已婚同事為咗唔派利是刻意請假「初七先返就唔洗派」用1招慳埋親戚嗰份！

就到農曆新年，一眾已婚人士開始準備利是未呢？最近一名網民到討論區發文，話佢公司有位已婚同事為咗唔派利是，而刻意申請於初四放假，除此，佢以往仲會靠另一招嚟慳埋親朋戚友嘅利是！

Photo from 《愛回家之開心速遞》

為咗唔派利是可以去到幾盡？

近日，一名打工仔（下稱樓主）到香港討論區發文，表示公司內一名已婚男同事於去年農曆新年後才入職，並於上月尾已請定今年初四放假。到了今星期才開始有同事發現佢嗰日請假，於是就八卦問下佢點解。

Photo from 《愛回家之開心速遞》

該已婚同事直言，由於佢老婆唔想派利是畀未婚同事，所以就叫佢攞假，咁樣嘅話，到咗星期一復工時已到初七，咁就唔使再派利是！

Photo from 《愛回家之開心速遞》

除咗請假應付同事，仲出呢招，連親戚好友嘅利是都慳返！

樓主稱，因為該已婚男同事唔係上司，其實都無預佢派利是，大家同級，派唔派都係心意，但樓主認為佢老婆為咗慳利是而吩咐佢出咁嘅招數就有點核突。而在場其他同事亦好奇已婚男以往在舊公司點應付新年，該男直認佢返舊工時，都會請假避派利是。而且，佢唔只唔派畀同事，以前無疫情時，佢仲會去旅行，咁就可以連親戚朋友嗰份都慳返！為咗唔派利是，呢位同事都去得好盡！

Photo from 香港討論區

Photo from 《愛回家之開心速遞》

部分網民指：「通常派到十五」

對此，不少網民留言表示，自己相熟嘅親朋戚友都習慣派利是派到十五，「我自己一般都派到十五」、「我都未聽過初七後可以唔派！」、「我媽個輩正月初一至三十日一定要派比親戚，街外人派到十五，其實好視乎當時人派唔派姐。」

Photo from 香港討論區

Photo from 香港討論區

Photo from 《東張西望》

派定唔派？網民持不同看法

亦有其他網友就覺得反正都只係派廿蚊幾十蚊，雖然唔係貪嗰少少錢，但咁都唔派真係唔識做人、「派都派$20姐， 咁小家」、「我唔係話貪你嗰幾十，但好似樓上所言，我覺得好唔識做人囉！」、「又唔係封一千幾百，20蚊一封得啦，10封都係200蚊」。

Photo from 香港討論區

Photo from 香港討論區

Photo from 《東張西望》

另有網民表示，派利是與否係同事嘅自由，該網民曾有幾個已婚同事都從來唔派利是，「大家講句恭喜發財，開開心心就得，嗰一百幾十有咩緊要。」總括而言，網民對於派利是都有唔同睇法，唔知大家過年時又會唔會派利是，或者會否介意已婚同事唔派利是呢？留言同大家分享下啦！

Photo from 香港討論區

相關文章：打工仔回巢被舊同事笑「無出息」一個原因難引網民同情：梗係俾人笑啦！

相關文章：富貴新同事態度差仍獲經理照顧 連老闆都為佢出錢請全世界食嘢！

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）