越南18歲女嫁42歲南韓窮大叔 被男方童顏與性格吸引 結婚先知係富豪！

嫁入豪門有時真係好講運氣！越南一名少女於18歲時嫁給比自己大24年嘅南韓大叔。雖然年齡差很大，但大叔非常童顏，而且性格溫柔體貼，所以無阻二人婚姻，更令少女震驚嘅係，平時極節儉嘅丈夫竟然係一名富豪！

Photo from Facebook @ Nhật Vi

越南少女嫁大18年南韓「窮」大叔

綜合媒體報道，越南一名美少女娜薇（Nhật Vi）現年21歲，佢18歲那年與來自南韓嘅東振（Dongjin）結婚，消息在當時震驚不少親友，因為東振比娜薇大24歲，同女方父母年紀相差不大。但二人真心相愛，所以堅持拉埋天窗，東振現時45歲，婚後與娜薇生活亦甜蜜幸福。

Photo from Facebook @ Nhật Vi

少女被大叔外型吸引

娜薇透露，當初係經相親認識東振，首次見面已被男方外型吸引，佢形容東振非常童顏，「佢好白，鼻子高，睇落似西方人；而且穿搭樸素，我以為佢好窮。」由於東振外表年輕，所以當娜薇知道對方真實年紀都相當驚訝。

Photo from Facebook @ Nhật Vi

大叔童顏兼有禮

相親後，二人展開交往，當娜薇帶東振回家見家長時，東振對女方父母都好有禮貌，說話輕聲細語，表現體貼，女方父母初時都以為東振只有30多歲。

Photo from Facebook @ Nhật Vi

少女結婚驚覺大叔係富豪

娜薇坦言，佢唔在乎東振有無錢，認為只要男方夠溫柔同誠懇，結成夫婦可一起努力生活。到結婚時，娜薇發現東振比自己想象中富有。原來東振係一間餐廳嘅老闆，但佢個性節儉，自己嘅銀包可以用10年都唔換，但對老婆就好唔同，佢總係買名貴衣服手袋畀娜薇。

Photo from Facebook @ Nhật Vi

Photo from Facebook @ Nhật Vi

二人如今已結婚3年，育有一對雙胞胎，娜薇亦對東振嘅細心照顧有讚無彈，佢表示自己生病時，丈夫會幫佢煮飯、煲粥，仲試過半夜起床送佢去醫院。所以娜薇都非常感動，慶幸自己有一段幸福美滿婚姻。

Photo from Facebook @ Nhật Vi

Photo from Facebook @ Nhật Vi

相關文章：越南妻子為內地農村男 放棄富商追求！丈夫讚老婆樣貌清秀 神似某女星？

相關文章：19歲護理員與89歲老翁譜忘年戀！結婚不足一年新娘現形 望認知障礙老公早日離世繼承遺產

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）