萬千星輝頒獎禮2021｜林夏薇獲視后惹不滿！譚俊彥奪視帝被指靠爸爸狄龍

TVB《萬千星輝頒獎典禮2021》成為熱話，唔少人都對「最佳劇集」、「最佳男女主角」嘅得獎者有異議！尤其係林夏薇獲視后掀網友熱議。而譚俊彥雖然係大熱但首獲視帝仍被指係靠關係！喺頒獎禮「思家大戰」環節更有觀眾直言佢攞獎係「靠爸爸」，場面尷尬！

Photo from TVB

林夏薇「爆冷」贏大熱鍾嘉欣奪視后

一年一度嘅《萬千星輝頒獎典禮》向來都受到觀眾關注，上年蔡思貝奪視后就被指「唔夠班」，今年鍾嘉欣喺《星空下的仁醫》有多場喊戲，演技大爆發屢獲好評，網友力撐佢攞視后。

Photo from TVB

但鍾嘉欣專程喺加拿大返港出席頒獎禮仍大熱倒灶，不敵林夏薇，僅獲「馬來西亞最喜愛TVB女主角」。林夏薇「爆冷」奪視后大出網友預料，更質疑佢「係咪課咗金？」

香港、內地網友對視帝視后賽果不滿！

視帝視后結果令香港、內地網民十分不滿！繼林夏薇奪視后惹爭議，出爐視帝譚俊彥亦被指係「靠關係」攞獎！喺TVB官方微博下有唔少內地網友留言指視帝視后並非實至名歸！

Photo from TVB

有網友直言譚俊彥攞視帝完全係「成功靠父幹」，又稱佢喺《換命真相》最後一集喊都喊唔出，演技唔合格。更有網友將佢同「最佳女主角」嘅頒獎嘉賓黃宗澤、吳卓羲比較，表示佢兩個都未拎過視帝，唔明譚俊彥「何德何能」？！

Photo from TVB微博

Photo from TVB

亦有內地網友總結TVB獲獎名單：「秦沛個女、狄龍個仔、林峯堂妹」，暗指部分得獎者係靠家人攞獎，但有人稱姜麗文演技出色，攞獎好正常。

Photo from TVB微博

Photo from TVB

譚俊彥2016年簽約TVB後屢做主角

有網民為林峯「平反」，指佢自己競逐視帝都陪跑n年，點會幫到堂妹攞視后。而譚俊彥就唔同，雖然喺頒獎禮前佢已係視帝大熱，但早年喺內地發展嘅佢2016年先簽約TVB，2018年首部電視劇《天命》播出，佢飾演主角嘉慶帝，譚俊彥成旗下藝人後接演嘅劇集均做主角，喺TVB發展相當順利。

Photo from 林夏薇微博

Photo from TVB

頒獎禮佢爸爸狄龍亦有出席，更擔任「萬千光輝演藝大獎」頒獎嘉賓，地位超然。

Photo from TVB

頒獎禮「思家大戰」譚俊彥被指攞獎靠爸爸狄龍

頒獎禮「思家大戰」環節中，李思捷提問「觀眾成日誤解藝人攞獎唔係靠實力，係靠乜？」，馮盈盈回答：「簽長約」，成功答中第一位。

Photo from TVB

Photo from TVB

之後李思捷再問譚俊彥除咗「靠簽約」仲有靠咩，此時現場觀眾席竟有人大嗌「靠爸爸」，令全場大笑，譚俊彥都窒咗一窒，隨後面色尷尬，無奈回答：「我想講靠關係。」，都答中第三位，不過個mon就寫「高層親戚」。

Photo from TVB

Photo from TVB

Photo from TVB

Photo from TVB

喺譚俊彥奪獎後，有網友留言指：「係咪靠魷魚遊戲攞視帝？」、「有咩代表作？《魷魚遊戲》？」

Photo from 譚俊彥IG

相關文章：林夏薇五官變勁精緻！回顧10年前初出道青澀look！盤點5大出道前後大變樣藝人

相關文章：【換命真相】反轉大結局被網民狠批爛尾！ 劇情牽強全因受內地限制?

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

萬千星輝頒獎典禮2021｜完整得獎名單！林夏薇奪視后！《七公主》獲最佳劇集

2 Jan 2022

TVB《萬千星輝頒獎典禮2021》頒發「最佳男女主角」、「最受歡迎電視男女角色」等大獎，《七公主》奪2獎成大贏家，林夏薇爆冷奪視后，即睇完整得獎名單！

姜大偉獲「萬千光輝演藝大獎」

萬千光輝演藝大獎：姜大偉

專業精神獎：TVB電視城canteen老闆—馬慶豪（馬老闆）

姜麗文、羅天宇、丁子朗獲「飛躍進步男女藝員」

飛躍進步女藝員：姜麗文
飛躍進步男藝員：羅天宇、丁子朗
最佳衣著男女藝人：陳瀅、譚俊彥

《聲夢傳奇》奪2獎！李思捷、陳貝兒分別獲「最佳男女主持」

最佳綜藝節目：《聲夢傳奇》
最佳資訊及專題節目：《東張西望》
最佳年度及特備節目：《2021香港小姐競選》

最佳男主持：李思捷《思家大戰》
最佳女主持：陳貝兒《無窮之路》

最受歡迎電視歌曲：造夢時學會飛行《聲夢傳奇》-〈聲夢傳奇〉學員
最受歡迎電視拍檔：《愛．回家之開心速遞》林淑敏、許家傑

鍾嘉欣再度陪跑！僅獲馬來西亞視后

馬來西亞最喜愛TVB女主角：鍾嘉欣《星空下的仁醫》
馬來西亞最喜愛TVB男主角：譚俊彥《換命真相》
馬來西亞最喜愛TVB電視劇集：《星空下的仁醫》

陳自瑤首奪「最佳女配角」，台上多謝所有屋企人

最佳男配角：朱敏瀚《換命真相》
最佳女配角：陳自瑤《寶寶大過天》

馬國明、李佳芯獲「最受歡迎電視男女角色」，林夏薇、譚俊彥首獲視后視帝

最受歡迎電視男角色：馬國明「況叢昕」《星空下的仁醫》
最受歡迎電視女角色：李佳芯「王麗美」《愛美麗狂想曲》

最佳男主角：譚俊彥《換命真相》
最佳女主角：林夏薇《七公主》
最佳劇集：《七公主》

相關文章：TVB「真人靚過上鏡女星」投票！李佳芯高票登榜首！第二位出人意料？林夏薇/陳自瑤無份

相關文章：【七公主】盤點10大生活富貴演員！馬海倫晒百萬Hermès袋/黃翠如百億千金/林夏薇擁逾15間食店

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）