王力宏情歌王子形象不再！音樂系學生要漏夜改論文題目：早知研究周杰倫

By Jennifer on 20 Dec 2021

Digital Editor

今晚食乜餸：小二，嚟一碟花生！

王力宏宣佈離婚後被李靚蕾發文揭「真面目」，令佢「深情才子」形象一去不返，有音樂系學生本來論文題目係研究王力宏嘅經典情歌《花田錯》，佢出事後要漏夜搵導師急修改題目！

王力宏「情歌王子」形象崩塌

王力宏出道26年一直以「情歌王子」形象示人，估唔到佢宣佈離婚後前妻李靚蕾以5,000字長文力斥佢真實面目！雖然王力宏出動王爸爸手寫信及親自回應，但面對「蕾神」一次又一次「猛鎚」力度，王力宏終不敵蕾神，喺社交網站向公眾、李靚蕾、父母、子女道歉。

喺李靚蕾發文後，王力宏多個代言廣告商都宣佈同王力宏解除合作關係，有指內地已將佢列為「失德藝人」。而受「王力宏離婚」事件影響嘅唔止一班廣告商，仲有一位音樂表演系學生！

音樂表演系學生畢業論文研究王力宏《花田錯》

呢位學生公開佢嘅畢業論文題目，係研究王力宏2015年嘅經典情歌《花田錯》，歌曲由王力宏作曲、編曲，學生更大讚王力宏：「將流行風格和戲曲風格完美結合，為流行音樂注入新的藝術生命，也讓更多的人領悟戲曲的魅力。」

Photo from 微博

學生漏夜搵導師改題目

點知王力宏形象一夜間跌到落谷底，學生喺大驚下深夜聯絡導師：「老師實在不好意思深夜打擾您，我寫的花田錯嘛，王力宏最近出事了」，問老師仲可唔可以改題目。

呢位學生又透露當初選題時諗住陶喆、王力宏二選一，但陶喆之前被揭婚內偷食，覺得王力宏近年「安份守己專心做音樂」，估唔到王力宏「不鳴則已，一鳴驚人」，更直言早知就應該揀周杰倫！

Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

王力宏「深情才子」人設崩壞！傳被內地列作失德藝人！代言品牌解除合作關係

Dec 20, 2021

王力宏被老婆李靚蕾以「蕾神」之態踢爆私生活混亂，雖然王爸爸同王力宏都先後發文指李靚蕾以肚逼婚，但都難扭轉公眾對佢嘅印象，加上李靚蕾一再反駁王力宏方嘅回應，王力宏「深情才子」人設似乎已經不復存在。有傳內地已將佢列為失德藝人，其代言品牌廣告全被解除合作關係。

李靚蕾發文力斥王力宏私生活混亂

李靚蕾於12月17日發文指責前夫王力宏婚內偷食等，力斥佢私生活混亂，引起軒然大波。其後王力宏父親發表手寫信，反指李靚蕾當年以肚逼婚，令李靚蕾再度發文：「看到王爸爸年紀這麼大了還要為了45歲的兒子出來說這樣謊，拍這樣的照片覺得很心痛也很不敢置信。」

「潛水」2日嘅王力宏終於公開回應指前妻所指全部都係不實指控，仲話遲啲會一一回應。而李靚蕾當然不甘示弱，再喺社交網站發文反擊！（相關文章：李靚蕾再發文5點反駁王力宏！斥滿口謊言！李靚蕾哥哥發聲）

王力宏道歉表示暫時退出娛樂圈

而面對李靚蕾一再發文追擊，本來指會一一回應李靚蕾指控嘅王力宏終於喺社交網站向公眾道歉！更表示唔會再做「任何解釋和辯解」，又指會暫時退出工作！

全文如下：

左思右想，男人還是應該承擔起所有的責任。我不再做任何解釋和辯解，沒經營好婚姻，給家人帶來困擾，沒給大眾做好偶像該有的形象，都是我的錯。在這裡，給爸爸媽媽靚蕾孩子們鄭重道歉。既已離婚，爭論過去種種已經無意義了。從今往後，我會注意自己的言行舉止，會承擔起一個父親、兒子和公眾人物的責任，經濟上生活上盡可能的照顧靚蕾和孩子們，我準備暫時退出工作，留出時間陪伴父母和孩子，彌補這次風波帶來的傷害。靚蕾，我們還是要共同照顧撫養三個孩子的，你們住的房子我會過戶到你的名下。孩子們的撫養教育我也會全程參與並承擔費用。此事肯定主要是我處理不當。再次向大家道歉。