《古惑仔》陳浩南最初選角人選公開！首選並非鄭伊健?導演曾力邀2位男神

鄭伊健當年憑著《古惑仔》系列嘅電影，成功火速爆紅，直到而家依然係唔少人心目中嘅經典角色！但原來當初導演王晶其實力邀過2位心水嘅演員人選，但都遭到拒絕，亦意外令鄭伊健抓到機會，一舉成名！

Photo from 《古惑仔3：之只手遮天》

# 鄭伊健憑「陳浩南」一角人氣飆升！

現年54歲嘅鄭伊健1986年參加TVB新秀歌唱大賽落選，及後加入無綫電視藝員訓練班正式入行，事業發展一直都未有太大起色。直到1996年，佢出演《古惑仔》系列電影後立刻被爆紅，唔少網民都認為冇人能夠代替佢飾演到「陳浩南」呢個角色！

Photo from TVB

Photo from TVB

# 過往出演嘅電影，票房成績一般！

而事實上，導演王晶喺《古惑仔》開拍之前，並非想搵鄭伊健飾演「陳浩南」，由於當時鄭伊健亦有出演過江湖類型嘅電影，但票房成績都未如理想，所以並非佢心目中嘅第一人選。王晶曾經搵過2位天王級男星，但都遭到拒絕！

Photo from 《古惑仔3：之只手遮天》

# 劉德華因為粉絲而決定唔接拍電影？！

據悉，王晶當時嘅第一人選就係劉德華！由於劉德華過去亦有飾演「古惑仔」嘅經驗，而且當時人氣都非常高；但有傳劉德華當時片酬太高，而且佢唔希望被定型成為「古惑仔」，害怕會為年輕嘅粉絲帶來唔好嘅影響，最終婉拒角色邀請。

Photo from 《龍在江湖》

Photo from 《魯豫有約一日行》

# 第二人選係何家勁！

而第二人選就係何家勁，當時佢已經因為拍攝漫畫改編武打電影《中華英雄》而爆紅。但由於當時何家勁正喺內地拍戲，未能配合檔期，所以最終都係傾唔成！

Photo from TVB

Photo from 何家勁微博

# 鄭伊健本身都唔想接拍《古惑仔》？

「陳浩南」嘅角色就兜兜轉轉去到鄭伊健嘅手中。然而，鄭伊健近年受訪嘅時候就表示當初並唔想接拍《古惑仔》，當時佢選擇咗另一個劇本，但王晶話「仲欠我兩部戲」，所以誤打誤撞之下就成為咗「陳浩南」！

Photo from 《古惑仔3：之只手遮天》

Photo from 《古惑仔3：之只手遮天》

# 最鍾意嘅《古惑仔》角色！

鄭伊健非常慶幸自己有接拍《古惑仔》系列，仲話最大嘅得著就係認識到劉偉強導演以及「風火海」（陳小春、謝天華及朱永棠），並最鍾意由黃秋生所飾演嘅「大飛」！

Photo from 《古惑仔3：之只手遮天》

Photo from 《古惑仔》

相關文章：47歲蒙嘉慧素顏出鏡做運動！盡力遮掩凸腩 老公鄭伊健陪到實 網民：自然美不造作！

相關文章：鄭伊健生日大晒嗌蒙嘉慧做「肥婆」！蒙嘉慧罕有放閃讚老公叻

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

《古惑仔》陳浩南竟然係警察臥底！？另一版本大公開變《新警察故事》

10 May , 2021

經典港產片《古惑仔》原來有另一個版本！鄭伊健飾演嘅「洪興」陳浩南原來係警察臥底？！喺新加坡、馬來西亞上映嘅版本中甚至仲改埋名做《新警察故事》！

Photo from 《古惑仔》

當年紅遍中、港、台嘅《古惑仔》，捧紅埋各位主演，包括鄭伊健、陳小春、謝天華、林曉峰、黎姿等。電影改編自香港漫畫家牛佬同名作品，故事圍繞香港三合會社團，更掀起一股黑幫電影熱潮。

Photo from 《古惑仔之人在江湖》

不過呢套電影原來仲有另一版本，《古惑仔》新加坡、馬來西亞版本故事設定大有不同，「浩南哥」竟然係警察臥底！

Photo from 《古惑仔之人在江湖》

YouTuber HEBE近日就搜集咗觀眾提供嘅資料，搵到馬來西亞粵語版本嘅《古惑仔》。其實幾年前已有網民搵到新加坡同馬來西亞電檢尺度嚴厲，《古惑仔》前3集改名為《新警察故事之人在江湖》、《新警察故事2之猛龍過江》、《新警察故事3之隻手遮天》。

Photo from HEBEFACE

因為電影有美化古惑仔、意識不良之嫌，故事改為主角陳浩南其實係香港皇家警察，本為督察，後來被外籍警司委派潛伏於洪興社做臥底，電影更有陳浩南督察喺警局內與外籍警司匯報洪興證據、陳浩南回歸警隊，山雞、大天二等被捕入獄嘅鏡頭。

Photo from HEBEFACE

Photo from HEBEFACE

Photo from HEBEFACE

《古惑仔》前3集故事線大改唔算係新鮮事，不過第四集《97古惑仔：戰無不勝》同第五集《98古惑仔：龍爭虎鬥》都因為尺度問題被新加坡禁止上映，但原來第四集仍然有出碟賣埠至當地，不過劇情都係要修改。

Photo from HEBEFACE

未喺新加坡、馬來西亞公開上映嘅《古惑仔》第四集中，浩南哥繼續做臥底，所以有香港版本無嘅一啲刪減片段，例如同警察上司對話嘅片段、最後拘捕嘅場面等。

Photo from HEBEFACE

Photo from HEBEFACE

原來「山雞」一角原本都唔係搵陳小春飾演，早年陳小春接受訪問時表示當年拍《古惑仔》本身無預佢，「山雞」原係金城武出演，結果陳小春經理人極力推薦下先由佢出演。

Photo from 《古惑仔之人在江湖》

有唔少網友都表示曾聽過呢個「都市傳說」。

Photo from HEBEFACE

Photo from HEBEFACE

Photo from HEBEFACE

Photo from HEBEFACE

即睇HEBE嘅影片：

感謝HEBEFACE授權使用。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）