網上尋覓港島區2房1廳單位 預算租金得9千蚊！列出額外5大要求！網民：住堅離地城啦！
Photo from TVB
# 網民於FB群組尋找租盤！
香港地少人多，而且房價越來越貴，房屋問題成為唔少人常見嘅煩惱之一！最近，有網民就喺FB群組中尋找合適嘅居所，但佢所提出嘅5大要求以及預算價錢，就令網民有好大迴響喇？！
Photo from TVB
# 公開5大要求，預算租金係9千蚊內？！
有位網民喺FB公開群組中開post，希望為一家三口以及外傭搵到合適嘅租盤。樓主表示預算嘅租金大約係每個月9,000港幣內，地點係港島區。除此之外，佢仲列出咗5大要求，包括：2房1廳、包傢俬、大廈要有升降機同保安、靚裝（良好裝修）以及容許煮食！
Photo from FB群組「自己物業自己放，租買免佣」
Photo from TVB
# 擁有穩定工作，希望搵到好業主！
而樓主就表示自己擁有穩定工作，並且願意提供收入證明；亦冇吸煙習慣，仲會準時交租，係良好嘅租客，盼望搵到好業主！
Photo from TVB
# 網民笑稱：好離地！
呢個post隨即引起網民嘅關注，唔少網民都認為樓主所列出嘅地區以及價錢非常離地，「呢個價錢天水圍都未必得！」、「十年前都唔得啦！」等留言，認為根本就冇可能以呢個預算搵到佢嘅心水住所！
Photo from FB群組「自己物業自己放，租買免佣」
# 部份網民鼓勵樓主！
但亦有熱心嘅網民為樓主尋覓理想居所，不過就覺得要搵到可以滿足到佢所有要求嘅房屋可能仲要花一段時間先得，鼓勵樓主再接再厲！
Photo from FB群組「自己物業自己放，租買免佣」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
女友租樓叫男友一次交3年租 港男收女方前度電話揭穿騙案
2 Aug , 2021
不少情侶都會考慮同居，惟金錢瓜葛易傷和氣。近日，一名港男發文，指女友提議一起租樓住，男方因要照顧家人而拒絕。女方後來決定自住並要求男方出錢，一次過支付其3年租金以享優惠。男方本想答應，卻收到女友前度來電，令佢開始起疑。
Photo from 愛回家之開心速遞
最近，一名男網民於香港討論區發文，表示女友與自己交往四個月，女方本月提議一同租樓同居，事主表示要留家照顧長者而拒絕邀請。
Photo from 香港愛情故事
之後，女方決定租樓自住，遂要求男方支付租金，男方亦接受，叫女方尋找心儀單位。
Photo from 愛回家之開心速遞
正當事主拍拖滿一個月時，事主發現一名匿名人士經常致電女友。一次，事主意外接聽，發現來電人竟是女友前度，而佢要搵嘅人唔係女方，而係其現任男友，即事主本人。
Photo from 愛回家之開心速遞
前度向事主警世：「如果佢（女友）講租屋嘅事你就要小心」，佢表示女方收到「租金」後便會走佬，而前度亦能講出其他與事主吻合嘅情況，令事主大感困惑，但因當時女友仍未深入討論租屋一事，所以事主認為前度只想「搞事」拆散鴛鴦。
Photo from 愛回家之開心速遞
Photo from 香港討論區
此後，女方表示朋友有單位放租，若果一次過租3年就可以收平啲，理由為：「屋主會離港，唔想成日返港打理。」佢要求事主一個月內答覆會否幫佢支付3年租金，但事主回想起佢前度嘅說話，情況一模一樣，始令事主起疑。
Photo from 愛回家之開心速遞
事主對此非常猶疑，亦懷疑自己「當局者迷」，佢表示同女友一起好開心，女方明言想結婚買樓，又稱：「如果一次過租，平左嘅錢可以儲起遲下買樓用」，仲計好曬數，慳左幾萬蚊，令事主心動，「如果唔係聽到（前度）個電話，我諗已經租左。」
Photo from 香港討論區
Photo from 香港討論區
不少網民都認為事主女友要求不合理，認為要事主一次過交3年租金係一場騙局，建議事主斷絕與女方來往。
Photo from 香港討論區
Photo from 香港討論區
被問會如何處理，事主表示不清楚，佢打算拖到最後一刻先算，「佢個ex有講，你唔肯租嘅話佢會即刻提分手」。有網民勸誡：「真正嘅感情唔應該用錢去講，有人同你講你已經算幸運啦，你都仲唔知咩事咩？仲有咩好迷呀」。對此，事主都只回一句：「唔希望係事實呀。」
Photo from 香港討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
