女兒男友作客常偷啤酒飲 港爸超頭痕 復仇不果 仲激到囡囡跟男友私奔？！
Photo from 《太陽的後裔》劇照
深愛嘅啤酒被女兒男友偷曬嚟飲？！
近日，一名港爸到連登討論區發文，稱自己一向接受年輕女兒拍拖，所以女兒都經常帶男友回家。港爸表示跟女兒每一任男友都相處得唔錯。
Photo from 《父親與伊藤先生》劇
但當女兒入讀大學「換畫」後就出現變化，女兒嘅現任男友到港爸家作客時，經常擅自拿雪櫃中嘅啤酒飲，「條仔成日開我雪櫃飲晒我啲啤酒，搞到我夜晚返屋企無得飲，一個男人每日最大嘅幸福，就係放工返屋企飲一啖好冰凍嘅啤酒！」
Photo from 《太陽的後裔》劇照
港爸設陷阱防「啤酒小偷」
雖然啤酒被搶，但港爸都選擇忍耐，「頭幾次我都落街買返就算，之後每罐寫晒名佢都照飲」。情況持續，直到有次港爸屋企樓下嘅士多雪櫃壞咗，無法售賣凍啤酒。港爸無奈又生氣，於是佢返家作出行動，「我買咗一打唔凍啤酒返屋企係咁搖係咁搖，放返喺雪櫃等條仔再偷飲噴佢。」
Photo from 《暖男爸爸》 ViuTV
豈料激到女兒同男友私奔？！
港爸之後出外後晚歸，見到屋企地下有8罐開咗嘅酒罐，一地都係啤酒，原來女兒男友連開8罐都「中招」，港爸以為佢開3罐都中伏就會停手，「點知佢開咗8罐先收手！」港爸心情未能平靜之際，就收到女兒短訊：「老豆，你好過份！我今晚唔返嚟瞓。」
Photo from 《太陽的後裔》劇照
Photo from 《親親我好媽》TVB
港爸笑言：終於還我清靜空間！
港爸心諗：「太好了，想一個人霸晒成間屋好耐~」於是佢即刻坐上梳化，慢慢歎外出時剛買回來嘅凍啤，再發訊息比女兒叫佢注意安全。佢坦言「而家個感覺真係好舒服」，仲希望女兒與男友出外過夜，當晚唔好再返嚟。
Photo from 《暖男爸爸》 ViuTV
港爸深信「貧窮小情侶」終會回家
對此，不少網民都笑言女兒男友無大無細，又言「放工無酒飲 = 人生無意義」、「唔好再俾條XX仔入門口」，港爸就搞笑話會試下，但直言二人都無咩錢玩離家出走，所以深信佢哋好快就會返嚟阻住佢。另有網民問：「如果條仔買藍冰嚟同你賠罪，你會唔會接受？」港爸坦言道歉有誠意就得，但真心唔想啲啤酒再被人偷。
Photo from 連登討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
