download HolidaySmart 假期日常 app
「淘寶一姐」薇婭逃稅6億人民幣被封殺！雙11帶貨逾82億！主播收入排第一

「淘寶一姐」薇婭逃稅6億人民幣被封殺！雙11帶貨逾82億！主播收入排第一

時事熱話
By Jennifer on 21 Dec 2021
Digital Editor
今晚食乜餸：小二，嚟一碟花生！

內地「直播一姐」薇婭（本名：黃薇）被揭涉逃稅6.43億元人民幣（約港幣$7.86億），現時已被全網封禁，其淘寶直播間亦消失！薇婭發出道歉信致歉，而「直播一哥」李佳琦亦有發聲。

內地「直播一姐」薇婭（本名：黃薇）被揭涉逃稅6.43億元人民幣

「淘寶一姐」薇婭原以歌手身份出道

內地流行「網絡直播」，唔少明星都會開直播「帶貨」，其中有「淘寶一姐」稱號嘅「薇婭」（本名：黃薇）更係直播界嘅大姐大，好多一線明星都會上佢嘅直播間參與帶貨。

內地流行「網絡直播」，唔少明星都會開直播「帶貨」，其中有「淘寶一姐」稱號嘅「薇婭」（本名：黃薇）更係直播界嘅大姐大Photo from 微博

劉德華都上過薇婭嘅直播間參與帶貨Photo from 微博

薇婭出生於1985年，原來佢做直播之前曾經以歌手身份出道但星途平平，估唔到轉行從事帶貨直播主卻爆紅成為「直播一姐」。

薇婭原以歌手身份出道，轉行從事帶貨直播主卻爆紅成為「直播一姐」。

薇婭內地「雙11」預售業績達82.52億！被揭逃稅6億

有指喺內地「雙11」購物節，薇婭第一天預售嘅業績已高達82.52億元人民幣（約港幣$101億）！就算只得最低20%嘅銷售分成，主播佣金收入都超過20億港幣！

有指喺內地「雙11」購物節，薇婭第一天預售嘅業績已高達82.52億元人民幣

薇婭嘅直播事業發展得如火如荼，但近日浙江省杭州市稅務部門經稅收大數據分析就發現薇婭涉嫌逃稅，經調查薇婭喺2019年至2020年間「偷逃稅款6.43億元（約港幣$7.86億），其他少繳稅款0.6億元。」

近日浙江省杭州市稅務部門經稅收大數據分析就發現薇婭涉嫌逃稅，經調查薇婭喺2019年至2020年間「偷逃稅款6.43億元（約港幣$7.86億），其他少繳稅款0.6億元。」

薇婭被追討13.41億，發道歉信後被全面封禁

喺稅務調查過程中，薇婭亦配合並主動補繳稅款5億元人民幣（約港幣$6.12億），亦主動報告其他未被調查嘅行為，決定追討共13.41億元人民幣（約港幣$16.4億）款項。

稅務局決定追討薇婭共13.41億元人民幣（約港幣$16.4億）款項。

事件公佈後唔少網友感震驚，而薇婭亦發表道歉信：「錯了就是錯了，我願意為我的錯誤承擔一切後果，對不起！」，但隨後佢嘅微博、抖音帳號等都被封閉，而淘寶直播間亦都已消失。

事件公佈後唔少網友感震驚

薇婭亦發表道歉信Photo from 微博

隨後薇婭嘅抖音帳號等都被封閉Photo from 微博

薇婭嘅淘寶直播間亦都已消失

薇婭微博被封Photo from 微博

中國網絡主播收入排名公開，薇婭列榜首、李佳琦排第二

有內地傳媒整合2021年一月至九月中國網絡主播淨收入排行榜，薇婭以29.213億元人民幣（約港幣$35.74億）位列第一，而「口紅一哥」李佳琦則以24.122億元人民幣（約港幣$29.52億）排第二。

有內地傳媒整合2021年一月至九月中國網絡主播淨收入排行榜Photo from 微博

「口紅一哥」李佳琦以24.122億元人民幣（約港幣$29.52億）排第二。Photo from 微博

馮提莫、李子柒分別以13.218億元人民幣及13.105億元人民幣排第四、第五。同薇婭齊名嘅「直播一哥」李佳琦平時都有同唔同嘅明星合作帶貨，對於今次薇婭逃稅事件，佢嘅團隊負責人回應指：「感謝關心，我們經營一切正常。」

