環球唱片與商台疑似關係決裂？！3月音樂會冇份演出！回應引熱議！網民猜測因2大理由而暴走

By Stephanie on 19 Jan 2022

Digital Content Writer

由商台所舉辦嘅《2021年度叱咤樂壇流行榜頒獎典禮》已經完滿結束，並將會喺3月嘅時候舉辦「叱咤樂壇Brand New Live生力軍音樂會」。但就被網民發現出演名單中並冇環球唱片嘅旗下歌手，而環球唱片嘅回應亦令網民不禁懷疑佢哋兩間公司之間嘅關係係咪出現裂痕，引起網民熱議！

Photo from Gin Lee IG

# 商台將於3月15日舉辦音樂會！

商台主辦嘅《2021年度叱咤樂壇流行榜頒獎典禮》已經於今年1月1日完滿結束，近日佢哋就宣佈3月將會喺假亞洲國際博覽館舉行「叱咤樂壇Brand New Live生力軍音樂會」，參加嘅歌手有 MC張天賦、呂爵安、炎明熹、姚焯菲等，令唔少網民都表示非常期待！

Photo from cr881903 @IG

# 出演名單上卻冇環球唱片旗下歌手？！

但有眼利嘅網民發現名單上居然冇環球唱片所屬嘅歌手，雖然音樂會並冇表明獲獎歌手先可以參與，但環球唱片旗下嘅歌手都有份喺頒獎典禮中獲得獎項，包括：「生力軍男歌手銅獎」嘅曾比特、「生力軍組合金獎」嘅石山街、「生力軍組合銅獎」嘅P1X3L。照理應該會出演音樂會，但全部歌手都冇份，就不禁令網民猜測係咪兩間公司嘅關係係咪出現問題？！

Photo from 商業電台YouTube

# 環球唱片串爆回應：唔會造成重大損失！

對於網民們嘅推測，環球唱片就向媒體們作出回應「近兩年來商台都不太喜歡環球唱片旗下歌手的作品，例如：AGA、Gin Lee、張學友及ONE PROMISE等。環球唱片亦尊重商台決定，因為他們推崇『專業推介』，環球亦沒有杯葛商台的意思。」，仲非常有信心咁話唔擔心會因此而造成重大損失！不過商台嘅『專業推介』又的確好視乎DJ們嘅個人喜好，比較難因此而斷定歌曲嘅熱度嘅～

Photo from 環球唱片FB

Photo from AGA IG

# 網民唔太認同環球唱片講法？！

網民睇完之後都有唔同嘅睇法！有網民就認為環球唱片嘅講法似乎唔係咁啱，因為2020年AGA先攞咗「叱咤樂壇女歌手金獎」，而且旗下歌手嘅歌曲一派台亦有不停宣傳，似乎並唔存在「商台唔鍾意環球唱片旗下歌手作品」嘅說法；亦有網民認為環球唱片嘅回應非常唔得體，覺得環球唱片係因為商台唔重視其歌手同埋唔滿意歌曲排行榜而「發脾氣」？！

Photo from 連登討論區

Photo from 商業電台YouTube

# 網民對叱咤頒獎典禮評價兩極！

有網民認為叱咤頒獎典禮嘅獎項一直都存在爭議，「頒獎典禮一直都係噱頭嘢」、「根本就唔會有完全公平㗎啦！」等留言；但都有網民就覺得近年嘅頒獎典禮結果已經算係合理！

Photo from 連登討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

叱咤2021｜頒獎禮完整得獎名單出爐！姜濤連奪最喜愛大獎、欣宜成女歌手大贏家

2 Jan , 2022

《2021年度叱咤樂壇流行榜頒獎典禮》頒咗唔少獎，鄭欣宜首奪女歌手金獎，更勇奪我最喜愛女歌手，男歌手方面姜濤冧莊拎最喜愛男歌手，更以《Dear My Friend》拎埋我最喜愛歌曲大獎！即睇完整得獎名單！

炎明熹、姚焯菲奪新人獎！MC張天賦贏Edan攞生力軍男歌手金獎

叱咤樂壇生力軍女歌手銅獎：姚焯菲
叱咤樂壇生力軍女歌手銀獎：炎明熹
叱咤樂壇生力軍女歌手金獎：張蔓姿

叱咤樂壇生力軍組合銅獎：P1X3L
叱咤樂壇生力軍組合銀獎：MC $oho & KidNey
叱咤樂壇生力軍組合金獎：石山街

叱咤樂壇生力軍男歌手銅獎：曾比特
叱咤樂壇生力軍男歌手銀獎：呂爵安
叱咤樂壇生力軍男歌手金獎：MC張天賦

MIRROR《Boss》獲專業推介第二位，RubberBand奪至尊歌曲大獎

專業推介叱咤十大第十位：泳兒《荊棘海》
專業推介叱咤十大第九位：Anson Lo《Megahit》
專業推介叱咤十大第八位：岑寧兒《風的形狀》
專業推介叱咤十大第七位：C AllStar《集合吧! 地球保衛隊》
專業推介叱咤十大第六位：柳應廷《狂人日記》
專業推介叱咤十大第五位：林家謙《神奇的糊塗魔藥》
專業推介叱咤十大第四位：鄭融《多喝水》
專業推介叱咤十大第三位：張敬軒《俏郎君》
專業推介叱咤十大第二位：MIRROR《Boss》
叱咤樂壇至尊歌曲大獎：RubberBand《Ciao》