人妻奉勸「唔好同屋企人打麻雀」！奶奶弟婦輪流發脾氣！網民：講錢就傷和氣
Photo from TVB
# 人妻分享同家人打牌嘅經歷！
農曆新年好快就到喇！相信唔少家庭都會一齊打麻雀玩下，順便增進一下感情～日前，有位人妻就分享自己截然不同嘅經歷，仲因此而下決心「冇咩事都係唔好同屋企人打牌」！
Photo from TVB
# 弟婦因為奶奶不停贏而發脾氣？！
人妻表示佢邀請咗自己家人同丈夫一家去屋企作客，期間大家就一齊打麻雀。由於佢要負責睇住啲小朋友，所以一開始就係奶奶、人妻媽媽、丈夫以及弟婦4人打牌先。後來，弟婦同奶奶講嘢嘅聲量越來越大，先發現原來弟婦因為連續輸咗幾舖而發脾氣！
Photo from TVB
Photo from TVB
# 奶奶因為後輩唔肯讓佢而嬲！
其後，4人繼續打牌，而弟婦亦因為「贏返」而令原本緊張嘅局面得以解決。然而，呢個時候，奶奶卻感到不滿，認為後輩唔願意讓佢哋！而人妻就話「其實老公已經鬆晒章俾佢哋，但都食唔到糊」，令佢非常無奈！
Photo from TVB
# 丈夫最終要俾多一份錢！
最終，奶奶發脾氣表示唔會俾錢弟婦，但弟婦又因為收唔到錢而感到不爽，所以丈夫就要幫手俾多份錢！人妻不禁慨嘆只係打麻雀娛樂下，但卻輸錢又傷和氣，得不償失！
Photo from TVB
# 網民：自己人都咁計較！
唔少網民都認為人妻嘅家人們似乎都對打牌「太認真」，認為既然知道佢哋嘅性格係咁，下一次就要避免同佢哋打牌；亦有網民表示認同人妻嘅睇法，覺得只要一涉及錢銀問題就會影響感情！
Photo from 香港討論區
# 網民提出另類建議！
部份網民就為人妻提出建議，認為佢哋一家人都可以照打牌，一係就一兩蚊一舖；或者用朱古力等零食作為籌碼，避免家人間有金錢交易！另外，有網民就搞笑咁話應該喺電視播電影《嚦咕嚦咕新年財》等佢哋可以領悟「牌品好自然人品好」嘅道理～
Photo from 香港討論區
Photo from 《嚦咕嚦咕新年財》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
好姐妹放盤邀請舊同學去睇樓！ 慘遭壓價20%！演變成吵架導致友誼決裂
3 Dec , 2021
大家都經常話「遇見熟人好辦事」，能夠喺唔同嘅場合遇見舊相識都能夠令你有份熟悉感。最近，有位港女喺討論區表示有好姐妹正在放盤賣樓，眼見舊同學都正在物識單位，就約雙方見面睇樓。點知舊同學竟然壓價20%咁多，最終仲導致兩人友誼破裂！
Photo from TVB
# 港女分享熟人之間睇樓經驗！
唔少人經常都話「講錢傷感情」，同朋友有金錢交易好容易起爭執！日前，有位港女就大呻自己嘅經歷，表示好姐妹正在放盤，得知佢哋嘅舊同學正尋找物業並表示有興趣望下，所以就相約兩人一齊睇樓！
Photo from 香港討論區
# 舊同學對單位有興趣！
睇樓當日，港女亦有在場，當時舊同學就大讚單位「Keep得唔錯！」，表明對單位有興趣，不過就認為價錢有啲貴！好姐妹聽到之後就話「價錢可以再商量下」，覺得做生不如做熟，而舊同學就話之後再以短訊商討。
Photo from TVB
# 但好耐都冇回覆？！
然而過咗好幾日，舊同學都並冇搵好姐妹，所以就認為佢可能已經對單位冇興趣。同一時間，咁啱有另一個人睇完樓覺得滿意，而兩人已經開始商討價錢階段，相信好快就會完成交易。
Photo from TVB
# 強行將價錢壓低20%！
呢個時候，舊同學就突然短訊搵好姐妹，話家人的確對單位有興趣，不過就認為而家樓價已經變低咗，仲將價錢壓低咗20%咁多！而好姐妹就拒絕呢個價錢，並表示「其他人出價都高好多」；對方聽聞後立刻變臉，批評單位問題多多「牆紙隻色唔啱佢心水」等，仲反鬧屋主冇誠信「話咗想買仲俾人上去睇樓」！
Photo from TVB
# 兩人傾唔成，朋友都冇得做？！
呢番言論瞬間激嬲好姐妹，認為買樓一向都係價高者得，再加上同學將價錢壓得太低，根本冇可能會傾得成！之後，兩人就冇再聯繫，而好姐妹亦將對方Block咗，表明唔會同佢做朋友，認為對方嘅行為太過分。
Photo from TVB
# 網民認同：講錢傷感情！
大部分網民都表示認為朋友同家人之間最好盡量避免過多嘅金錢交易，因為咁樣真係好易有紛爭，好多時仲可能會因此而導致關係永遠破裂！
Photo from 香港討論區
Photo from TVB
# 認為舊同學行為過火！
與此同時，唔少網民都認為佢呢位舊同學非常厚面皮，只係因為彼此認識就將價錢無理壓低，替港女嘅朋友感到不值！不過唔少網民都覺得能夠透過小事認清朋友都係一件好事，並且認同「賣樓好多時都係價高者得」呢個行規。
Photo from 香港討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
