港男呻同居女友堅持分房瞓！網友一個原因力撐女友斥港男自私
Photo from TVB
同居女友堅持分房瞓，港男接受唔到
情侶同居喺香港都十分常見，最近有網友喺連登討論區發文「你接唔接受到情侶分房瞓」，佢表示女友堅持要分房瞓令佢十分煩惱，於是開post問網民意見。
Photo from TVB
佢表示女友稱搬出嚟一齊住之後要一人一間房，因為可以保留私人空間之餘，仲可以延緩大家對到厭嘅感覺。但樓主自言：「我想痴住佢多啲，畀著你哋接唔接受到？」
Photo from TVB
分房瞓無親密感覺似室友？！
有網民就表示接受唔到，認為分房瞓感覺似室友多過女友，又表示如果分房瞓根本無必要同居。樓主都有同樣嘅感覺，認為情侶同居理所當然要同房一齊瞓。
Photo from TVB
Photo from LIHKG
Photo from TVB
同居情侶分房瞓有更多私人空間，減少磨擦
但有支持分房瞓嘅網友指出：「試過分房訓之後真係返唔到轉頭」，網民表示當過咗熱戀期，擁有自己一間房會有多啲私人空間，又可以減少情侶之間嘅磨擦，嗌交都少啲。
Photo from TVB
Photo from LIHKG
Photo from TVB
亦有人認為唔係個個人都習慣同另外一個人瞓埋同一張床，加上大家睡眠習慣唔同，可能會搶被、反瞓等，為咗彼此嘅睡眠質素著想，分開瞓反而仲好。
Photo from TVB
甚至有已婚網民分享佢婚後都依然同另一半分房瞓，一嚟大家返工作息時間唔同，廢事打擾到對方，之後有自己個人空間中意夜晚煲劇、打劇都唔驚會影響到伴侶。
Photo from LIHKG
Photo from TVB
港男稱有鼻鼾習慣仍不願分房，網友斥自私
樓主堅稱佢好錫女朋友，唔會同佢嘈交，所以覺得唔使分房瞓：「你愛佢就想痴住架啦」。有網友提出打鼻鼾都會好打攪到對方。樓主承認自己有鼻鼾問題：「係有時會有鼻寒，如果買大啲張床可唔可以一齊瞓返？」
Photo from TVB
Photo from LIHKG
樓主呢個「鼻鼾」回覆一出，即時令網民變成同一陣線，力撐女友分房瞓嘅決定：「咁你就唔好咁自私啦，人哋點瞓呀」、「你女朋友淨係話分房訓已經比晒面你」
Photo from TVB
Photo from LIHKG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港男與異性朋友過從甚密惹女友大怒！提2大要求港男呻掃興：真係要咁避忌？！
10 Jan 2022
Photo from TVB
女友不滿港男與女性朋友來往太密
每個人都會有異性朋友，但戀愛後唔係每個伴侶都可以同異性朋友好好相處，有時夾喺愛情同友情中間都好難平衡。連登討論區有港男開post指近日女友要求佢遠離一位女性朋友令佢大感煩惱。
Photo from TVB
港男表示佢早前同一位女仔朋友A出街但未有告知女友，後來女友發現佢手機入面有幾張同A嘅合照踢爆兩人曾單獨出街。之前有先例港男車A返屋企仲單獨喺車上傾偈一段時間，加上女友亦知道佢以前對A有過好感，所以女友對A一直都好反感。
Photo from TVB
Photo from TVB
Photo from TVB
女友要求港男唔准同異性好友單獨見面
樓主稱女友唔准佢出席啲有A參加嘅朋友聚會，又唔畀佢將A做設為IG「Close Friends」。但樓主表示平時同A都仲有好多共同朋友，難免會見面，而且因為樓主屋企地方較大所以多數gathering都會車晒啲朋友一齊上佢屋企玩，其中亦包括女性朋友A。
Photo from TVB
Photo from TVB
一開始女友唔准A去佢屋企，後來經過溝通後了解樓主唔想啲朋友疏遠佢，女友妥協咗作出讓步，但就提出2大要求：1）朋友聚會要12點前完；2）唔好坐A隔離、單獨車出去。
Photo from TVB
港男稱「好掃興」，希望女友會體諒佢唔使氹
樓主自認好難做到，因為班frd難夾時間，好難就到早啲開始gathering同喺12點前完。樓主又呻女朋友成日都會因為佢同呢班朋友玩而唔開心：「次次約親都氹足佢兩三日」，樓主稱曾試過因為佢想玩夜啲而嘈交嘈到分手：「對住女朋友開始好攰好辛苦，想佢體諒我多啲唔想成日都要氹。」
Photo from TVB
樓主表示聖誕節本身話咗帶埋女朋友一齊去，但女性朋友A一聽到佢女友去就即刻話唔join，最後唯有樓主女朋友唔去A先肯join。樓主坦言聖誕節內心想同班frd玩：「太早玩完真係好掃興，其實係咪真係需要咁樣避忌？」
Photo from TVB
Photo from TVB
女性朋友A都好憎女友！網民直指A好有心機
喺後續回覆中樓主又稱女性朋友A知道樓主女朋友唔鍾意佢，仲唔畀樓主同佢玩咁多，所以A都好憎樓主女朋友。樓主表明女朋友次次都會因為唔想佢去聚會嘈足幾日：「話想玩夜啲都要分手咁，真係氹唔到佢」
Photo from TVB
Photo from TVB
唔少網友都認為A好有機心，因為樓主女友去聚會就話唔出席：「扮晒弱者受害人咁」，又指樓主為咗A可以參加聚會竟然叫女友唔好去嘅行為好過分！完全唔尊重女友：「戥你女朋友慘！」
Photo from TVB
Photo from lihkg
Photo from TVB
Photo from lihkg
網友斥港男唔尊重女友好自私
雖然樓主重申佢對A無任何感覺只係純綷普通朋友關係，但女友都知樓主曾經對A有好感，佢仲要瞞住女友同A單獨出街，女友生氣根本合情合理。
Photo from TVB
Photo from lihkg
網友又指女友要求一啲都唔過分，而且知道樓主唔想無咗班frd仲肯妥協，反而樓主少少事都話做唔到，仲要嫌女友次次都要氹好辛苦，斥佢毫不為女友著想！有網民叫樓主代入下諗如果女友瞞住佢同曾經有好感嘅男生單獨出街會點，不過樓主回避免問題並未回應，唔少網友都怒轟佢好自私！
Photo from TVB
Photo from lihkg
Photo from lihkg
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
