以繼續堅持落去嘅最大原因就係一對只有8歲同10歲嘅女兒！由於佢生病嘅緣故，丈夫暫時無力獨立照顧一對女兒，所以女兒們上年5約月就已經被送到當地嘅保育院暫住，週末先會返屋企同佢哋團聚。
Photo from 《실화탐사대》
Photo from 《실화탐사대》
# 堅持同丈夫接送女兒回家！
儘管崔淑賢現時出入都需要用輪椅代步，但佢堅持每個週末同丈夫一齊前往保育院接2個女兒回家，爭取每一分一秒同佢哋相處，能夠一家團聚大概就係佢現時生存落去嘅最大動力！而佢喺節目中就哭訴「我最大嘅心願就係撐到睇住佢哋讀中學！」，場面感人！
Photo from 《실화탐사대》
Photo from 《실화탐사대》
# 原來女兒們並非親生！
其實呢對女兒呢並非崔淑賢親生女兒，而係佢同丈夫分別於2013年以及2016年領養嘅！原本領養女兒嘅時候就承諾會好好陪伴同照顧佢哋，然而卻突如其來發現生病，令佢對2個女兒感到非常愧疚。
Photo from 《실화탐사대》
Photo from 《실화탐사대》
# 獲得網民們幫助，得以續命！
近日，由於癌症治療嘅後遺症，崔淑賢嘅身體失去止血功能，所以每一次入院都需要接受輸血。然而，崔淑賢嘅血型本身就比較罕見，所以庫存一直都唔夠，幸好獲得一班有心人嘅幫助，令佢現時得以繼續維持生命，而佢就更加堅強咁話「獲得咁多人嘅輸血幫助，就更加唔可以輕易放棄！」，強大嘅意志力實在非常值得敬佩！
Photo from 《실화탐사대》
Photo from 《실화탐사대》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
大二生被病母勸喻退學工作養家！ 父親突然離世頓失經濟支柱！深陷兩難局面
8 Dec , 2021
正所謂「家家有本難念的經」，相信唔少人都曾經因為家庭狀況唔允許而需要改變自己未來嘅計畫。最近，有位就讀大學Year 2 嘅港男喺討論區表示父親突然離世，令家庭經濟狀況變得非常艱辛。而母親就勸喻佢退學工作賺錢，然而港男非常想完成學業，令佢陷入兩難局面！
Photo from TVB
# 港大生面臨家庭經濟困難！
「知識就是力量」係非常出名嘅經典名言，唔知大家又相唔相信呢句說話呢？日前，有位就讀港大Year 2 嘅港男就因為現實嘅問題而導致陷入困難，並以「呀爸突然過咗身，呀媽叫我...」為題開post，詢問網民意見！
Photo from Dcard 討論區
# 父親上個月突然離開！
港男表示自己係「屋村仔」，現時就讀Year 2，屋企仲有一個讀緊中二嘅妹妹。然而，爸爸上個月突然過世，令佢哋屋企頓時失去經濟支而媽媽就有長期病患，就算返工都賺唔到好多錢，每月都只係得大於3000至4000！
Photo from TVB
# 媽媽迫於無奈提出退學請求！
近日，媽媽就喊住咁向港男講「老豆走咗之後，媽咪頂得好辛苦，一份糧真係唔夠養家，我想你退學賺錢養家。」，並對港男表示歉意，明白要佢突然退學係非常殘忍嘅決定！
Photo from TVB
# 港男不想放棄學業，詢問網民意見
港男聽到後，亦深深理解媽媽嘅苦衷，由於媽媽年紀已經開始大，仲經常需要出入醫院，實在難以承擔成個家。不過，港男就覺得好迷惘，「當年我好辛苦由一個band3仔考入hku。以為過完呢4年，我人生可以有啲改變」，慨嘆計畫總係趕不上變化！
Photo from TVB
# 網民建議繼續堅持完成學位！
大部分網民都表示十分同情港男現時嘅情況，不過就唔贊成港男而家退學「有HKU degree都好過你乜都冇」、「建議唔好放棄學位」等，都認為港男既然入咗大學就一定要成功攞到畢業證書先！有相似經驗嘅網民就建議港男辛苦啲一邊讀書一邊做兼職，「私補嘅人工都唔錯㗎！可以利用你學業優勢」等，幫助減輕家裡負擔。
Photo from Dcard 討論區
Photo from TVB
# 暖心為港男提供建議！
而網民仲好貼心咁為港男提出唔同嘅辦法去改善生活：其中唔少網民都認為港男應該可以申請專上學生資助計劃（Grant Loan）以便繼續學業，同時亦可以向政府申請綜援，應該可以大大減輕家裡暫時嘅經濟負擔！
Photo from Dcard 討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
