香港金曲頒獎典禮2021｜曾志偉邀MIRROR亮相TVB遭拒絕「唔得閒！」強調頒獎機制公平

娛樂新聞

By Cheryl on 06 Jan 2022

Digital Editor

今年香港電台將與無綫電視聯合舉辦《香港金曲頒獎典禮2021/2022》，日前在將軍澳電視廣播城招開記者會，副廣播處長何重恩及TVB總經理曾志偉表示有邀請各單位包括MIRROR、ERROR出席，但得到回覆指對方太忙無暇參與。

Photo from TVB

TVB聯同港台合辦《香港金曲頒獎典禮2021/2022》

TVB將聯同香港電台合辦《香港金曲頒獎典禮2021/2022》，會上公佈頒獎禮將於4月3日假九龍灣展貿中心舉行，屆時將會頒發13個類別獎項，包括「香港金曲金曲獎」、「香港金曲男歌手大獎」、「香港金曲女歌手大獎」等。

Photo from TVB

副廣播處長何重恩及TVB總經理一同主持啟動儀式，曾志偉接受傳媒訪問時分享自己對音樂嘅情意結，並希望可以集合樂壇所有媒體，打造猶如影金像獎極具公信力嘅樂壇頒獎典禮，「我成日都希望，係咪所有媒體都可以合辦一個頒獎典禮呢？當然係困難重重，但係起碼今次我哋同港台踏出第一步，行咗先。」

Photo from TVB

曾志偉表示魯庭暉拒絕讓MIRROR亮相TVB

何重恩指今次記招有邀請MIRROR、ERROR參與，但得到回覆指佢哋劇組好忙，要進行拍攝工作，「咁無辦法啦。」被問到4月頒獎禮會否再邀請兩個組合出席，曾志偉便回答：「其實我希望頒獎典禮能邀請樂壇所有朋友參與。」、「我記得第一日返工就打畀魯庭暉（ViuTV 總經理），問佢『MIRROR可唔可以上我哋電視台？』魯庭暉話『梗係唔得啦』，我問咗㗎喇！」

Photo from Viu1 娛樂新聞

雖然ViuTV兩大男團無亮相是次記招，但同屬Viu嘅男團 P1X3L就有現身。曾志偉又強調一直希望能雲集樂壇各界人士參與一個頒獎禮，咁先係一件盛事。佢又表示，廣東歌以往地位高，佢認為最重要係自己人都認同，才可重拾光輝。

Photo from Viu1 娛樂新聞

強調頒獎禮制度公平完善

有消息指，Anson Lo（盧瀚霆）將與鄭欣宜將於頒獎禮同日舉辦拉闊音樂會，被問會否因此影響二人奪獎機會，曾志偉及何重恩就強調頒獎禮有完善選舉機制，所以歌手嘅得獎機會唔會被有無出席頒獎禮影響。

Photo from Anson Lo YouTube

Photo from Viu1 娛樂新聞

司儀李浩林叫人HOLD住呼吸除罩影相？

記者會尾聲進行大合照環節，司儀李浩林突然提出：「我數3聲，大家深呼吸我地除口罩影一張相。HOLD住個呼吸好嗎？畀幾秒時間大家影相好嗎？你地準備好除口罩先，你地HOLD住呼吸先，唔好深呼吸就得喇。」當時很多歌手猶疑應否除罩，但工作人員隨即向李浩林下指示，所以佢再表示：「哦佢地話唔好，咁唔使除啦。」場面一度尷尬。