【邊度都有陰謀】藍可兒事件隱藏幕後陰謀？！被發現時呈倒十字姿勢/閉路電視有剪輯過?

By Stephanie on 17 Dec 2021

Digital Content Writer

相信大家應該都聽過有關「藍可兒離奇失蹤事件」，至今呢單案件依然疑點重重，其中有唔少網民都認為事件可能同神秘幕後組織有關。最近，TVB節目《邊度都有陰謀》就同大家探討案件，並邀請陰謀論學者分享有關嘅傳聞！

Photo from 《邊度都有陰謀》

# 藍可兒2013年於美國失蹤！

2013年1月，21歲嘅加拿大華裔女子藍可兒獨自一人到美國旅遊，並於26日入住位於洛杉磯市中心嘅賽西爾酒店（Cecil Hotel）。據悉，佢是次旅遊嘅目的係為咗散心，期間佢一直都有同家人保持聯絡。直到1月31日，藍可兒嘅家人因為多日未能聯繫女兒而報警，可惜遲遲都未能搵返藍可兒！

Photo from 《犯罪現場：賽西爾酒店失蹤事件》

# 該酒店本身就人流複雜！

其實Cecil Hotel 原本屬於高級酒店，但就慢慢變成咗平價嘅旅館，人流較為複雜，亦曾經發生過唔少奇怪嘅事情！當時有唔少網民都表示唔理解點解藍可兒要選擇呢間酒店，事關該區域都仲有幾間同類型嘅旅館，而且價錢都比較便宜，令唔少人都非常好奇。

Photo from 《邊度都有陰謀》

# 升降機閉路電視片段引發熱議！

而呢單案件中，最離奇嘅就一定係藍可兒喺酒店升降機內所做出嘅一連串奇特行為喇！根據當地警方所釋出嘅片段，藍可兒亂按升降機內嘅樓層，並且對住空氣自言自語。其後，佢亦多次於升降機內外徘徊，又突然躲到升降機角落，好似同其他人玩緊捉迷藏咁，令唔少人感到不寒而慄！

Photo from 《邊度都有陰謀》

# 片段疑似經過後製？！

然而，有細心嘅網民就留意到閉路電視片段中嘅時間軸非常模糊，搞到唔少人都質疑片段有可能已經剪輯後先公開。加上，當時警方以及酒店所公開嘅藍可兒閉路電視都並非一條完整嘅影片，而係分段式咁釋出，令大家覺得關鍵證據好大機會已經被處理！

Photo from 《邊度都有陰謀》

# 與韓國升降機遊戲不謀而合？！

有網民就表示認為藍可兒於升降機內嘅片段，同韓國「升降機遊戲」十分相似！實際上，該遊戲係同「探靈」相似嘅活動，而翻查當時佢喺升降機內所按嘅層數的確同遊戲中嘅一模一樣，令唔少網民都推測藍可兒可能因為出於好奇而嘗試玩，導致出現奇怪行為？！

Photo from 《邊度都有陰謀》

# 藍可兒失蹤3星期後，被發現於酒店水箱！

最終，藍可兒失蹤3星期後被發現於酒店天台水箱！事件之所以被揭發係因為一對美國夫婦喺飲用自來水嘅時候，發現水質有問題，而酒店保安就喺檢查時候揭發事件。

Photo from 《邊度都有陰謀》

# 藍可兒被發現時非常奇怪？！

根據保安員嘅描述，藍可兒被發現時係呈現倒十字嘅狀態，而佢身上嘅衣物亦無法尋回，引發大量網民熱議！而呢點就令唔少陰謀論學者推測，可能係仇視基督教嘅神秘組織所為？！而警方以及酒店保安員（第一目擊者）嘅口供就有出入：保安表示到達時水箱嘅蓋子已經打開咗；但警方就話蓋子係關上嘅。

Photo from 《邊度都有陰謀》

而警方最後亦釋出「藍可兒事件」嘅有關報告，原因經過多次修改後，最終被定為「Could not be determined (無法作出解釋)」。

Photo from 《邊度都有陰謀》

# 藍可兒生前曾前往書局！

事實上，當地警方就成功調查到藍可兒喺失蹤前去咗書局，並且將書本寄去某個地址。最令人毛骨悚然嘅就係地址居然係喺酒店內居住過嘅受害人嘅舊住址！

Photo from 《邊度都有陰謀》

# 情節與2005年美國電影相似！

其中，2005年上映嘅美國電影《雨夜閃靈》嘅情節同「藍可兒事件」十分相似！戲中嘅紅衣小女孩就名叫「Cecilia」，而藍可兒失蹤嘅酒店係Cecil Hotel，發音上差唔多；而劇中女主角就因為接觸到奇怪嘅事情，最終於水箱被發現。

