【開心速遞】傳曾勵珍巡視《愛回家》劇組不滿2大遲到王！「龔燁」張景淳被訓話？
《愛回家之開心速遞》成全港最長處境劇
《愛回家之開心速遞》於成為全港最長嘅處境劇，曾經一度屢破30點收視，更超越同日播出嘅兩套電視劇，成為TVB嘅皇牌電視劇。
《開心速遞》播出至今已近5年，依家仲係每日播映，劇中嘅角色都非常「入屋」，唔少情侶檔組合都好受觀眾歡迎，包括熊若水（呂慧儀飾）與龔燁（張景淳飾）嘅「龔水戀」、龍力蓮（林淑敏飾）同宋瑞輝（許家傑飾）嘅「蓮輝戀」等。
「龔水戀」、「蓮輝戀」終成眷屬
熊若水龔燁、大小姐送水輝兩pair情侶嘅感情線都發展咗一段時間，劇情更安排兩對情侶齊齊結婚，絕對係一大高潮！
有指劇組趕拍結婚戲份，務求喺12月27日一連3集播出熊若水龔燁、大小姐送水輝大婚嘅盛大場面。呢兩pair couple咁受歡迎，更有觀眾特意為「龔水」安排咗應援活動。
飾演熊若水嘅「長腳蟹」呂慧儀就喺社交網站上傳咗「龔水」超大型廣告牌嘅打卡照感謝fans嘅支持：「每天看到大家的打卡，真的很心甜！海報好大張！設計也很美！深深的感受到了，你們的熱愛」
有傳TVB高層曾勵珍不滿劇組2大遲到王
不過有報道指任職TVB助理總經理（戲劇製作）嘅「珍姐」曾勵珍亦十分重視呢幾集重頭戲，並「收到風」經常有人遲到同掛住食唔認真工作，珍姐仲親自落廠巡視。
報道指疑為劇組2大遲到王正正係大婚嘅主角「龔燁」張景淳同「大小姐」林淑敏，而珍姐微服出巡當日更撞正「熊若水」呂慧儀飾與「龔燁」張景淳，兩人即時被珍姐訓斥！
其後兩人都無正面回應呢件事，只係話感謝fans支持，而因拍劇暫別《開心速遞》嘅「金城安」周嘉洛就坦言有聽聞過阿姐落廠，仲話：「珍姐冇話唔好食嘢，但準時就真係好緊要。」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
《愛回家之開心速遞》Terry親手將大小姐送水輝經歷畫成漫畫 龍家造型神似
30 Jul 2019
琴日播出嘅《愛回家之開心速遞》就講到大小姐同送水輝公開戀情之後，同大龍生對抗。
其中就有叫《走佬公主》嘅漫畫喺威龍秘密網流傳，原來啲漫畫係Terry李偉健親手畫㗎！
Photo from 林淑敏IG
李偉健入行前以「小甜健」為筆名，喺《CO-CO!》上連載漫畫。估唔到佢仍有繼續畫漫畫～
琴日嗰集《開心速遞》入面嘅漫畫講述公主為咗同送水工人一齊而激怒國王，其實就「公主」係大小姐、「送水工人」即送水輝、而「國王」就係大龍生。
Photo from 林淑敏IG
Photo from 林淑敏IG
Photo from 林淑敏IG
3個角色都好神似，尤其係國王發嬲個樣，真係好似大龍生～
漫畫仲有Terry本人同KC添！KC仲問Terry：「嗰個低B細佬，流晒口水鼻涕嗰個呢，仲唔係你？」，Terry亦反擊：「即係企喺佢隔離懶有型，但其實好樣衰嗰個舅父，即係你啊？」
Photo from 林淑敏IG
Photo from 林淑敏IG
呢集播出後，大小姐即喺IG post咗漫畫圖，並留言感謝Terry畫嘅漫畫：「今晚嘅亮點唔係人，係故事和細佬的漫畫。」
Photo from 林淑敏IG
連陸浩明 6號都留言話：「正喎，大龍生好鬼似??」
Photo from 李偉健IG
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
