富貴KOL雪姨盆菜影片惹公關災難！公開道歉但負評依然一面倒！連新年市集都受到影響？

富貴YouTuber雪姨早前就喺頻道上載有關食盆菜嘅試食影片，因為將高級酒店同茶餐廳嘅迷你盆菜同相比，而令網民覺得唔公平，仲因此而引起網民一面倒嘅負評！

Photo from Snow E @YouTube

# 雪姨盆菜試食影片，獲一面倒負評？！

有「富貴KOL」之稱嘅雪姨（Sharon）最近喺YouTube頻道上載一條有關迷你盆菜試食實測影片，並分別將兩間酒店Ritz-Carlton $688一人盆菜、帝京酒店雙人份$788盆菜以及深水埗基隆茶餐廳$128盆菜作出比較，卻引起網民嘅負評！

Photo from Snow E @YouTube

Photo from Snow E @YouTube

# 批評基隆茶餐廳盆菜，仲趁機賣廣告！

影片中，雪姨就批評基隆嘅盆菜「一食落口就有啲霉」、「唔抵食」等評語，仲藉嫌棄盆菜中嘅髮菜唔夠，而插入養髮液嘅廣告，但呢個做法就令唔少網民覺得非常唔尊重餐廳！而基隆餐廳本身就係出名嘅良心餐廳，會派飯俾有需要嘅露宿者以及長者，令唔少網民都替餐廳感到不值！

Photo from Snow E @YouTube

Photo from Snow E @YouTube

Photo from Snow E @YouTube

# 網民認為實測唔公平！

另外，有唔少網民認為將茶餐廳同高級酒店嘅盆菜作比較，根本就唔公平；而且價錢本身就已經有啲分別，用料上就當然會有唔同！

Photo from 連登討論區

Photo from 雪姨IG

Photo from 連登討論區

# 基隆茶餐廳氣憤作出回應！

而基隆餐廳就對影片做出回應「問心真係冇你講咁難食，藐嘴藐舌批評我哋嘅盆菜」，替公司所有辛苦工作嘅員工抱打不平「雖然我哋只係一間餐廳，但憑咩睇唔起我哋！」，質疑雪姨為咗買廣告而胡亂講嘢？！

Photo from 基隆茶餐廳FB

Photo from 雪姨IG

# Ritz-Carlton迅速與雪姨「割蓆」？！

有網民就質疑喺影片中嘅另外2間酒店盆菜可能係廣告，所以先會獲得雪姨嘅好評。然而，Ritz-Carlton酒店 好快就瞬速同雪姨撇清關係「本酒店並未有進行任何贊助，亦沒有參與短片內容」，仲強調支持同行，希望飲食業能夠喺疫情下百花齊放！

Photo from Ritz-Carlton FB

# 雪姨公開道歉！

隨後，雪姨亦公開道歉「造成基隆茶餐廳的影響，本人及團隊深表歉意」，表示佢地已經即時果斷咁將影片下架，並承諾以後上傳影片前會做好內容嘅把關！不過網民都似乎對佢嘅道歉唔收科，認為佢作為影片創作者一開始就已經意識到問題嘅存在！

Photo from 雪姨IG

# 雪姨籌備嘅市集因此受影響？！

現時雪姨有份籌備嘅新年市集亦因此而受到影響，唔少網民都踴入市集嘅FB留言表示「唔會去」！而有份參與擺檔嘅UFO達人卓飛都有喺FB表達憤怒之情，仲揚言會立刻收拾喺市集中嘅檔舖「最多咪蝕租金！我唔信啲貨賣唔出。」

Photo from 卓飛FB

相關文章：「富貴KOL」雪姨公屋出身靠月儲五千致富！單身家庭長大買樓豪裝贈母！

相關文章：盆菜2022｜新年盆菜外賣合集！人均$140起歎盡矜貴食材 仲有西式酥⽪龍蝦盆菜 可包免費送貨！（持續更新）

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

網民做冬收到「冰封盆菜」嬲爆！元朗食肆公開道歉+解釋：誤放入冰櫃

22 Dec , 2021

大時大節，唔少屋企都會預訂盆菜同家人慶祝佳節～最近，有網民就喺FB上投訴「永年士多」嘅外賣盆菜疑似誤擺入冰櫃裡面，導致成個盆菜都遭受冰封！而唔少網民亦表示遇到同樣嘅事情。

Photo from TVB

# 網民分享購買外賣盆菜慘痛經歷？！

冬至啱啱過咗，而唔少家庭都會選擇更方便快捷嘅途徑喺店舖預訂盆菜，同家人一齊共聚慶祝！日前，有網民就喺元朗區一間食店「永年士多」嘅FB專頁上控訴佢哋嘅盆菜，認為食店疑似處理失當而導致盆菜被「冰封」？！

Photo from TVB

# 打開時盆菜居然結冰！

該網民表示自己購買咗「永年車仔麵」嘅外賣盆菜，但喺收貨嘅時候卻竟然發現令佢嚇咗一跳嘅場面。從網民所提供嘅照片所見，盆菜嘅表面已經結霜，而裡面嘅食材亦因此而被染成白色，疑似被放入冰櫃而導致嚴重結冰！

Photo from 「永年士多」FB

# 網民表示：雪咗幾耐先會冰封成咁？

網民見狀都表示非常結冰情況好誇張「結冰結成咁要放幾耐先做到？」、「冰皮盆菜, 好creative呀~」等留言，認為盆菜售價本身都已經偏貴，令唔少網民都覺得十分唔划算！

Photo from 「永年士多」FB

Photo from 「永年士多」FB

# 元朗食店公開道歉！

其後，「永年士多」官方就事件作出回應，解釋係因為「同事錯誤運送雪藏盆菜」，而且誤將盆菜放咗入冷凍櫃，導致部份盆菜過份急凍影響客人們嘅食用體驗，向大家道歉並確保唔會再發生同類型事件！

Photo from 「永年士多」FB

# 網民似乎唔太滿意！

然而喺道歉post下面，有網民就表示自己都同樣遇到「冰封盆菜」嘅事件，仲話「道歉無用，要退錢，蘿蔔同腐竹都變壞咗！」等，似乎就唔太接受店家嘅書面道歉喇！

Photo from 「永年士多」FB

相關文章：公屋住戶半夜煮咖哩慘遭鄰居投訴！ 眼利網民發現通告錯漏百出！ 慨嘆：連食宵夜都唔得！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）