陳小春直播帶貨蝕錢遭索46萬！歐陽震華一句話惹怒內地網民
Photo from 歐陽震華微博
#兩位藝人惹怒內地網民？！
喺內地直播帶貨成為咗唔少藝人賺外快嘅好契機憑著佢哋嘅知名度，成功吸引網民購買商品。但係歐陽震華同陳小春就因此而陷入負評？！
Photo from 陳小春微博
# 陳小春直播帶貨成績不可觀？
有內地商家就爆料話用咗51萬人民幣(約港幣58萬)請陳小春直播帶貨，但係成績強差人意，三日內只係賣出咗5千人民幣(約港幣5,600)！
Photo from 微博
# 商家要求賠償46.5萬！
售賣按摩器嘅商家表示係想藉陳小春令品牌更加多人認識，可惜達唔到期望。因此，佢決定向陳小春所在嘅傳媒公司追討41萬人民幣（約港幣46.5萬）！
Photo from 微博
# 過往曾被網民批評帶貨技巧？！
其實今次並非陳小春第一次直播炒車，佢過往直播時就已經被網民指對貨品完全唔熟悉，就連講純正普通話都非常困難！而佢仲因為接太多廣告，而被稱為「廣告春」！
Photo from 微博
# 歐陽震華向內地網民送上聖誕祝賀！
至於歐陽震華，就喺內地社交平台連續放咗2條影片同廣大嘅內地網民慶祝聖誕節，仲喺聖誕樹前大展舞姿～
Photo from 歐陽震華微博
Photo from 歐陽震華微博
# 反遭內地網民批評！
不過卻竟然引起反效果！由於受內地電影《長津湖》嘅影響，當地網民最近都拒絕慶祝聖誕節，直呼「只過中國節」。所以歐陽震華就被唔少網民大罵，「我們現在不過聖誕節」、「難道你沒看長津湖嗎？」等留言。事後，歐陽震華就喺留言區逐一以抱歉emoji回覆網民。
Photo from 歐陽震華微博
Photo from 歐陽震華微博
更多相關文章
「淘寶一姐」薇婭逃稅6億人民幣被封殺！雙11帶貨逾82億！主播收入排第一
21 Dec , 2021
「淘寶一姐」薇婭原以歌手身份出道
內地流行「網絡直播」，唔少明星都會開直播「帶貨」，其中有「淘寶一姐」稱號嘅「薇婭」（本名：黃薇）更係直播界嘅大姐大，好多一線明星都會上佢嘅直播間參與帶貨。
Photo from 微博
Photo from 微博
薇婭出生於1985年，原來佢做直播之前曾經以歌手身份出道但星途平平，估唔到轉行從事帶貨直播主卻爆紅成為「直播一姐」。
薇婭內地「雙11」預售業績達82.52億！被揭逃稅6億
有指喺內地「雙11」購物節，薇婭第一天預售嘅業績已高達82.52億元人民幣（約港幣$101億）！就算只得最低20%嘅銷售分成，主播佣金收入都超過20億港幣！
薇婭嘅直播事業發展得如火如荼，但近日浙江省杭州市稅務部門經稅收大數據分析就發現薇婭涉嫌逃稅，經調查薇婭喺2019年至2020年間「偷逃稅款6.43億元（約港幣$7.86億），其他少繳稅款0.6億元。」
薇婭被追討13.41億，發道歉信後被全面封禁
喺稅務調查過程中，薇婭亦配合並主動補繳稅款5億元人民幣（約港幣$6.12億），亦主動報告其他未被調查嘅行為，決定追討共13.41億元人民幣（約港幣$16.4億）款項。
事件公佈後唔少網友感震驚，而薇婭亦發表道歉信：「錯了就是錯了，我願意為我的錯誤承擔一切後果，對不起！」，但隨後佢嘅微博、抖音帳號等都被封閉，而淘寶直播間亦都已消失。
Photo from 微博
Photo from 微博
Photo from 微博
中國網絡主播收入排名公開，薇婭列榜首、李佳琦排第二
有內地傳媒整合2021年一月至九月中國網絡主播淨收入排行榜，薇婭以29.213億元人民幣（約港幣$35.74億）位列第一，而「口紅一哥」李佳琦則以24.122億元人民幣（約港幣$29.52億）排第二。
Photo from 微博
Photo from 微博
馮提莫、李子柒分別以13.218億元人民幣及13.105億元人民幣排第四、第五。同薇婭齊名嘅「直播一哥」李佳琦平時都有同唔同嘅明星合作帶貨，對於今次薇婭逃稅事件，佢嘅團隊負責人回應指：「感謝關心，我們經營一切正常。」
Photo from 馮提莫YouTube
Photo from 李子柒YouTube
Photo from 微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
