馬國明揚言黃智雯無視后即解約TVB！曾志偉透露林夏薇並非心水視后人選！
《萬千星輝頒獎典禮2021》鍾嘉欣失落視后引起外界關注，原來仲有黃智雯都獲唔少人睇好，馬國明甚至表示佢無獎就同TVB解約！總經理曾志偉接受訪問時大爆林夏薇攞到視后嘅原因。
Photo from 鍾嘉欣 IG
網友不滿《萬千星輝頒獎典禮2021》視后人選
《萬千星輝頒獎典禮2021》所有獎項都塵埃落定，視后今年鍾嘉欣呼聲超高，佢更專程由加拿大回港出席頒獎禮，但最後竟大熱倒灶，不敵林夏薇失落獎項掀起網民討論。
Photo from TVB
Photo from TVB
唔少人都替嘉欣不值，認為視后就算唔係鍾嘉欣都應該要畀李佳芯，原來除咗嘉欣、Ali之外仲有遺珠！
Photo from TVB
馬國明唔撐同劇鍾嘉欣，反支持黃智雯攞視后
喺視帝視后公佈最後五強時《東張西望》有訪問候選人之一嘅黃智雯，佢今年憑《把關者們》再度競逐視后，同黃智雯好friend嘅馬國明亦有同佢一齊接受訪問。
Photo from TVB
馬國明指佢今年都係力撐智雯攞視后，被問到點解唔支持同劇嘅鍾嘉欣時，馬明表示佢每年都會撐同劇嘅演員但今次仍然支持智雯，原因係佢同智雯合作過好多次，知道佢一直以嚟都表現好好。
Photo from TVB
Photo from TVB
Photo from TVB
馬國明揚言黃智雯無獎即與TVB解約
馬明又稱：「公司欠佢一個視后。」更拋下一句：「佢（黃智雯）攞唔到獎，我解約！」之後就頭也不回咁離開，黃智雯佢哋嚇到O晒嘴，不禁表示：「玩到咁大？！」
Photo from TVB
Photo from TVB
Photo from TVB
曾志偉讚黃智雯演技，透露林夏薇爆冷成視后原因
睇好黃智雯嘅唔止馬明，連TVB總經理曾志偉都大讚佢演技出色，仲話佢本來嘅視后心水係黃智雯，提到好多人戥鍾嘉欣唔抵，曾志偉表示今年嘅選舉制度已盡量做到「公道」。
Photo from 黃智雯 IG
Photo from TVB
佢指好多獎項都係由觀眾加埋TVB台前幕後投票，大部分都係「眾望所歸」，提到佢嘅心水既唔係鍾嘉欣亦唔係林夏薇，而係黃智雯，但最終由林夏薇「爆冷」首奪視后，曾志偉稱：「始終幾個人開會，各個人心水都唔同。」
Photo from TVB
Photo from TVB
黃智雯連續7年提名「最佳女主角」，次次都陪跑
黃智雯由2015年起獲提名「最佳女主角」，但連續7年都「陪跑」，由2007年參選港姐入行以嚟喺萬千星輝頒獎禮佢只係於2012年拎過「飛躍進步女藝員」，之後雖然年年有獎項提名，但年年「食白果」。
Photo from TVB
2018年佢曾憑《三個女人一個「因」》喺台慶當日（非頒獎禮）獲「馬來西亞最喜愛TVB女主角」及「新加坡最喜愛TVB女主角」，但最終不敵《BB來了》嘅李佳芯，未能再下一城攞「最佳女主角」。
Photo from TVB
Photo from TVB
Photo from 李佳芯 IG
不論係「最佳女配角」、「最受歡迎電視女角色」，定係視后都同佢擦身而過。雖然無鍾嘉欣「陪跑」咁多次，但佢哋兩人同樣除咗「馬來西亞最喜愛TVB女主角」等外地觀眾票選嘅獎項同「飛躍進步女藝員」外未能再進一步，唔少網友都覺得好可惜。
Photo from TVB