Photo from 《邊度都有陰謀》

# 光明卡曾經預言事件？！

光明卡實際上係80年代嘅桌上遊戲，不過就曾經預示咗唔少將來會發生嘅事情，包括911等大事。而其中一張光明卡就似乎同「藍可兒事件」吻合：「Eliza」就正正係藍可兒嘅英文名；而卡上嘅女生亦於水底當中！

Photo from 《邊度都有陰謀》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【邊度都有陰謀】英女王/國際名人都係外星人?! 揭開蜥蜴人5大特徵！戴妃車禍藏大陰謀？

9 Dec , 2021

坊間一直都有唔少關於外星人嘅傳聞，其中「蜥蜴人」嘅存在就成為唔少人議論紛紛嘅話題。有唔少陰謀論學者都認為蜥蜴人其實好有可能就喺大家嘅身邊，當中唔少名人都成為被懷疑嘅對象！最近，TVB節目《邊度都有陰謀》就深入解構咗一連串有關「蜥蜴人」嘅秘密，等我哋一齊睇下啦！

Photo from 《邊度都有陰謀》

唔知大家又相唔相信呢個世界上有外星人呢？！陰謀論學者們將外星人們分為5大類別：大鼻子、小灰人、龍族、飛蛾人以及蜥蜴人。其中蜥蜴人嘅外型就同人類非常相似，所以一直都流傳蜥蜴人可能就出現喺大家身邊嘅傳聞！

Photo from 《邊度都有陰謀》

# 蜥蜴人有5大特徵！

有陰謀論學者就表示「蜥蜴人」喺幾千年前由天龍星來到地球，而唔少埃及、古羅馬嘅壁畫中都出現佢哋嘅身影，60至70年代嘅時候仲有人表示見到到佢哋以原型出現喺街頭！佢哋最大嘅目的就係為咗統治地球同控制人類，所以有傳佢哋已經已經入侵皇室成員、國家元首等具有權力嘅人身上！雖然蜥蜴人同人類好相似，不過佢哋就有獨特嘅5大特徵。

Photo from 《邊度都有陰謀》

1. 瞳孔可以變成欖尖型

第一，瞳孔可以由圓形變成欖尖型，而唔少蜥蜴人可能會喺生活中樣貌突然出現變化，俗稱face shifting或者 eyes shifting。而前美國總統老布殊就曾經喺國民演說中被拍到瞳孔突然變形！

Photo from 《邊度都有陰謀》

2. 下顎出現鱗片

其次，蜥蜴人下顎有鱗片，當中有名人居然出現咗呢樣嘅特徵？！前美國副總統戈爾就喺訪問期間被傳媒拍到下顎疑似有鱗片嘅圖片，而且媒體後來仲逐格逐格將畫面曝光！國際巨星安祖蓮娜亦曾經被拍到下顎位置出現奇怪紋理嘅照片

Photo from 《邊度都有陰謀》

3. 舌頭開叉

第三，蜥蜴人嘅舌頭會開叉，有少少似蛇。而英女王就曾經被拍到嘴巴位置出現小洞，口型同蛇有啲相似；此外，英女王仲曾經被拍到左眼睛突然充血，非常驚人！

Photo from 《邊度都有陰謀》

4. 腮位漲大

第四，蜥蜴人喺飲水嘅時候，腮位置會先漲大再飲水，同人類唔同。而美國政治人物希拉莉喺演說途中就曾經被拍到，飲水之前腮位置竟然離奇漲大！

Photo from 《邊度都有陰謀》

5. 眼睛上下方突然出現腫塊

最後，蜥蜴人嘅眼睛上下方都會有腫塊，目的係保護眼睛，而且只係一剎那咁出現。Tesla總裁 Elon Musk嘅左眼就曾經喺公開活動中突然腫起咗！

Photo from 《邊度都有陰謀》

# 蜥蜴人控制宗教儀式？！

喺一個梵蒂岡嘅宗教活動上，有人拍攝到後面嘅背景出現一個類似蜥蜴人嘅雕像，認真睇就會發現人嘅頭上有蜥蜴出現！而梵蒂岡嘅教堂建築物上都有好似蜥蜴外貌嘅設計，天花板上嘅密集設計就好似鱗片，而兩個圓形就係眼睛。

Photo from 《邊度都有陰謀》

# 戴安娜王妃嘅車禍隱藏大陰謀？！

正如前面所講，英女王好有可能係蜥蜴人，咁講佢嘅後代就理所當然擁有蜥蜴人血統啦！有傳，戴安娜王妃曾經同佢嘅私人助理講「They are not human.（他們不是人類）」，而助理其後出版書籍時亦都有提及過。不過，傳聞就指戴安娜嘅舉動觸怒英國王室成員，所以佢被迫要離婚並且後來出現嘅車禍可能都同蜥蜴人有關！