因為是朋友呀｜鍾欣潼疑公開離婚原因！一條毛巾睇清賴弘國為人？

娛樂新聞

By Jennifer on 25 Dec 2021

Digital Editor

今晚食乜餸：小二，嚟一碟花生！

容祖兒（Joey）、蔡卓妍（阿Sa）、鍾欣潼（阿嬌）主持節目《因為是朋友呀》，眾人大談往事更提到各自嘅前度，阿嬌更首度大爆離婚真相，疑暗指賴弘國屢次觸及佢嘅底線。

袁詠儀與Joey、阿Sa提及感情事

內地綜藝《因為是朋友呀》（前名《容我Sa嬌》）邀請咗張智霖袁詠儀夫婦做嘉賓，靚靚同Joey、阿Sa阿嬌一齊浸溫泉時大談愛情觀。阿Sa更提起佢同鄭中基嘅婚姻，Joey亦罕有提及前男友，令網友關注係講緊曾交往5年嘅劉浩龍。

阿嬌指另一半令佢底線越嚟越底

到食晚飯時阿嬌有喺節目中講到佢嘅感情事，佢自稱「對感情無咩要求」，即使生日另一半隨便慶祝佢都無所謂，不過袁詠儀就指好多男生都會因此以為咩都無所謂。

阿嬌表示佢嘅底線可以越來越低，但萬一對方真係跨越嗰條線，佢就會結束呢段關係。當初阿嬌同賴弘國離婚時曾有唔少人猜測真正原因，賴弘國更直言阿嬌根本唔愛佢！

一條毛巾睇清男方，疑暗示賴弘國

節目中袁詠儀問阿嬌會唔會話畀另一半知佢嘅底線，阿嬌指：「我怎麼跟他說我的底線在哪裡？他明明應該自己去察覺。」佢又回憶曾有一次叫另一半遞條毛巾畀佢，對方竟然直接扔畀佢，更整到佢隻眼。

阿嬌表示以前男方會緊張問佢：「你沒事吧？」但到後面咩都唔做。袁詠儀問佢會唔會同另一半講：「我不喜歡你這個態度」阿嬌指佢會，但男方竟一句回：「我現在是不是很討你厭？」

有唔少網友估計阿嬌暗指前夫賴弘國，阿嬌稱佢覺得自己把口唔叻，所以唔中意嗌交：「我吵兩句就停了」，佢表示：「是我懶得跟你解釋。」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

因為是朋友呀｜蔡卓妍揭當年向鍾欣潼瞞婚原因容祖兒暗指劉浩龍無理佢感受而分手？

Dec 24, 2021

被封「英皇龍虎豹」嘅容祖兒（Joey）、蔡卓妍（阿Sa）及鍾欣潼（阿嬌）首度合體主持綜藝節目《因為是朋友呀》，節目在內地引起關注。新一集中，佢哋邀嚟張智霖及袁詠儀作嘉賓，阿Sa及Joey更提及愛情往事，疑似影射各自前度鄭中基及劉浩龍。

Photo from 蔡卓妍微博

袁詠儀與Joey 阿Sa 阿嬌談心

Joey、阿Sa及阿嬌嘅內地綜藝騷《因為是朋友呀》（曾叫《容我Sa嬌》）開播以嚟掀起不少討論，佢哋更邀請星級夫婦，張智霖及袁詠儀做嘉賓，一起到河北承德體驗生活。袁詠儀更同三女主持齊齊浸溫泉，大談感情往事。

Photo from 《因為是朋友呀》

阿Sa暗提與鄭中基結婚一事

向來直腸直肚嘅袁詠儀向阿Sa問過去嘅婚姻經歷，雖然大家無提及任何名字，但都知道事件暗示鄭中基與阿Sa在2006年登記結婚一事。

Photo from 《因為是朋友呀》

Photo from HKBN News

顧及朋友而隱瞞佢哋

當時連好姐妹阿嬌與Joey都不知情，對於阿Sa隱瞞佢哋嘅原因，原來係因為阿Sa唔想對朋友起疑心，佢表示：「沒告訴她們，那時候大家有一個共識，就說不要讓任何人知道，我也不想跟一個很好的朋友講，因為如果外面真的有人知道，那是不是我朋友出賣我？我不想這樣。」

Photo from 《因為是朋友呀》

現時39歲嘅阿Sa已對愛情與婚姻有新睇法：「小時候會覺得兩個人很愛很愛，然後就要結婚。但是現在覺得其實結不結婚，如果兩個人是很愛對方很開心的，我覺得都一樣。」

Photo from 《因為是朋友呀》

Joey認為拍拖久了容易減少溝通

除咗阿Sa，Joey亦有提及感情往事，佢坦言於伴侶到關係後期嘅溝通會變少，事件久了，就會心累，喪失繼續走下去嘅動力：「到後期我會開始不想說那麼多話，他沒有理解我在做甚麼，他沒有去感受我的感受，就可能會讓我覺得有距離很累，所以就慢慢會覺得沒趣，沒趣的話我就走。」Joey無提男方名字，但引起部分網民猜測在指前男友劉浩龍，二人曾交往5年，最後再2018年宣佈分手。