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
萬千星輝頒獎禮2021｜林夏薇獲視后惹不滿！譚俊彥奪視帝被指靠爸爸狄龍
3 Jan 2022
TVB《萬千星輝頒獎典禮2021》成為熱話，唔少人都對「最佳劇集」、「最佳男女主角」嘅得獎者有異議！尤其係林夏薇獲視后掀網友熱議。而譚俊彥雖然係大熱但首獲視帝仍被指係靠關係！喺頒獎禮「思家大戰」環節更有觀眾直言佢攞獎係「靠爸爸」，場面尷尬！
Photo from TVB
林夏薇「爆冷」贏大熱鍾嘉欣奪視后
一年一度嘅《萬千星輝頒獎典禮》向來都受到觀眾關注，上年蔡思貝奪視后就被指「唔夠班」，今年鍾嘉欣喺《星空下的仁醫》有多場喊戲，演技大爆發屢獲好評，網友力撐佢攞視后。
Photo from TVB
但鍾嘉欣專程喺加拿大返港出席頒獎禮仍大熱倒灶，不敵林夏薇，僅獲「馬來西亞最喜愛TVB女主角」。林夏薇「爆冷」奪視后大出網友預料，更質疑佢「係咪課咗金？」
香港、內地網友對視帝視后賽果不滿！
視帝視后結果令香港、內地網民十分不滿！繼林夏薇奪視后惹爭議，出爐視帝譚俊彥亦被指係「靠關係」攞獎！喺TVB官方微博下有唔少內地網友留言指視帝視后並非實至名歸！
Photo from TVB
有網友直言譚俊彥攞視帝完全係「成功靠父幹」，又稱佢喺《換命真相》最後一集喊都喊唔出，演技唔合格。更有網友將佢同「最佳女主角」嘅頒獎嘉賓黃宗澤、吳卓羲比較，表示佢兩個都未拎過視帝，唔明譚俊彥「何德何能」？！
Photo from TVB微博
Photo from TVB
亦有內地網友總結TVB獲獎名單：「秦沛個女、狄龍個仔、林峯堂妹」，暗指部分得獎者係靠家人攞獎，但有人稱姜麗文演技出色，攞獎好正常。
Photo from TVB微博
Photo from TVB
譚俊彥2016年簽約TVB後屢做主角
有網民為林峯「平反」，指佢自己競逐視帝都陪跑n年，點會幫到堂妹攞視后。而譚俊彥就唔同，雖然喺頒獎禮前佢已係視帝大熱，但早年喺內地發展嘅佢2016年先簽約TVB，2018年首部電視劇《天命》播出，佢飾演主角嘉慶帝，譚俊彥成旗下藝人後接演嘅劇集均做主角，喺TVB發展相當順利。
Photo from 林夏薇微博
Photo from TVB
頒獎禮佢爸爸狄龍亦有出席，更擔任「萬千光輝演藝大獎」頒獎嘉賓，地位超然。
Photo from TVB
頒獎禮「思家大戰」譚俊彥被指攞獎靠爸爸狄龍
頒獎禮「思家大戰」環節中，李思捷提問「觀眾成日誤解藝人攞獎唔係靠實力，係靠乜？」，馮盈盈回答：「簽長約」，成功答中第一位。
Photo from TVB
Photo from TVB
之後李思捷再問譚俊彥除咗「靠簽約」仲有靠咩，此時現場觀眾席竟有人大嗌「靠爸爸」，令全場大笑，譚俊彥都窒咗一窒，隨後面色尷尬，無奈回答：「我想講靠關係。」，都答中第三位，不過個mon就寫「高層親戚」。
Photo from TVB
Photo from TVB
Photo from TVB
Photo from TVB
喺譚俊彥奪獎後，有網友留言指：「係咪靠魷魚遊戲攞視帝？」、「有咩代表作？《魷魚遊戲》？」
Photo from 譚俊彥IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
