任達華一聽17歲女兒拍拖就黑面「佢呢家鐘意讀書！」任晴佳新照曬逆天長腿

影帝任達華與名模琦琦嘅17歲女兒任晴佳（Ella）遺傳了二人優秀基因，身形高䠷嘅佢已接下不少模特兒工作。對於愛女近日被拍到與男生同行，任達華在訪問堅稱女兒無拍拖，並表示佢現時更喜歡讀書。

Photo from 商業電台

任達華否認女兒 Ella 拍拖

任晴佳（Ella）年紀輕輕已達180cm高，長相標緻，難怪成為模特兒界寵兒。早前Ella被拍到與一名男生一起上車，掀起拍拖傳聞。爸爸任達華日前出席港台活動，即被傳媒關心女兒感情狀況，佢即場否認愛女蜜運中，稱女兒與男生只係剛好同車，當日女兒有同幾位朋友一齊買禮物，係正常社交。

Photo from 任晴佳 IG

強調囡囡讀書行先

任達華指，女兒與該男生兒時已相識，自己都識該名男生。被問是否一名呷醋爸爸，佢坦言自己好Open，但強調女兒要讀書先。佢亦承認女兒讀完大學才可以拍拖，「囡囡有分寸，我唔擔心。」除此，佢被問女兒有否分享心事，任達華就話囡囡咩都會同佢分享，大家會講下學校、做運動同朋友嘅嘢。而自己不在港一段時間，亦會透過視像通訊軟件見面。

Photo from 電影《PTU》劇照

對於女兒係咪多人追，爸爸對佢揀男友是否有要求，任達華立即帶點不耐煩表示：「佢而家都係鍾意讀書喎！佢冇呢樣嘢。」

Photo from 任晴佳 IG

任晴佳 Ella 大騷新美照

擁10頭身比例嘅Ella不時在社交網上載美照，近日佢再上載了幾輯靚相。身穿黑裙嘅佢展示逆天長腿，而在另一組相片中佢穿上貼身裙，完美大騷S形線條，不論成熟型格或小性感風都難唔到佢。

Photo from 任晴佳 IG

Photo from 任晴佳 IG

Photo from 任晴佳 IG

Ella越大越有超模氣質，佢早前更參與時裝走秀，與國際級名模劉雯等人一起行catwalk。照片中可見佢淡定同時充滿自信，一雙長腿亦非常搶眼，真係盡得媽媽琦琦靚基因嘅真傳！

Photo from 任晴佳 IG

Photo from 琦琦 微博

相關文章：鍾麗緹大女張敏鈞奪溫哥華華裔小姐亞軍！想入行跟媽媽返內地發展！星二代多數都選美入行？

相關文章：「最美星二代」沈月盡得媽媽邱淑貞靚基因！二妹沈日似爸爸沈嘉偉引熱議

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）