ViuTV推8人女團COLLAR！冠軍Marf/靚女Ivy So/35歲芯駖入團！黎明都有留意？！
ViuTV推出嘅女團終於宣佈人選！《全民造星4》除咗決賽當日嘅三甲：冠軍Marf、亞軍Gao、季軍Day外，唔少呼聲極高嘅參賽者如Ivy So、芯駖都成功入團！女團為8人組合，名稱如之前猜測咁叫「COLLAR」。
ViuTV《全民造星4》以首次全女班為賣點，更開宗明義選女團，其中喺決賽選出嘅冠軍Marf、亞軍Gao、季軍Day早已直入女團，但其餘人選一直以嚟都係網民熱話。
早前ViuTV喺社交網站公佈咗多條預告片段，宣傳新女團即將誕生。有唔少網友都化身「偵探」，試圖搵出預告片入面嘅人到底係邊個。
ViuTV被爆註冊咗新商標「COLLAR」，仲開埋IG帳戶「weare.collar」，踢爆女團將定名為「COLLAR」。
喺宣佈成團前亦已有消息稱除咗三甲Marf、Gao、Day之外，舞蹈擔當So Ching、芯駖；顏值擔當Ivy So、Candy同埋主唱Winka都入團，事實證明爆料正確，女團人選的確係呢8位女生！
而Winka更剪咗全新短髮示人，女團出道曲係《Call My Name》。不過女團第一個舞台被指造型出事！尤其係Winka、Day。仲有網友指天王黎明都有睇！睇嚟女團嘅吸引力真係好大！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
網民選出《造星4》女團成員有力人選！芯駖/IvySo獲網民力撐！將會誕生8人組合？
28 Dec 2021
ViuTV節目《全民造星4》決賽已經於聖誕節當晚完滿結束，三甲分別係冠軍Marf奪得、Gao獲得亞軍、而Day就獲得季軍！而女團最終成員就將會喺下年1月12日嘅時候公佈，唔少網民都有自己嘅心水女團成員，即刻睇下有邊幾位啦～
Photo from ViuTV
《全民造星4》決賽已經完結，而賽後經紀人戴穎（Wing）就表示將會考慮組成8人嘅女團，將會痛台前幕後嘅工作人員好好商討成員名單，並已經落實於明年1月12日正式出道！而網民們亦有自己嘅心水女團成員，而家即刻睇下有邊幾個啦～
1. Marf 邱彥筒（奪冠直入女團）
現年19歲嘅Marf能歌善舞，成功吸引一班粉絲嘅支持，賽前就已經係大熱門。而佢喺決賽嘅時候就選擇用原創曲表演，穩定嘅唱跳實力以及台風，亦成功攻陷評判們嘅心以最高分數奪冠～有指，佢奪冠之後身價已經立刻飆升至近15萬！
Photo from Marf IG
Photo from ViuTV
2. Gao 沈貞巧 （亞軍直入）
Gao跳Locking舞蹈嘅才能深深吸引觀眾，而Wing過往亦大讚佢係隊伍中嘅強心針，絕對係咗女團隊長嘅最佳人選。決賽當日，佢表現突出令唔少網民表示另眼相看，最終以37分奪得亞軍！
Photo from ViuTV
Photo from Gao IG
3. Day 許軼 （季軍直入）
19歲嘅Day曾經喺韓國做練習生半年，唱跳實力都兼備，早期就被網民喻為係女團嘅潛力成員。能夠駕馭各種風格嘅佢喺決賽當日以穩定嘅表演以及高人氣，獲得季軍！
Photo from ViuTV
Photo from Day IG
4. So Ching 蘇芷晴
So Ching本身係一位舞蹈老師，曾為唔少藝人擔任伴舞。唔少網民都認為佢跳舞時魅力非凡，而且唱歌實力唔錯，就算成為女團成員都應該可以勝任！
Photo from So Ching IG
Photo from So Ching IG
5. Ivy So 蘇雅琳
Ivy So 外型甜美有活力，從比賽一開始就已經獲得網民們嘅喜愛，係網民認為嘅顏值擔當！雖然經常都被網民話係「靠樣」入圍，不過佢喺比賽過程中亦好努力練習，獲得唔少好評。而名校出身嘅佢本身就讀護理系，但就為比賽而選擇退學，有網民仲翻找佢嘅素顏照大讚佢夠清純，獲封為「仙氣女神」～
Photo from Ivy So IG
Photo from ViuTV
6. 芯駖 李芯駖
芯駖係20強參賽者中年紀最大嘅一位，不過並冇影響佢對表演嘅熱誠，而且亦成功令評判同觀眾對佢改觀，大讚佢勇敢追夢！而佢喺決賽當日嘅最終成績係第4名，唔少網民都希望佢可以成為女團成員之一。
Photo from 芯駖IG
Photo from 芯駖IG
7. Sica 何洛瑤
Sica喺初賽嘅時候，就以日系風格成功奪取觀眾嘅目光，仲喺表演途中跌倒而被花姐大讚識執生！雖然網民對佢表演嘅評價好壞參半，但佢嘅人氣亦非常高，係眾多參賽者中首位獲得應援巴士支持～
Photo from Sica IG
Photo from HolidaySmart
8. 阿妹 黃敏蕎
現年17歲嘅阿妹喺96強淘汰賽嘅時候就已經出局，被好多網民譽為係《造星4》被淘汰最可惜嘅參賽者！唔少網民都認為佢嘅能力絕對可以勝任做女團成員。
Photo from ViuTV
Photo from 阿妹IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
