download HolidaySmart 假期日常 app
內地男假扮日本高材生騙人妻？誕女後揭發事件 遭索償逾2千萬！

內地男假扮日本高材生騙人妻？誕女後揭發事件 遭索償逾2千萬！

時事熱話 生活熱話
By Stephanie on 31 Dec 2021
Digital Content Writer

現時醫學科技進步，就算面臨生育問題都可以用唔同嘅方法解決。最近，有位日本女士就接受「捐精受孕」卻被騙，對方明明係內地人但卻假扮成日本人，直到女嬰出世先揭發事件，並向男方索取3億3千萬日元（約2,200萬港幣）！

30歲日本女疑似被內地男騙？！Photo from TVB

# 日本人妻疑似受騙？！

近年，唔少女士都為咗希望培育出擁有優良基因嘅下一代，而選擇接受「捐精受孕」嘅方式。日前，一位30幾歲嘅日本已婚人妻就似乎因此而受騙，因為知道對男方嘅條件同佢所要求嘅並唔匹配而怒吿對方！

日本人妻懷疑被一名內地男子騙？！Photo from Twitter

# 人妻渴望擁有第二胎！

根據日本傳媒報導，呢位人妻同丈夫已經結婚約10年，並育有一子。由於佢一直都好想再懷有第二胎，然而卻遲遲都未有結果，令佢決定隱瞞丈夫接受「捐精受孕」。

該女子已經結婚10年，不過一直渴望擁有二胎。Photo from TVB

# 要求男方係日本人+京都大學畢業

由於日本現時要求所有捐贈者都公開個人資料，以避免有撫養問題出現，導致越來越少捐贈者願意喺正規機構報名，所以呢位人妻就開始喺交友網站物色適合嘅對象！而人妻喺搵對象嘅時候，就要求對方一定要係日本人，並且需要從京都大學畢業（日本今年排行第4嘅國立大學），務求搵個同丈夫差唔多嘅對象，希望可以瞞天過海。

人妻開始喺交友app上搵合適嘅對象。Photo from TVB

人妻仲特別要求對方一定要從京都大學畢業！Photo from TVB

# 認識男子後，兩人花2個月時間成功懷孕！

2019年人妻認識咗一位與丈夫年齡相約嘅男子，兩人多次發生親密行為。而每一次嘅房間費用都係由人妻支付，一週大概2至3次，一共花費15萬日元（約港幣1萬）！2個月後，人妻成功懷孕並誕下女兒。

2個月後，人妻成功懷孕。Photo from TVB

# 調查後發現男子居然係內地人？！

不過喺女兒誕生後，人妻就開始懷疑男子嘅身分。經仔細調查後先揭發男子係來自中國，而且畢業於其他國立大學，因為已經結婚並居住喺日本10年，所以日語非常流利！現時女兒已經交由兒童福利機構照顧。

然而人妻誕下女嬰後，就著手調查男子身分，發現對方根本唔係日本人！Photo from TVB

# 人妻同內地男都各執一詞！

人妻認為男方係刻意隱瞞自己嘅真實身分，強調自己精神上因此而受到影響，向對方索取3億3千萬日元（約2,200萬港幣）賠償！而男方就向其他傳媒表示兩人見面後，人妻亦冇特別問到國籍以及學歷，而且喺懷孕後亦曾經約佢見面，但佢都拒絕對方，懷疑對方係因為對佢「動真情」先會如此憤怒！

人妻超級憤怒，並向對方索取逾2,000萬賠償！Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

57歲大媽扮90後白富美騙$360萬 一人分飾4角 為避見面自稱特工？！

6 Oct , 2021

網上情緣騙案又有新玩法，最近內地一名男子網上結識了受情傷嘅「90後白富美」，相戀一年多未曾見面，但女方多次要求對方轉錢，甚至出動「家人」增加可信度，令男方總共轉賬了300多萬人民幣。最後警方發現少女真身係57歲大媽，仲一人分飾多位家人！

內地57歲大媽扮90後少女再分飾多角騙錢Photo from 南寧高新警方微信公眾號

網上遇可憐少女「菲兒」

據內媒報道，一名陳姓男子於去年7月透過社交軟件結識了一名生活愛情方面都遇到挫折嘅90後女生「菲兒」。兩人頻繁聊天後，陳男對菲兒產生情愫。3個月後，二人便正式成為男女朋友。

陳男對90後女生「菲兒」產生情愫Photo from 南寧高新警方微信公眾號

聲稱真身係白富美「陳春玲」

此後，菲兒告知陳男，自己真名其實係「陳春玲」，並擁有多間房產、仲擁有價值3000萬人民幣（約3600萬港元）嘅設計公司股份。

「菲兒」謊稱真名係「陳春玲」，並擁有巨額資產Photo from 南寧高新警方微信公眾號

兩人雖未曾見面，但已稱呼對方為老公、老婆，菲兒亦多次以不同理由要求陳男轉錢到自己戶口，初期金額只有數百元不等。但後來金額約來越大，菲兒聲稱自己生病、父親生病、出差國外需旅費、甚至爭家產打官司等事都能成為借錢理由。

「菲兒」/「陳春玲」與陳男對話圖Photo from 南寧高新警方微信公眾號

陳男不認「老婆」受苦，多次向佢轉錢Photo from 南寧高新警方微信公眾號

一人演全家騙錢

為博取信任，「陳春玲」更透過微信開設多個假帳號，大玩角色扮演，一人分飾多角跟陳男通訊，身份包括「陳春玲」細妹「陳冬玲」、母親「李淑涵」、及姑姐「陳芸」。據悉，陳春玲為避約見面，更一度謊稱自己係「特工」。從去年8月至今，陳男前後共轉賬高達300多萬人民幣（約360萬港元）予「陳春玲一家」。

大媽騙徒一人分飾4角博取陳男信任Photo from 南寧高新警方微信公眾號

少女真身係五十路大媽

陳男多次催「老婆」還錢，卻往往被各種理由拒絕，到今年9月終發現自己被騙並報警。經警方調查後，發現呢位「陳春玲」現實係一名57歲嘅關姓女子，佢從陳男身上騙取嘅300多萬元則被拿去賭博花光，案件正被進一步調查。

「菲兒」與「陳春玲一家」真身其實係一名57歲大媽Photo from 央視新聞截圖

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

時事熱話生活熱話日本內地生育