因為是朋友呀｜容祖兒爆當年張國榮唔太中意佢！袁詠儀憶前輩稱要學習梅艷芳
阿Sa阿嬌回憶哥哥張國榮出演《你最紅》MV
《因為是朋友呀》播出後成為話題，因為3位主持人Joey、阿Sa、阿嬌都罕有大談自己昔日嘅感情生活，最新一集節目組安排播出佢哋嘅舊照，令佢哋回憶起昔日合作過嘅前輩。
阿Sa提到哥哥張國榮最後參演嘅一個MV正正就係Twins嘅《你最紅》，當時係阿Sa「膽粗粗」親自打電話去邀請，阿Sa阿嬌都表示無諗過哥哥會答應出演。
阿嬌回憶指MV有一幕要佢咬開瓜子，然後扔入哥哥個口到，阿嬌十分緊張，一嚟佢同大前輩合作，二嚟佢唔係好識點咬開粒瓜子，但哥哥十分親切咁幫佢整開晒啲瓜子，叫佢開始拍攝時直接扔入佢個口就得，大讚哥哥好sweet好warm。
容祖兒自爆梅艷芳稱張國榮唔中意佢
之後Joey又記起佢曾經參演哥哥執導嘅電影《煙飛煙滅》，並與梅姐合作，令佢大感榮幸。Joey更大爆有一次去梅姐生日會時，梅姐同佢講：「你要繼續努力，哥哥（張國榮）沒有很喜歡你」，張智霖、袁詠儀同阿Sa聽到都O晒嘴！
Joey坦言：「我說真的嗎？當時會覺得有點『為甚麼？』，耿耿於懷，然後就覺得你做得沒夠好。」，不過佢稱自己一直將梅姐一番說話記喺心入面，然後一直努力。
直到2003年新年嘅時候，哥哥同佢講：「我覺得你現在可以了，好很多了」，終於得到哥哥嘅認可，Joey覺得好開心：「就覺得他一直在真的是觀察有留意你。」
袁詠儀眼濕濕指自己當梅姐係榜樣
袁詠儀亦眼濕濕指好榮幸可以同哥哥合作拍咁多作品，每年都會發微博悼念梅姐嘅袁詠儀指自己都受到梅姐影響，對工作人員好都係因為梅姐做咗個好榜樣。佢表示梅姐對所有人都一視同仁。
袁詠儀指：「她不會說因為你是老闆她就怎樣，你是小工她就怎樣，所以我覺得她都這樣，我們憑甚麼擺架子，我們一定要跟着學習她這樣。」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
因為是朋友呀｜鍾欣潼疑公開離婚原因！一條毛巾睇清賴弘國為人？
25 Dec 2021
袁詠儀與Joey、阿Sa提及感情事
內地綜藝《因為是朋友呀》（前名《容我Sa嬌》）邀請咗張智霖袁詠儀夫婦做嘉賓，靚靚同Joey、阿Sa阿嬌一齊浸溫泉時大談愛情觀。阿Sa更提起佢同鄭中基嘅婚姻，Joey亦罕有提及前男友，令網友關注係講緊曾交往5年嘅劉浩龍。
阿嬌指另一半令佢底線越嚟越底
到食晚飯時阿嬌有喺節目中講到佢嘅感情事，佢自稱「對感情無咩要求」，即使生日另一半隨便慶祝佢都無所謂，不過袁詠儀就指好多男生都會因此以為咩都無所謂。
阿嬌表示佢嘅底線可以越來越低，但萬一對方真係跨越嗰條線，佢就會結束呢段關係。當初阿嬌同賴弘國離婚時曾有唔少人猜測真正原因，賴弘國更直言阿嬌根本唔愛佢！
一條毛巾睇清男方，疑暗示賴弘國
節目中袁詠儀問阿嬌會唔會話畀另一半知佢嘅底線，阿嬌指：「我怎麼跟他說我的底線在哪裡？他明明應該自己去察覺。」佢又回憶曾有一次叫另一半遞條毛巾畀佢，對方竟然直接扔畀佢，更整到佢隻眼。
阿嬌表示以前男方會緊張問佢：「你沒事吧？」但到後面咩都唔做。袁詠儀問佢會唔會同另一半講：「我不喜歡你這個態度」阿嬌指佢會，但男方竟一句回：「我現在是不是很討你厭？」
有唔少網友估計阿嬌暗指前夫賴弘國，阿嬌稱佢覺得自己把口唔叻，所以唔中意嗌交：「我吵兩句就停了」，佢表示：「是我懶得跟你解釋。」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
