大J移居日本搵屋租 拍片對比2間千呎2層獨立屋 因為呢樣嘢月租超平？！

知名YouTuber大J早前突然宣佈已離開香港移居日本，近日佢上載新片，講述自己同太太喺日本覓新屋嘅睇樓經歷。當中佢帶大家睇咗兩間複式獨立屋，兩者都接近一千平方呎，月租只需1萬港元有找，網民都大呼吸引！

Photo from 大J YouTube頻道

大J帶大家睇日本屋

大J於去年尾突然在社交網上載帖文，宣佈自己與同太太及兩隻愛貓移居日本，引網民熱議。而大J亦無放棄YouTuber事業，繼續上載自己到日本嘅生活影片。日前，佢發佈新影片，表示自己同太太正在搵屋租，於是帶大家同佢一齊直擊睇樓實況！

Photo from 大J YouTube頻道

第一間屋：約1千呎2房獨立屋連車位

大J今次睇咗兩間屋，第一間係兩層獨立屋，面積約1000平方呎，屋外有車位。大J讚客廳非常闊落，其開放式廚房亦好適合佢拍煮食片，但如果有煤氣爐頭就更好。

Photo from 大J YouTube頻道

Photo from 大J YouTube頻道

Photo from 大J YouTube頻道

上到一樓，嗰度有一間塌塌米和室房，對大J嚟講可有可無，但真係要嘅話總有辦法運用房間。上到二樓就有兩間房，房間都採用躺門，增加了開放感；雖然房內衣櫃無門，但大J太太都認為無所謂。

Photo from 大J YouTube頻道

Photo from 大J YouTube頻道

Photo from 大J YouTube頻道

同對面屋好近，浴室直通露台

由房內窗門看，近距離就可以直視對面屋，可能會引起尷尬情況。除此，二樓洗衣機旁邊就係浴室，進入浴室後更可直接走出露台，咁嘅設計其實係方便住戶洗衣後直接拿衣物到露台晾乾。

Photo from 大J YouTube頻道

Photo from 大J YouTube頻道

Photo from 大J YouTube頻道

Photo from 大J YouTube頻道

呢間屋雖然有不少好處，但只有兩間房，唔太方便向來習慣分房睡嘅大J夫婦，二人基本最少要三間房：各人一間睡房，以及一間電腦工作房，所以兩房設計唔太夠用。除此亦有其他問題，第一，到達屋前嘅道路非常窄，駕車出入會唔方便；第二，屋子距離最近車站和商店非常遠，要步行廿多分鐘才到車站，亦要行一公里才到達最近便利店，所以唔太好住。不過月租就只需$9520港元。

Photo from 大J YouTube頻道

第二間屋：約1千呎3房獨立屋連車位

到達第二間屋，佢係一間約一千呎嘅三房獨立屋連車位，空間實用，三房滿足到大J夫婦需要，仲有兩個廁所，只係三房之間較陝窄，問題不大。呢間屋距離車站亦近得多，大約步行十分鐘就到。

Photo from 大J YouTube頻道

Photo from 大J YouTube頻道

Photo from 大J YouTube頻道

Photo from 大J YouTube頻道

樣樣好，租金平，但有一樣嘢好差？！

屋外亦有一個小空間讓住戶種植。呢間屋雖然較傳統舊式，但比第一間屋實用。

Photo from 大J YouTube頻道

Photo from 大J YouTube頻道

講到呢度，大J就話，呢間屋有樣嘢會令唔少人介意，就係屋子正面就對著一個墳場，兩者只有一條馬路之隔。不過，大J兩夫婦對此都不太介意。另外，大J亦非常滿意其租金，月租只需$8500港元。

Photo from 大J YouTube頻道

Photo from 大J YouTube頻道

由於大J夫婦唔介意屋子面對墳場，所以暫時較偏向第二間屋，若決定好就會短租一至兩年，期間，二人打算物色一塊靚地，嘗試起屬於二人嘅Dream house。

相關文章：香港YouTuber入行前工作大公開！大J喺日本做過演員/肥娃中四開網店

相關文章：日本正盛行「已婚聯誼會」?! 參加者只想尋覓友達以上伴侶

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）