《東張西望》陳彥行被騙簽3千萬保險！爆喊指3年內過千萬積蓄蒸發！

時事熱話娛樂新聞

By Jennifer on 28 Dec 2021

Digital Editor

今晚食乜餸：小二，嚟一碟花生！

TVB《東張西望》經常會報道騙案等市民提高警覺，最近陳彥行以「苦主」身份受訪，哭訴佢同75歲媽媽被銀行理財主管呃簽保單，結果過千萬積蓄盡失！佢更忍唔住爆喊稱有生之年一定要討回公道。

陳彥行上《東張西望》哭訴受騙

現年45歲嘅陳彥行曾為TVB藝人，出演經典喜劇《皆大歡喜》「金日」一角而為人熟悉。佢近日現身節目《東張西望》哭訴受騙令積蓄無晒！

銀行理財主管佘先生安排計劃，陳彥行與媽媽開聯名戶口

陳彥行指佢75歲嘅媽媽喺2018年結識咗一位銀行理財主管佘先生，之後更十分熟絡，一星期有3、4日上佢媽媽屋企食飯，有時更會帶埋老婆去。而陳彥行媽媽亦非常信任對方：「我聽我媽媽對佢係有讚無彈，係百分之二百嘅信任。」

陳彥行媽媽亦開始將銀行戶口交畀佘先生管理，之後佘先生更主動提議幫陳媽媽搞一個「計劃」，但陳媽媽年齡不允許，佘先生又提議陳媽媽搵屋企人開聯名戶口投資，令到佢可以做到呢個「計劃」。

陳彥行以為佘先生已同媽媽商量好，未了解清楚條款即簽文件

於是陳彥行就同媽媽開戶口，但同時佢並不清楚所謂嘅「計劃」到底係咩，佘先生亦從未解釋過。陳彥行表示同媽媽去銀行辦手續時簽咗好多份文件，但當時不以為意，無睇清楚條款細項：「我認為佢已經同我媽媽傾好晒、解釋清楚，我嘅角色只係落去簽個名。」

陳彥行稱佢一向同媽媽財政獨立，所以聯名戶口都只係掛名，佢從未過問戶口入咗幾多錢，但佘先生有時都會發訊息叫佢落分行簽名、做手續，每次佘生先都未有提及要簽咩文件，反而就指「陳太（陳彥行媽媽）同你提過啦可？」，令陳彥行誤以為佢已經同媽媽講過。

而且落到分行簽名時，佘先生及同事辦事十分有「效率」，只會揭到要簽名嗰頁，有部分文件要簽落電子器財，更無畀佢睇清楚到底係咩文件就要佢簽名。結果到2021年5月27日，佘先生就同陳彥行及佢媽媽表示會離職，令佢哋大為驚訝。

2年後陳媽媽發現戶口過千萬資金幾乎全蒸發

點知陳媽媽翌日去查看銀行戶口狀況發現出事！陳彥行：「我媽媽差啲暈咗喺銀行，見度入邊啲資金差唔多都蒸發晒。」，陳彥行亦即刻WhatsApp佘先生，希望佢交待事實。

佘先生之後唔知係咪「良心發現」，有上到陳媽媽屋企道歉，錄音中佘先生透露戶口千幾萬資金只剩返保險，親友問佢份保險供晒未，佘先生指未供完，只係一半多啲，親友表示：「即係仲要畀錢啦！」親友又稱：「我阿姨（陳媽媽）仲要攞多1,500萬出嚟？每張一百萬，有五張（保單），仲要供三年，咁係咪仲要1,500萬？」

佘先生道歉，陳彥行稱計劃總共要供3,000萬！

佘先生：「我知道陳太其實對我好好，我都想用任何方法幫你哋完成申索，但都係同大家講多次對唔住，我都知呢樣嘢好煩，真係對唔住。」後來陳彥行指佢向銀行追查先了解個「計劃」係咩回事，有6份保單，佢總共要供3,000萬，依家6份保單有5份已經失效。

陳彥行指佢睇返啲啲財務分析表終於知發生咩事：「原來佢想製造個假象，畀人覺得我係一個千萬富翁。」，佢更忍唔住爆喊：「喺我有生之年，都會討返呢個公道。」

相關文章：陳彥行鄧兆尊齊齊發福上節目！男方曾表示有好感! 2個原因未能修成正果

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【東張西望】傳已婚男遭袁晴晴Coco糾纏 ? 於《造星3》重現分手情境，索20萬分手費！

16 Dec 2021

TVB《東張西望》今年8月就收到爆料指一位名叫「Coco」嘅模特兒邀請佢一齊開台式飲品店，但投資後就懷疑被騙！直到最近，節目又再收到一位已婚男士L先生嘅爆料，指自己疑似墮入桃色騙局，而2件事情嘅證據都將矛頭指向參加過《全民造星3》嘅袁晴晴？！

Photo from 《東張西望》

# Coco 8月陷入台式飲品店風波！

今年8月《東張西望》就報導咗一宗店舖代理糾紛嘅事件，事主陳小姐表示受到模特兒Coco邀請一齊投資開台式飲品店，不過喺佢支付咗$25萬後先發現對方原來仲未攞到台灣該店嘅代理經營權，懷疑被騙！而當時節目中所展示Coco嘅照片，亦不禁令人立刻聯想到可能係曾參加《全民造星3》嘅袁晴晴？！

Photo from 《東張西望》

# 已婚男自爆疑似墮入Coco桃色陷阱！

日前，《東張西望》就收到一名已婚男士L先生嘅爆料，直指自己疑似墮入桃色陷阱，而女主角就疑似係袁晴晴喇！L先生表示自己喺2019年參加商會活動認識Coco，喺商會中非常有名氣，覺得佢係一位成功嘅女企業家。由於Coco表示自己只係想要拍拖嘅感覺，仲強調唔會破壞佢嘅家庭，所以兩人就繼續發展，並於2019年11月正式交往！

Photo from 《東張西望》

# Coco朋友爆料L先生能夠滿足其擇偶條件！

而Coco身邊嘅朋友就爆料稱L先生能夠滿足佢對愛情嘅幻想，加上L先生嘅條件非常好，符合佢嘅擇偶條件，仲話佢嘅外型同藝人陳智燊非常相似！

Photo from 《東張西望》

# 分手後立刻假扮懷孕，並於《造星3》重演場景？！

交往4-5個月後，L先生發現Coco其實並非如以前所講事業有成，加上對妻子感到愧疚，所以就多次向女方提出分手，但都被對方拒絕。直到2019年，兩人接近分手邊緣之際，Coco就突然表示自己懷孕！同一時間當時嘅佢就參加咗《全民造星3》，而佢面試嘅表演就係通電話挽留男友嘅場景，朋友大爆當時嘅佢其實只係假扮懷孕挽留L先生，casting時嘅佢就係真正嘅佢！