馮提莫Photo from 馮提莫YouTube

李子柒以13.105億元人民幣排中國網絡主播淨收入排行榜第五位Photo from 李子柒YouTube

「直播一哥」李佳琦平時都有同唔同嘅明星合作帶貨Photo from 微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

67歲李國麟直播8小時帶貨賣唔出！無人落單料賺唔到錢，忍唔住眼紅紅

13 Dec 2021

「直播帶貨」近年吸引唔少明星加入，好似「細細粒」陳嘉佳咁就長駐內地喺抖音開直播「帶貨」。TVB「老戲骨」李國麟最近都加入直播行列，不過佢帶貨就好似唔太成功，直播咗8個鐘啲貨都係無人問津！

TVB「老戲骨」李國麟最近都加入直播行列Photo from TVB

「TVB綠葉」李國麟因《天龍八部》國師一角為內地網民熟悉

現年67歲嘅李國麟70年代已加入TVB，演過非常多經典角色，好似《天龍八部》嘅吐蕃國師、《宮心計》嘅馬元贄等，佢出演過多套電視劇更令佢喺內地都有啲知名度，內地網友都稱呼佢做「國師」。

現年67歲嘅李國麟70年代已加入TVB，演過非常多經典角色，好似《天龍八部》嘅吐蕃國師Photo from 李國麟微博

近年越嚟越多香港藝人選擇北上發展，好似視帝黎耀祥已喺內地工作咗一段時間，而「細細粒」陳嘉佳更長駐內地喺抖音開直播「帶貨」。

近年越嚟越多香港藝人選擇北上發展，李國麟都唔例外Photo from 李國麟微博

李國麟直播帶貨8小時無人落單

李國麟最近都有開直播，更一口氣開足8個鐘！期間佢曾上架過10次貨品，當中包括手錶、佛珠等，雖然直播室有大約1,000人收睇直播，但無人落單買貨。

李國麟最近都有開直播，更一口氣開足8個鐘Photo from 微博

李國麟曾上架過10次貨品，當中包括手錶、佛珠等Photo from 微博

佢上架咗新貨品，指原價人民幣999元，依家只售人民幣599元，女助手笑言：「李哥，便宜400元，你賠錢了！」，李國麟都好配合：「我和老總打過電話了，我和廠家各補貼200元，大家下單吧！」

李國麟上架咗新貨品，指原價人民幣999元，依家只售人民幣599元Photo from 李國麟微博

67歲李國麟長時間直播顯疲倦

李國麟同女助手一唱一和落力推銷，但貨品都仲係無人問津，當時佢已經直播咗5個鐘，有網友直言：「半天也沒賣出去啊？」，更有網民指自己已經瞓完覺再起身，估唔到李國麟仲直播緊。

李國麟同女助手一唱一和落力推銷，但貨品都仲係無人問津Photo from 微博

有網民指自己已經瞓完覺再起身，估唔到李國麟仲直播緊。Photo from 微博

長時間直播嘅李國麟個人顯得十分疲倦，好多網友都睇得出，更叫佢休息一陣。李國麟可能係太攰，或者啲貨賣唔出，佢忍唔住眼紅紅，網民留言：「眼睛都紅了。」

長時間直播嘅李國麟個人顯得十分疲倦，好多網友都睇得出，更叫佢休息一陣Photo from 微博

李國麟可能係太攰，或者啲貨賣唔出，佢忍唔住眼紅紅Photo from 微博

李國麟不滿TVB要綠葉演員6折出糧

李國麟喺TVB工作超過40年，曾經因為公司提出要綠葉演員6折出糧而大感不滿，更直言「一年六騷」嘅政策唔合理：「騷錢又唔係多！」，又指TVB唔畀機會配角發揮，多數投閒置散。不過佢之後有澄清原意唔係想批評公司。

李國麟喺TVB工作超過40年，曾經因為公司提出要綠葉演員6折出糧而大感不滿Photo from TVB

李國麟之後澄清原意唔係想批評公司。Photo from TVB

但今次李國麟直播營業額好慘淡，就算辛苦8個鐘，有網民估計都賺唔到200蚊人民幣，仲指佢係「最慘帶貨明星」，直言：「李國麟直播，這也太尷尬了吧？」

今次李國麟直播營業額好慘淡，就算辛苦8個鐘，有網民估計都賺唔到200蚊人民幣Photo from 李國麟微博

內地網民指李國麟係「最慘帶貨明星」Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

時事熱話淘寶直播逃稅雙11帶貨李佳琦