中年港男扮有第三者引女友注意！玩大咗問點收科，網友：40歲人仲咁幼稚
Photo from TVB
港男「自製第三者」想激起女友妒忌心
有網友喺香港討論區以「假裝有第三者，引女友注意，女友會點睇呢個男人」為題發文，佢稱自己今年40幾歲，因為覺得女友對佢態度日趨冷淡，於是就另開一個WhatsApp account，扮係一個對佢有意思嘅女同事。
Photo from TVB
港男稱佢試過同女友食飯嘅時候扮嗰位「女同事」打畀佢，女友當時雖然有唔開心，但係問幾句就無嘢。後來港男踢爆女友除夕瞞住佢出去玩，就拎自製嘅WhatsApp對話紀錄畀女友睇，證明自己都有人約出去但為咗女友即拒絕「女同事」。
Photo from TVB
Photo from TVB
女友終大發雷霆
女朋友則稱佢無必要咁做，事事去證明，咁樣相處會好大壓力，過咗幾日佢同女友約會完送佢返屋企時故意畀女友睇分身send過嚟嘅message，分身更約佢出去食晚飯，今次女友勁大反應，仲要求佢拎部手機嚟check。
Photo from TVB
Photo from TVB
無辦法下樓主唯有畀電話女友睇，睇完之後女友大發雷霆，指樓主每次同佢感情唔好就搵另一個女人訴苦，為自己搵個後備，又成日話自己無安全感。女友：「試問點同你談婚姻？唔通結咗婚之後大家嗌交又係發生同樣嘅事？」，女友更即時同一個不知名人士發信息，最後兩人不歡而散。
Photo from TVB
Photo from TVB
Photo from TVB
被女友block，港男坦白真相
各自回家後樓主仍然同女友keep住WhatsApp，樓主稱女友一啲都唔緊張佢，又講大話除夕約其他人，所以佢先會搵人訴苦，而女友就反駁一件事還一件事，除夕瞞住樓主出門係唔啱但都唔係樓主搵一個對佢有意思嘅女生訴苦嘅理由。
Photo from TVB
Photo from TVB
最後女友叫樓主留返啲時間陪分身，電話仲block咗樓主令樓主打唔到電話畀佢。樓主稱知道玩大咗，唔想失去呢段感情，於是向女友坦白其實根本無咩「女同事」，只係佢自製嘅分身。
Photo from TVB
女友稱好失望，網友直言港男行事超幼稚
女友得悉真相後覺得好失望，又話樓主「心眼太多」，成日無嘢搵交嗌。樓主：「我知道作為男人做一啲咁嘅事係好幼稚，但已經做咗，亦都唔知點樣可以補救返」，希望網友可以畀到意見佢。
Photo from TVB
Photo from TVB
唔少網友都指樓主年紀唔細但做嘢都仲係好幼稚：「40幾歲人，做埋咁多小動作，真係令人好唔舒服。」、「咁得閒搞場大龍鳳難怪你女友都頂你唔順」、「咁chur只會令人想走」
Photo from 香港討論區
有網民就留意到女友曾瞞住樓主除夕出去玩：「唔係唔見得光點解要瞞？」，樓主回覆指佢哋兩個人都離過婚，女友更有女兒。樓主稱女友嘅生活都係由佢照顧，但自己疑心比較重，女友講嘅嘢佢都會懷疑，而當日女友被踢爆後解釋因為同佢一齊壓力好大。
Photo from TVB
Photo from 香港討論區
網友認為女友似乎都唔係咁簡單：「生活上要你照顧，平時都對你咁冷淡，呢個離婚女人似係求其搵個水泡。」，又直言：「有錢你慌無女咩」
Photo from 香港討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港男中年偷食後生女欲離婚！慘遭二奶拋棄老婆願不計前嫌！因一個原因堅持與老婆分開
9 Nov 2021
Photo from TVB
港男大叔偷食後生女，打算同老婆離婚
夫妻結婚後可能會面對激情消散嘅「七年之癢」、同埋外來嘅各種誘惑，要維繫感情真係一啲都唔簡單。有網友喺香港討論區開post，提及同事近日發生嘅事情。
Photo from TVB
樓主稱呢位同事年紀唔輕，係一位「大叔」。佢人到中年卻「偷食」後生女，更包起對方！同外遇對象打得火熱嘅大叔更下定決心要同老婆離婚。
Photo from TVB
Photo from TVB
外遇對象另覓筍盤，大叔慘遭拋棄幸得老婆原諒
雖然大叔為咗密會對象而離婚，但始終兩人年齡有差異，相信價值觀、生活習慣等都有唔同，樓主指大叔嘅外遇對象另覓筍盤，更一嘢飛起大叔！
Photo from TVB
Photo from TVB
慘被情人拋棄嘅大叔竟然仲有原配願意等佢！大叔老婆不計前嫌肯原諒佢，不過大叔仍然堅持離婚，令樓主大為不解，以為大叔老婆「樣好殘」，所以大叔不願回頭。
Photo from TVB
Photo from TVB
大叔堅持離婚，原因係老婆太強勢？
點知樓主有日見到大叔老婆先發現佢係好強勢嘅女強人，賺錢亦多過大叔。大叔唔想返轉頭嘅原因就係因為長期生活喺老婆陰影下，一遇到年輕貌美嘅後生女「崇拜」佢，即時覺得自己搵返男人尊嚴。
Photo from TVB
Photo from TVB
不過樓主感歎：「依家人地都飛起咗佢，老婆都原諒佢，佢仲要離婚都唔知話佢係勇敢定蠢好」
Photo from TVB
網友意見：老婆好慘／只想搵返男人尊嚴
有網友替大叔嘅太太唔抵：「搵錢少又厭人，搵得多又唔中意，做女人有時都幾慘」，亦有人認為明明係個男人自己無能力，就合理化自己「偷食」嘅行為。
Photo from 香港討論區
Photo from 香港討論區
Photo from TVB
有網民就唔明大叔點解咁「諗唔開」堅持要離婚：「有老婆養幾多人恨唔到！」不過有人估計大叔老婆喺家中可能好強勢，說一不二，大叔離婚只係想搵返男性尊嚴。
Photo from 香港討論區
Photo from TVB
Photo from 香港討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
