James BonBon｜日賣2,000個！朝聖招牌菠蘿皮麻糬波波 前四季餅廚主理！爆餡榛子醬
銅鑼灣新開麵包店「James BonBon Bakery」，最近憑著招牌菠蘿皮麻糬波波爆紅，吸引不少人專程排隊搶購，菠蘿皮麻糬波波每日12點準時出爐開賣，未到12點已經出現排隊人龍，日賣近2,000個，究竟是否真的如此吸引？
銅鑼灣麵包店「James BonBon Bakery」
銅鑼灣最近新開間麵包店「James BonBon Bakery」，主打無添加手工麵包，全部採用日本麵粉、天然酵母和新鮮牛油製造，原來小店大有來頭，是由前四季酒店西餅師傅主理，小店最近推出菠蘿皮麻糬波波，掀起一股排隊熱潮，不少人排足1小時，為的就是「朝聖」名物菠蘿皮麻糬波波。
Photo from PressLogic
中午12點後出爐
菠蘿皮麻糬波波每日12點準時出爐開賣，記者當日12點前到訪，已經見人排隊人龍，不時都有客人詢問售賣菠蘿皮麻糬波波狀況，為了讓更多人品嚐到麻糬波波，每人只限買4件，大約每20至35分鐘出爐一次，每輪大約有50至60個，且每輪的麻糬波波口味有機會不同，想買到心儀口味就要碰運氣。
Photo from PressLogic
菠蘿皮麻糬波波
「James BonBon Bakery」老闆將港人愛吃的菠蘿包與麻糬波波二合為一，製作成招牌菠蘿皮麻糬波波，推出原味、抹茶和朱古力味，最高峰日賣近2,000件，可以媲美不少過江龍品牌，價錢亦相當親民，只售$8一件，$15兩件，CP值極高！
Photo from PressLogic
招牌菠蘿皮麻糬波波外層為香脆菠蘿皮，咬開是軟糯的麻糬，保持到麻糬應有的空氣感，又做到拉絲和煙韌口感，層次豐富，味道絕對有保證。
Photo from PressLogic
期間限定口味
除了原味、抹茶味和朱古力味外，更不定時推出Nutella榛子醬、Lotus焦糖餅乾和雪山菠蘿皮新等口味，其中推介Nutella榛子醬餡，外脆內煙韌的麻糬波波，包裹著濃郁的榛子醬，將菠蘿皮麻糬波波昇華至另一層次。
Photo from PressLogic
普通麻糬波波
其實店舖的普通麻糬波波同樣出色，同樣推出原味、抹茶和朱古力味，相比其他店舖的麻糬波波，口感更加鬆軟煙韌，不過麻糬波波口味每日不一，要買到心儀味道同樣要靠彩數。
Photo from PressLogic
必食超嫩滑葡撻
舖頭還有其他麵包或甜品，同樣吸引不少捧場客，特別是出爐不足1小時已經賣光的葡撻，每件葡撻焗至脹卜卜，蛋餡嫩滑，食落甜而不膩，其他麵包都很值得一試，各位麵包控經過銅鑼灣一定要試下！
Photo from PressLogic
James Bonbon Bakery
地址：銅鑼灣邊寧頓街9-11號登龍閣地下C1舖
營業時間：7am-10:30pm
電話：9253 5379
Instagram：<按此>
更多【美食推介】請按此
相關文章：
相關文章：
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
