同性好友出Pool 男生慘被冷落！被已讀不回 嘆9年友情不敵3個月戀人

多年密友出pool固然替佢開心，但可能會令自己「失寵」！最近一名男網民到討論區發文，大呻同性好友拍拖後對自己態度轉淡，連Whatsapp都已讀不回，令佢好心灰，遂問網民好友是否「有異性無人性」！

Photo from K.Will 《Please Don't》 MV

男生心痛同性友人拍拖後忽略自己

近日，一名報稱21歲，A0（無拍拖經驗）嘅男網民（下稱樓主）到連登討論區發文，表示自己嘅男性好友於3個月前正式出pool，自此佢開始對樓主冷淡。以往二人都會一起外出食飯睇戲，每月約3-4次，但好友拍拖後不僅以忙為由拒絕應邀，仲將樓主嘅Whatsap訊息已讀不回。

Photo from K.Will 《Please Don't》 MV

慨嘆9年情不敵相識3個月女友

樓主感慨，佢同好友由中學認識至今9年，二人猶如一起經歷成長，但9年之情竟然會輸畀一個識咗僅3個月嘅人（好友女友）。

Photo from 《尖子攻略》劇照

樓主又指，約1個月前，好友嘅IG Story就只會上載與女友放閃嘅合照，而樓主發畀佢嘅短訊亦經常拖到隔一兩日先回覆。

Photo from 《大力女子都奉順》劇照

生日總會送手寫生日卡予好友

對此，不少網民都「搗亂」，留言大唱：「能成為密友，大概總帶著愛」，而樓主卻未有被引發笑點，反而傷心表示：「年年生日請佢食飯又送手寫生日Card俾佢都唔叫密友（大哭icon）」

Photo from 連登討論區

Photo from K.Will 《Please Don't》 MV

網民驚訝男人間會「搞啲咁嘅嘢」

樓主嘅留言更加強了網民幻想，有人驚歎：「男人老狗搞啲咁嘅嘢」，亦有人認為樓主舉動好sweet，但好奇對方有無以同樣行動回應呢段友誼。

Photo from 連登討論區

有網民表示理解樓主感受，但同時指：「冇人會陪你一世，習慣孤獨都係要鍛鍊下」。另有人坦言，散咗自然會搵返朋友，而樓主就回想起以往一名中學女同學，因為掛住拍拖而忽略閨蜜，最終導致絕交，但佢同男友交往不夠一個月便被分手，搞到朋友同戀人都無曬，所以樓主指，佢最怕出現「拍拖搞到無曬朋友」嘅情況出現。

Photo from 何韻詩《勞斯．萊斯》MV

相關文章：港男大呻「拍拖愈拍愈孤獨」女友太癡家+無物慾 男方：係咪應分手？

相關文章：毒男Whatsapp發脾氣遭女神無視 淆底扮做戲勁尷尬 網民：好肉酸！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）