香港演員內地累積票房Top10公開！全部都係男明星！第一位票房即將突破100億

娛樂新聞

By Stephanie on 07 Jan 2022

Digital Content Writer

香港電影一直都頗受內地網民們嘅喜愛，而近年亦有中港合作拍攝嘅電影，當中唔少電影票房成績都唔錯～而家就等我哋一齊睇下香港演員們喺內地累積票房嘅頭10名啦，而且全部都係男星嚟！

Photo from ATV

10. 吳孟達（50.44億）

已故演員吳孟達喺90年代嘅時候出演多部電影，而唔少電影都深受內地網民喜歡。雖然佢大多數都係飾演配角，但依然喺觀眾嘅心目中留下深刻印象，其中佢同周星馳仲係大家公認嘅最佳拍檔！

Photo from TVB

9. 吳彥祖（51.95億）

吳彥祖1997年回港後誤打誤撞成為咗演員，喺2004年仲憑著電影《新警察故事》而榮獲金馬獎「最佳男配角」，演技實力備受肯定！不過自從2017年後，佢就減少工作產量，平均1年先拍攝1部電影。現時長居美國嘅佢亦因為疫情關係，而未能回港拍攝。

Photo from 《新警察故事》

Photo from YouTube @香港金像獎

8. 張家輝（53.18億）

張家輝1988年入行，並曾兩度獲得香港金像獎最佳男主角、以及一次金馬獎最佳男主角，實力毋庸置疑。雖然佢喺2019年後暫時都未有新作品推出，不過過去佢有份參與嘅電影票房成績都非常好；而最近就有傳佢將會自編自導電影，並已經成功從香港電影發展局申請資金。

Photo from TVB

Photo from 《激戰》

7. 任達華（57.87億）

現年66歲嘅任達華從影47年，翻查歷年紀錄佢每年都會出演至少3部電影，產量可以話係十分驚人！近年，佢就拍攝咗唔少內地電影，包括：《我和我的祖國》、《紅海行動》等，令佢喺內地嘅知名度大大增加。

Photo from ViuTV

Photo from 《大灣仔的夜》

6. 郭富城（66.48億）

郭富城曾經連續2年蟬聯台灣金馬獎影帝，並榮獲香港金像獎最佳男主角。當中佢所出演嘅電影有唔少都打破香港華語電影嘅紀錄，包括有《寒戰II》以及《風雲雄霸天下》，而呢啲電影都喺內地大受歡迎！

Photo from TVB

Photo from 《寒戰II》

5. 周潤發（67.74億）

周潤發自從2018年拍攝完電影《無雙》後，暫時都尚未推出任何新作品。不過，佢出演過嘅電影都非常出名，喺內地同樣賣座，包括有《讓子彈飛》、《寒戰II》等！

Photo from 《寒戰II》

4. 成龍（85.83億）

成龍喺2016年獲得奧斯卡「終生成就獎」，喺國際上擁有極高知名度！本身係動作演員嘅佢，現時仲會做動作指導以及電影監製，而佢近年比較賣座嘅電影就有《功夫瑜伽》、《神探蒲松齡》等。

Photo from 《特務迷城》

Photo from 微博

3. 劉德華（95.7億）

現年60歲嘅劉德華自1981年入行後，出演過無數嘅電影，其中《無間道》、《拆彈專家》、《大隻佬》等都創下非常好嘅票房成績！雖然近年佢嘅電影產量已經減少咗好多，但相信佢以前所累積嘅票房成績依然能夠令佢穩拿票房最高嘅頭5位！

Photo from 《拆彈專家》

2. 甄子丹（96.28億）

動作演員甄子丹喺內地最賣座嘅電影就一定係《葉問》系列，而佢曾經拍攝嘅《十月圍城》、《畫皮》等都有唔錯嘅票房。而佢喺2021年出演嘅電影《怒火》仲突破10億票房，令佢嘅累積票房成績有超大嘅升幅！

Photo from 甄子丹IG

1. 古天樂（98.08億）

古天樂過往出演過多部具有國際影響力嘅電影《黑社會以和為貴》、《竊聽風雲》等，喺電影界上付出唔少心力，而家正擔任緊今屆香港電影工作者總會會長。近呢幾年，佢嘅電影生產量依然非常多，包括有《梅艷芳》、《G風暴》等，尚未上映嘅都已經有逾10部電影，相信佢累積票房成績將會再下一城！

Photo from 古天樂IG

Photo from 《G風暴》預告

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

梁朝偉躋身內地最高片酬三甲! 受《尚氣》帶挈? 片酬升至7,300萬

11 Nov , 2021

影帝梁朝偉入行以來曾經飾演過唔同嘅角色，演技實力無容置疑。早前，佢有份參與嘅MARVEL電影《尚氣與十環幫傳奇》票房成績唔錯，而佢嘅片酬亦因此而有所提升？！有傳佢而家接拍咗內地電影《無名》，片酬「加價」後仲成為「內地片酬最高男藝人」三甲！

Photo from 梁朝偉IG

# 梁朝偉出道39年！

現年59歲嘅梁朝偉於1982年入行成為演員，參與唔少電視劇以及電影拍攝，曾經榮獲5次香港電影金像獎「最佳男主角」嘅殊榮，演技實力備受肯定，成為受到國際認可嘅香港知名演員！

Photo from 《尚氣與十環幫傳奇》

Photo from TVB

# 出演MARVEL電影人氣再度急升！

今年MARVEL電影《尚氣與十環幫傳奇》就正式於全球上映，梁朝偉於電影中飾演反派「文武」一角，大受歡迎，令世界各地嘅網民們都一度陷入「梁朝偉」嘅魅力當中！而電影嘅票房成績亦非常好，截止今年10月嘅數據顯示全球票房已經突破4億美元，而單單喺北美嘅票房就已經有2億1500萬美元！

Photo from 《尚氣與十環幫傳奇》

# 今年初內地流傳片酬排行榜！

出演過嘅電影咁賣座，電影中嘅演員當然就因此而受到「加持」啦，身價節節上升～根據今年初，《南華早報》所公佈嘅「中國演員片酬權力排行榜」排名榜作參考，當時嘅梁朝偉只係排行第13位：平均電影片酬大約係$3000萬；而第一位同第二位就係成龍以及周潤發，不過兩人現時已經甚少出現於螢光幕前。

Photo from 微博

Photo from 梁朝偉IG

# 梁朝偉於MARVEL片酬成為第2高？！

隨後，梁朝偉就透過電影正式進軍荷李活影圈，佢於《尚氣》嘅片酬被曝光，足足有$780萬美元（約港幣$6,000萬）咁多，成為於MARVEL出道片酬最高嘅第2位，僅次於《雷神奇俠3：神域末日》飾演「Hela」嘅奧斯卡影后Cate Blanchett！

Photo from 《尚氣與十環幫傳奇》

Photo from 《雷神奇俠3：神域末日》

# 於內地片酬急速上升！

另一方面，原來梁朝偉已經開始秘密為拍攝下部電影做準備。內地博納影業集團總裁于冬早前接受訪問時，表示梁朝偉已經接拍電影《無名》，有傳將會同周迅合作，並於上海進行拍攝。雖然現時內地正在嚴格調整藝人「片酬過高」嘅問題，不過佢今次嘅片酬亦有所提升，已經升至$6,000萬人民幣（約$7,300萬港幣），成為今年內地片酬第3高嘅男藝人！