青春本我｜姚焯菲民初小鳳仙Look唱新歌《靈魂伴侶》大玩師生戀表白慘遭拒絕

TVB劇集《青春本我》嚟到最新一集，講到姚焯菲（Chantel）飾演嘅學生陳婷終於向暗戀已久嘅中文老師徐夕（朱敏瀚飾）表白，而Chantel在劇中唱嘅歌曲《靈魂伴侶》亦順勢推出，MV中佢仲以一身民初造型亮相，認真配合佢「國民初戀」嘅稱號。

Photo from 姚焯菲 IG

姚焯菲劇中大玩禁忌師生戀

青春校園劇《青春本我》最新一集講到15歲姚焯菲飾演嘅害羞學生陳婷，參與野外實地考察活動時約朱敏瀚飾演嘅徐sir到涼亭，鼓起勇氣向一直暗戀嘅老師表明心跡。Chantel含羞嗒嗒咁問徐sir「你覺得我點呀？」，之後又表示「咁你都好了解我」，但當徐sir表明二人應保持良好嘅師生關係「唔可以有雙重關係，將來都只能夠係朋友關係」，Chantel就非常愕然又生氣，不解為何二人唔可以在一起。

Photo from TVB

Photo from TVB

順勢推出第二隻個人單曲《靈魂伴侶》

被斷然拒絕嘅Chantel深受打擊，直言「你唔鐘意我！你覺得我好差，我真係好差！」然後傷心跑走，最後遺下徐sir一人。此段劇情響起嘅背景音樂其實就係Chantel繼《原來談戀愛是這麼一回事》後推出嘅第二首單飛新歌《靈魂伴侶》，認真受TVB力捧。

Photo from 原來談戀愛是這麼一回事 Official MV

Photo from 靈魂伴侶 MV

回到民初談戀愛？

Chantel在MV中配合劇裡沉迷漫畫世界嘅角色，將徐sir幻想成民初時期嘅徐志摩，更換上一身粉紅色小鳳仙裝，一邊唱歌一邊回憶女學生與男教師嘅相處片段，憑歌寄意表達女學生向男教師求愛嘅期盼。

Photo from TVB

Photo from TVB

Photo from TVB

當中歌詞都相當直白，包括「我願意持續幼稚地試 去幻想一個靈魂伴侶」、「未接的吻 請你別猜我是幾多歲」、「到底我想與誰 做情侶」，相當有師生之間較大年齡差距意味。歌曲監製Johnny Yim（嚴勵行）指Chantel錄製此曲時只有14歲，所以能保留對戀愛嘅天真無邪，大讚Chantel表演無得彈。

Photo from TVB

Photo from TVB

網民有讚有彈

不過網民就唔係咁諗，不少人認為歌曲充滿80年代風味，造型與曲風都好娘，笑言係咪講緊清朝戀愛故事，亦有人認為MV令Chantel過於老氣，歌曲亦缺乏深度「沒有新意的老土少女情歌，製作些有意義有靈魂的作品吧。」

Photo from TVB YouTube

Photo from TVB

雖然MV有不少負評，但一班小菲象（Chantel粉絲）都不忘落力留言支持，表示自己不停loop MV，又讚偶像唱得非常甜蜜，「真的很有初戀feel」。而MV發佈兩日已衝破200k點擊率，截至今早更達到YouTube熱門音樂第八位，睇嚟一班fans真係好落力播MV。

Photo from TVB YouTube

相關文章：姚焯菲新歌3日內突破44萬瀏覽！ MV留言有讚無彈：千年難得一遇仙女!

相關文章：TVB上半年蝕近3億元 大讚姚焯菲人氣勁 傳曾志偉搵外援將綜藝騷內地化

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）