細佬經常擅自帶女友回家！ 港男列出4項難頂事例：瞓晒成張沙發/唔打招呼

相信唔少感情穩定嘅情侶都一定經歷過「見家長」呢個過程，而唔少人都會努力為咗喺另一半嘅家人面前留下好印象，不過有位港男就似乎有截然不同嘅經歷喇！港男喺討論區大呻佢細佬帶同女友回家食飯，然而佢女友無禮貌嘅行為卻令佢非常嬲！

Photo from TVB

# 港男大呻細佬經常帶女友回家！

大家又有冇試過見另一半嘅家人呢？！日前，有位港男就表示自從細佬拍拖後，就經常擅自帶女友回家瞓覺，而女友亦經常出現喺佢哋屋企「一個月差唔多上咗嚟十幾日」。面對住突如其來嘅「屋企人」，佢哋一家人嘅日常生活都大受影響！

Photo from 連登討論區

# 細佬女友行為自私！

港男表示細佬女友完全當係自己屋企一樣，行為亦非常自私，經常都會「成個人瞓喺張梳發度」，令本身放工返屋企想輕鬆睇電視嘅樓主冇得坐！就算見到港男嘅家人都唔會打招呼，令非常生氣！

Photo from TVB

# 完全當係自己屋企？！

除此之外，細佬女友仲經常上嚟瞓，自己使用完嘅碗碟都唔會洗，只係擺喺度等其他人洗，令港男表示「真係好難頂」！而所有家務都由港男嘅媽媽一手包辦，仲話細佬女友完全冇諗過要幫手！

Photo from TVB

# 溝通後情況依然未有改善！

其中最過份嘅就係，有一次全家人都等細佬同佢女友開飯，不過女友居然當面嫌棄「啲餸唔啱食」，仲要求細佬落街陪佢食，令港男真係非常憤怒！即使家人同細佬傾過，但情況依然未有任何改善。眼見細佬二人即將放假，而女友到時仲會搬過嚟住，就令港男感到非常頭痛，詢問網友們有冇辦法可以解決問題。

Photo from TVB

Photo from TVB

# 網民認為港男應該出面斥責細佬及其女友！

唔少網民都認為細佬同女友嘅行為非常過份，覺得港男應該出面斥責佢哋先能夠解決問題！加上女友嘅行為似乎唔太尊重港男嘅媽媽「委屈自己屋企人就一定唔得」，大部分網民都認為港男要幫媽媽發聲。

Photo from 連登討論區

Photo from TVB

# 網民絞盡腦汁諗辦法！

有網民就覺得細佬女友嘅行為非常厚面皮，提議港男「要對付厚面皮嘅人就要比佢更加癲」。網民提出咗唔少異想天開嘅建議，包括「佢沖涼果時熄熱水爐」、「喺屋企淨係著孖煙通」等，認為對方應該會因此而知難而退！

Photo from 連登討論區

Photo from TVB

相關文章：媽媽想將公屋傳畀兒子 要求回收女兒房間！細佬中學零用錢多10倍！港女：當我係垃圾

相關文章：港男上女友屋企自覺不被尊重！女友細佬一句話「好唔比面」！網友反指：太小家

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

丈夫偷偷挪用聯名戶口資金 為資助細佬結婚?人妻嬲爆：係我哋筆首期!

28 Oct , 2021

經濟上嘅問題係造成唔少夫婦爭吵嘅原因之一！最近，有位港女就於討論區上表示發現丈夫偷偷動用兩人聯名戶口裡面嘅金錢，令佢感到十分憤怒！而丈夫用錢嘅原因竟然係為咗資助細佬結婚？！

Photo from TVB

# 婚後與丈夫共同擁有聯名戶口！

唔少夫婦結婚後都會開聯名嘅銀行戶口一齊儲錢，並方便計算生活上大大小小嘅開支。日前，有位人妻就發現丈夫居然偷偷用兩人戶口裡面嘅錢，令佢十分憤怒！

Photo from 香港討論區

# 以1萬作為細佬結婚人情！

人妻表示佢同丈夫婚後就開設咗一個聯名戶口，希望可以盡快儲到錢可以支付買樓首期。而丈夫嘅細佬就即將結婚，兩夫婦商量後就決定俾$1萬蚊作為人情！

Photo from TVB

# 丈夫偷偷資助細佬結婚？！

不過，人妻最近就發現兩夫婦嘅聯名戶口少咗錢，追問之下先知道丈夫嘅細佬又再偷偷要求佢哋資助佢結婚，而費用仲足足要$5萬咁多！而丈夫就瞞住佢將錢攞走，令港女感到十分憤怒，因為佢知道丈夫細佬並非向佢哋借錢，而係希望佢哋直接出錢幫助！

Photo from TVB

# 人妻感到憤怒！

人妻覺得非常生氣，一方面係認為丈夫竟然問都唔問就挪用咗佢哋一齊儲嘅錢，有少少被背叛嘅感覺；另一方面係覺得即使丈夫要資助細佬都唔應該動用到聯名戶口裡面嘅金錢，仲話自己家人有要事急需要錢嘅時候，佢都只係用自己戶口存落嘅錢去幫助家人！

Photo from TVB

# 網民撐人妻！

呢個post隨即引起網民熱議！大部分網民都認為呢位細佬非常貪心，即使結婚都要哥哥資助「冇錢結婚就唔好結啦！」；亦有網民認為丈夫私自動用聯名戶口裡面嘅錢，係非常唔尊重人妻嘅表現，認為人妻必須好好同丈夫講出問題，避免再有同類事情發生！

Photo from 香港討論區

Photo from TVB

# 有網民認為人妻小器？！

相反，亦有為數不少嘅網民認為呢位丈夫選擇幫助細佬係佢嘅自由，而且「一生人兩兄弟」既然係細佬嘅結婚大事，幫助一下都在所難免，仲反而責怪人妻斤斤計較！

Photo from 香港討論區

Photo from TVB

相關文章：港女指婚禮過後奶奶竟要求收返人情！表示：啲朋友係因為我先會嚟

相關文章：港女自行花錢購買新iPhone 因為$500 激嬲男友被罵敗家？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）