阿嬌鍾欣潼同賴弘國離婚有不捨！爆當初結婚原因！阿Sa蔡卓妍唔後悔嫁鄭中基！
Mani霍汶希指Twins出道即爆紅，估到組合會走到20年
節目一開始，阿Sa、阿嬌同經理人Mani（霍汶希）登場，主持人魯豫提到Twins出道20年，問Mani有無諗過佢哋呢個二人組合會維持到咁耐，Mani自言有估到。
Mani表示當年Twins出道一年就爆紅，全香港人都為佢哋著迷：「一歲到八十歲的都喜歡她們。」，外界唔少聲音都指Twins唔紅得幾耐，於是Mani下定決心要令呢個組合一直行落去，並同公司商量每次Twins出專輯都花大量心力，務求每次都畀到新鮮感觀眾。
阿Sa、阿嬌坦言唔後悔結婚
阿Sa阿嬌稱大家都好了解對方，兩人都曾經歷結婚、離婚，主持人魯豫問佢哋如果可以重來，仲會唔會結婚，阿Sa稱唔後悔同鄭中基結婚：「沒有，因為我真的愛，但是如果你問我現在還會不會結婚，我不知道。」，而阿嬌則輕輕搖頭表示有得重新嚟過嘅話佢唔會結婚，但佢亦指：「其實我也不後悔，我也是希望得到大家的祝福。」
阿Sa坦言以前將婚姻睇得太簡單：「就覺得兩個人相愛，然後就結婚了，但是沒想到結婚之後，相處是一個很大的學問。」
阿嬌鍾欣潼爆同前夫賴弘國結婚原因
魯豫稱結婚多年嘅夫妻需要互相包容，阿嬌似有暗示：「我已經很包容了。」，佢又指自己啱啱離婚暫時唔急於要再開始新戀情：「我沒必要找一個人回來常常發我脾氣、跟我吵架甚麼的。」
阿嬌又爆當初點解會同賴弘國結婚：「我為甚麼結婚？因為我很喜歡他的家庭，他家庭氛圍很好。」，佢指前夫賴弘國父母教育好好，係博士、老師，阿嬌坦承係因為家庭而愛一個人，又稱離婚時喊得最勁係因為唔捨得前夫嘅爸爸媽媽。
阿嬌曾想生BB
提到生小朋友嘅話題，阿嬌指佢都希望會生BB，但唔會強求：「就是老了還是要想一個小朋友會陪伴你。」，佢笑言覺得自己基因唔差，不過如果無小朋友都無所謂。佢又指喺前夫咁美好嘅家庭環境曾令佢想生bb：「但可惜...就沒有。」而阿Sa則稱暫時無打算生小朋友，又指如果最後無生到都可以收養一個。
阿Sa罕有向男友示愛，稱享受二人世界
阿Sa於2017年承認與「百億麻將館太子爺」石恆聰拍拖，相戀4年佢罕有提及男友，佢指平時唔會高調放閃，阿嬌即插嘴：「高調都會失敗的」 。阿Sa表示曾經覺得會單身好耐所以努力工作賺錢養自己，但愛情就突然降臨：「通常是你沒想到，你不想它（愛情）就來了！」
阿Sa更向男友「示愛」：「我也挺愛我男朋友的。」又表示因為好愛男友，所以好享受兩個人嘅時光，根本唔想生小朋友：「兩個人的時光實在太好了，你就不想生一個人出來破壞它。」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
Twins合體現身街市拍節目！阿嬌秒變「路人」與阿Sa身材成強烈對比！
8 Jul 2021
Twins出道20周年，阿Sa（蔡卓妍）、阿嬌（鍾欣潼）早前就合體出席內地嘅一連串活動。近日佢哋更出演內地節目添！有網友偶遇兩人現身街市買餸，不過阿Sa同阿嬌嘅衣著打扮同身材就引起大眾熱議！
Photo from 阿嬌微博
阿嬌近年北上發展，同好拍檔阿Sa久未合體，不過Twins出道20年嘅大日子，兩人終於重聚，佢哋齊齊開直播，唔少80後、90後嘅fans回憶都返晒嚟！
Photo from 阿嬌微博
阿嬌最近因為身型暴脹而屢屢成為話題，阿Sa曾代佢解釋係因為荷爾蒙失調，而阿嬌就提到佢接拍新電影，為角色增肥，一日最少食5餐。
Photo from 微博
為咗慶祝Twins出道20周年，阿Sa阿嬌合體出演內地節目，兩人更一齊去街市買餸添！有網友偶遇Twins，將相片放上微博，引起大眾關注。
Photo from 微博
阿Sa當日身穿黑色短上衣同牛仔長褲，打扮隨性但顯得身型高挑，頗有星味。而阿嬌就以全黑造型示人，oversize過臀上衣配寬鬆嘅黑色長褲，著黑色拖鞋，仲帶上黃色太陽帽，打扮低調。
Photo from 微博
Photo from 微博
Photo from 微博
有網友直言兩人嘅氣質完全唔同，阿Sa星味突出，阿嬌衣著打扮十分「路人」，似係阿Sa嘅助手：「這是在大媽的路上一去不復返了」。
Photo from 微博
Photo from 微博
Photo from 微博
其實早前Twins合唱《下一站天后》嘅片段中，同著白色套裝嘅Twins身型對比亦曾引起熱議，網友指著西裝包到密密實實嘅阿嬌仍明顯比身旁著露肩長裙嘅阿Sa大成個碼。
Photo from 微博
Photo from 微博
Photo from 微博
阿Sa阿嬌一向都保養得宜，不過阿Sa身型體重不嬲都相當穩定，而阿嬌體質與阿Sa唔同，出道以嚟體重經常有變化，外界亦成日將佢哋嘅身材作比較！
Photo from 阿嬌微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
