網民列出6大「溝女」必備條件！網民表示好有共鳴：將心比己最難做到?
相信大家都一定聽過「男追女隔層山，女追男隔層紗」呢句話，現時唔少男士都覺得追女仔係一件非常困難嘅事。有網民就喺討論區列出咗「男人溝女6大必備嘅要素」，希望可以幫助各位單身男士喺情人節前成功尋覓另一半！
Photo from TVB
現時唔少男士經常都大呻追女仔既要花錢，又要花唔少心力，成日都可以見到網民們喺討論區訴苦。日前，有好心嘅網民就列出咗男人成功「溝女」嘅6個必要條件，即刻睇下有邊幾項啦～
Photo from 連登討論區
1. 比心儀對象聰明
唔少女士都希望另一半喺事業、運動、口才等比佢厲害，認為擁有以上條件嘅人先能夠托付終生。而樓主就勉勵各位唔一定係代表高學歷，只要「表現得夠醒目」就已經足夠，咁就已經可以俾到安全感女生！
Photo from TVB
2. 適當嘅甜言蜜語
擁有基本嘅禮貌就係最簡單嘅一項，而對女仔有風度嘅行為都好大機會成為加分位。除此之外，適當嘅甜言蜜語都可以成為增進感情發展嘅重要一步，樓主提醒港男們喺讚美對方嘅時候一定要表現真誠，千祈唔好俾對方感覺到係虛假！
Photo from TVB
3. 多多體諒對方
由於男生同女生嘅諗法本身就非常唔同，有時候可能會唔理解對方，繼而引起爭執。樓主提醒各位要設身處地喺女仔角度諗，對方遇到事情嘅時候，最緊要係「企喺佢嗰邊支持佢」。切忌自以為是「懶叻」咁分析事情，好有可能會激嬲女方！
Photo from TVB
4. 儀容整潔
能夠喺女方心中留下好嘅第一印象就已經係一個好開始！無論如何同曖昧對象約會嘅時候，都一定要好好打扮自己；而且亦要好好留意外表上嘅儀容，包括：修理鼻毛、指甲、鬍子等。
Photo from 《繼承者們》
5. 「見好就收！」
當女生提及嘅話題並非你熟悉或者了解嘅範圍時，就千祈唔好胡亂出聲，好多時候都會「講多錯多」！樓主認為只要保持沈默以及微笑，基本上都比較難起爭執。
Photo from TVB
6. 俾安全感對方
相信唔少女生都好希望另一半能夠俾到足夠嘅安全感佢哋～有網民就話要貼心咁對待對方，並且令佢「感覺到係你嘅唯一」就可以！例如：送下手工卡片或者花等都係唔錯嘅例子～
Photo from TVB
Photo from TVB
# 網民大呻：講就容易！
唔少網民都認為以上嘅6個條件都唔算好難，仲話即使真係有呢樣要素都未必溝到女！部份網民就認為比起列出嘅條件，港女感覺上比較現實，只要有錢同樣貌就完全冇問題！
Photo from 連登討論區
Photo from TVB
# 有網民道出自己嘅難處！
部份網民訴苦話自己難以認識異性，就算學咗都未必能夠將呢啲「技能」派上用場。
Photo from 連登討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
網民直言「男人要學識保護自己」詳列5大方法：保護密碼，結婚前做呢樣嘢？！
10 Jan , 2022
Photo from TVB
網民列5大「男人自保方法」，讓男人識得保護自己
最近，一名男網民（下稱樓主）到連登討論區發文，稱現代男性生活艱難，並列出5點建議，畀男性可以點在感情關係中保障自己。第一，「結婚買樓嘅話，如果層樓係首期月供都係自己出晒既話，層樓一定唔可以落個女人名。」
Photo from TVB
「唔想被分財產就簽婚前協議」
佢續指，再保險啲嘅做法，「結婚前可以搵定律師簽個agreement，如果第日離婚，女人唔可以分財產」，樓主解釋，如果個女人真係愛男方，佢一定會簽，「因為佢唔會打算離開你或者傷害你。」不過，有網民對此有質疑，稱即使結了婚，任何一方都有可能改變，甚至出軌，唔再係當初愛的「那個人」，所以儘管在婚姻初期伴侶無打算離開對方，關係轉至極差時都有機會改變念頭。
Photo from 連登討論區
Photo from TVB
遇女人購物狂即飛？
第三，樓主指男人青春有限，所以要學會愛自己，「遇到啲成日發脾氣，冇人生計劃，錢都儲唔到，成日買手袋買呢樣果樣嘅女人， 呢啲太冇上進心、冇安全感、唔成熟，一定要果斷分手，下個會更好。」
Photo from 最愛女人購物狂
保護好自己嘅帳戶密碼
第四，樓主直言男生不應讓另一半知道自己任何帳戶，包括社交媒體嘅帳戶密碼，以防止被誣捏及抹黑，佢更攞王力宏作例子，疑指李靚蕾「求其cap張圖可以寫幾千字作文」。另外，佢亦建議定期收集有利證據留底，保護自己，「例如自己送過幾多禮物， 比過幾多家用，花過幾多心思哄佢。」佢又話，如果女方真心愛對方，就必定會尊重私隱及信任伴侶，唔會要對方交出密碼。
Photo from 微博
對此，有網民認同要保護私隱，不應讓伴侶可以隨時登入自己帳戶；但亦有人不同意王力宏例子，該網民認為李靚蕾嘅多篇長文並非「作文」，而係有事實根據。
伴侶要懂得尊重別人生活模式
第五，樓主表示「熱情係一刻，相處先係長久，要搵一個懂你 、懂得愛錫你嘅女人。」佢續稱，如果女方經常不滿男友同兄弟飲酒打機，又批評男友買手錶同玩具係無謂（樓主補充：「玩具手錶會升值」），「呢啲女人係好自私、自我中心，要你去迎合佢，佢並唔係真係愛你，並唔尊重你嘅個人感受同生活模式。」
Photo from TVB
部分網民認為樓主雙重標準
有網民留言同意，認為情侶間要互相尊重；但亦有網民直指樓主雙重標準，「呢頭話買手袋嘅女人要飛，嗰頭話唔可以阻止你買玩具」，該網民續指，手袋同手錶、玩具一樣會升值，不解為何樓主喜歡嘅生活模式大曬，而另一半嘅模式就唔洗尊重。
Photo from 連登討論區
Photo from 連登討論區
Photo from TVB
總括而言，不少網民認為情侶之間不論性別都應該互相尊重，留空間畀對方做同買鐘意嘅事物，有不合就盡量以和平方式直接商量，等大家冷靜後再一起尋找解決方法。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
