名店店員一個方法分窮人！「唔會浪費時間招呼呢啲客人」網民反應兩極！

購物時店員親切嘅招呼可能會令部分人感到不便，近日網上討論區有網友發文指有資深嘅名店售貨員大爆一眼即可分辨顧客係咪有錢，仲話唔會嘥時間招呼窮人或買唔起嘅人，引起網友熱烈討論。

Photo from TVB

店員跟到實推銷惹反感

唔少人出門shopping如果店員下下跟得好貼咁介紹產品反而會感到好有負擔，因此有啲商店以「不叫賣」做賣點。原來店員都會根據顧客嘅特點分辨對方係咪有錢人、會唔會於店內消費。

Photo from 《志明與春嬌》

名店資深店員一招分有錢人、窮人！

喺台灣PTT討論區就有網友開post指佢有一位女性朋友喺名牌服飾專櫃工作多年，近日同佢分享點睇顧客係有錢人定窮人。

Photo from TVB

呢位名店店員朋友指只要客人一入嚟就睇價錢牌：「通常都是窮人或買不起的人」，直接啲講即係唔會買嘢嘅人，所以佢多數都唔會浪費時間喺嗰位客人身上。

Photo from TVB

有網友表示以「睇價錢牌」嚟分好準

呢個post隨即引起網友熱議！有好多網友都表示好準：「算有道理，如果他是高價精品幾乎正確」、「真準，簡直在講我」、「蠻中肯的，因為我都會看」、「好準喔，我就是這樣」

Photo from TVB

Photo from TVB

同意嘅網民認為有錢嘅貴婦應該會唔睇價格，直接掃一排。有人更表示搵到唔被店員跟到實咁sell嘅辦法：「以後進店就先翻標籤，這樣就不會有人來煩」

Photo from lihkg

有人反指睇價錢牌未必係窮人

不過亦有網友指出睇價錢牌未必係窮人，有另一種可能：「我想買才會看標價，不想買根本不會看」、「說不定是先看價格太便宜不買」，網友稱就係想買先會睇價錢牌，如果店員出聲sell下反而會做到單生意，反指樓主朋友短視。

Photo from TVB

Photo from lihkg

有人「突破盲點」，表示如果真係窮人根本唔會入名店：「窮人根本唔會入間店，最多window shopping」、「窮L唔會入名店啦！」，又指店員咁做好睇唔起人。

Photo from lihkg

Photo from lihkg

其實睇價錢牌又唔一定係想知件衫幾錢，有時衣服產地、質地都會印喺嗰度，想了解有關資料都會睇下。

Photo from TVB

相關文章：「隨便睇隨便揀 要咩可以介紹返」原來越叫越趕客！日本店舖以不叫賣取勝 為顧及客人感受

相關文章：女友爸爸一句話令港男自覺被睇唔起！嬲爆自稱有學歷/有車有樓/月薪達4萬

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

【阿姨我不想努力了】外賣員驚見特殊備註！阿姨暗示「送上門」？結局超驚喜

21 Oct 2021

依家外賣Apps十分流行，喺台灣有網友就分享咗一位陳阿姨嘅訂單，該訂單嘅備註寫明：「不想努力的話可以送上樓…」，掀網民熱議。更有人分享佢送上樓嘅後續發展，結果令唔少人大感羨慕！

Photo from TVB

外賣員接陳阿姨訂單：「不想努力的話可以送上樓」

最近喺台灣Facebook群組「外送員的奇聞怪事」流傳一則貼文，指收到一位食客嘅訂單，喺備註中十分貼心咁表示天氣好凍，辛苦晒外賣小哥，又提醒外賣員要注意安全。

Photo from TVB

備註又提到訂餐嘅顧客係陳阿姨，佢考慮到天氣凍嘅關係，叫外賣員將外賣放喺管理室就好，但最後又補充多一句：「但是，不想努力的話可以送上樓...」

Photo from Facebook群組「外送員的奇聞怪事」

陳阿姨係食店常客，店員爭住送外賣

呢句好有暗示性，用意耐人尋味，隨即引起群組唔少網友熱烈討論。其實呢張訂單係喺1月嘅時候出現，係一間經營健康便當嘅食店收到。

Photo from TVB

Photo from TVB

店長就表示陳阿姨係食店嘅常客，收到呢張訂單後有唔少店員都搞笑爭住送外賣。雖然呢個截圖唔係新嘅，但有外賣員就現身表示自己有接過「陳阿姨」嘅訂單！

Photo from TVB

外賣員網友公開「上樓後續」

外賣員網友指佢最後真係有「上樓」，佢又公開咗截圖，指佢送外賣上門後獲陳阿姨大方送999元新台幣（約$279港元）小費！

Photo from Facebook群組「外送員的奇聞怪事」

Photo from TVB

佢又表示陳阿姨為人豪爽，只要接佢嘅單每次都會獲贈小費，而且最低都有200元新台幣（約$56港元），令唔少人大感羨慕。

Photo from Facebook群組「外送員的奇聞怪事」

相關文章：72歲獨居婆婆豪花200萬買15年健身會籍！8年後再被27歲健身教練呃走全副身家

相關文章：28歲男戀上65歲大媽！ 曾於節目公開示愛：不想再叫她阿姨了

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）