妻子投訴丈夫離家4年整容成年輕帥哥 當初因貧窮入贅 如今事業有成拋棄妻兒

摯親突然離家可以有好多原因同秘密，內地有一名丈夫以外出打工為由，離家4年音訊全無，妻子終發現佢進行了整容手術，外貌大升級後嘅丈夫成了公司高層，更拋妻棄子養小三。兩人重遇後爭辯一輪，最終需調解員出馬緩解紛爭。

Photo from Bilibili

內地丈夫離家4年音訊全無

綜合內媒報道，內地一名妻子（陳麗亞）四處外出，只為尋找4年前離家打工嘅丈夫（羅志強）。在丈夫「失蹤」嘅4年間，陳女完全聯絡不到對方，「微信被封鎖、電話不接、短信也不回。」

Photo from Bilibili

丈夫竟偷偷去整容？

直至最近，陳女在網上發現丈夫蹤跡，於是從家鄉貴州趕到長沙，開始佢嘅尋夫記。透過網上線索，佢發現丈夫猶如「換了層皮」。剛結婚時，丈夫皮膚黑、多痘印、眼細，但呢家佢外貌進化了不少，紋了眉毛、隆了鼻子、變雙眼皮、亦有打玻尿酸跡象，整個面貌精神了許多。

Photo from Bilibili

Photo from Bilibili

Photo from Bilibili

變帥後事業桃花通通來

而且，陳女更發現了丈夫在網上與其他女人互稱「老公、老婆」，令佢非常生氣，並趕到了丈夫現時嘅工作地點。

Photo from Bilibili

到達後，陳女已見到門口泊著屬於丈夫嘅一家靚車，透過職員聯絡，丈夫羅志強在五分鐘後終於出現在陳女面前。佢穿著西裝，打扮端莊，更改了藝名，並坦誠自己整過形，改過名。

Photo from Bilibili

Photo from Bilibili

丈夫否認妻子指控

陳女當面投訴，羅志強現在身為總經理，每個月賺數萬元人民幣，每月卻只給2千元家用，過程中仲會問東問西。陳女需照顧一名兒子，所以相當不滿，亦質問：「你有良心嗎？我媽那6萬元你什麼時候還？」

Photo from Bilibili

羅志強鎮定解釋，自己只係一名講師，收入無陳女想象中高，加上之前做生意虧蝕了幾十萬，現時還有40多萬債務要還。佢更稱，整容與靚車只係公司福利，又直言自己「整得唔好」，雙眼亦都修復過2-3次。

Photo from Bilibili

對此，陳女認為羅志強由過去嘅窮小子變成如今嘅「帥氣講師」，過程中花費一定龐大，無可能只係公司福利。佢覺得丈夫只係故意裝窮，唔想再理妻兒。

Photo from Bilibili

對於同陌生女子嘅合照及親密對話圖，羅志強都百口莫辯，聲稱係P圖及「唔知點嚟」。其實羅志強一早想同陳女離婚，但由於要返回老家辦理手續，而羅又唔想返去，導致局面僵持至今。

Photo from Bilibili

Photo from Bilibili

丈夫離家另有內情？

羅志祥又指，其實5年前佢係入贅陳家，當時佢同陳女已網戀5年，見面不久後結婚，次年育有一子。從二人結婚證相片可見，陳女以前身形瘦點，外貌更青春，先在為了照顧家庭而發福不少。

Photo from Bilibili

但丈夫自從離家，便變了另一個人，令陳女好不忿。面對妻子嘅指控，羅志強都不甘示弱，表示陳女性格太強勢，自己長期受壓下終選擇逃離此家，又稱係因為對妻子嘅怨念，所以先多年不回家。

Photo from Bilibili

二人同意離婚

最終，有調解員出手協助二人情況，陳女最終同意離婚，雙方簽訂了離婚協議。

Photo from Bilibili

網民：真係有咁靚仔？？

對此，不少網民都希望兩人都能解脫。同時，亦有人認為羅志強外貌雖有進化，但並未有媒體所指咁靚仔，並質疑有誇大之嫌。

Photo from 快手直播 評論

Photo from Bilibili

相關文章：內地「連體夫妻」丈夫移情別戀女粉絲！　拋棄妻女 網民：沒有腿都可以劈腿？！

相關文章：內地「6大名媛派系」大檢閱 層出不窮cosplay背後 隱藏帶貨商機？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）