點心放題｜銅鑼灣＋尖沙咀午市點心放題 $90任食超過30款粵式小食+主食！

By Cheryl on 27 Jan 2022

Digital Editor

點心迷有福喇！TapNow分別同兩間高級粵菜食府「聚盈樓」及「盈翠軒」聯手推出【90分鐘午市點心放題】套票，每位只需$90起，即可任食超過30款點心、小食及主食，啱晒同家人歎個靚茶！以下即睇優惠詳情~

Photo from TapNow

銅鑼灣聚盈樓

第一間介紹嘅係位於銅鑼灣智選假日酒店嘅「聚盈樓」，只需$90起，即可享用其【90分鐘午市點心放題】套票，任食過30款名廚主理嘅點心小食，例如：蜜餞雞中翼、椒鹽多春魚、香煎虎皮椒、香滑奶皇包、蜜汁叉燒包、香濃薑汁糕、芝麻雷沙球、豉汁蒸鳳爪、豉汁蒸排骨、蠔皇鮮竹卷、山竹牛肉球、蒜蓉蝦春卷、清香桂花糕等。同場亦有其他飯類及中式甜點可供任食！

Photo from TapNow

除此，仲有以下皇牌點心供應，每位客人可享一件，款式包括：蟹籽燒賣皇、聚盈蝦餃皇、鮑魚燒賣皇、荷香珍珠雞、潮州蒸粉果，真係應有盡有！即刻入去預訂啦！>>> 按此預訂 $90【90分鐘精選午市點心放題】2位起

Photo from TapNow

有興趣嘅朋友留意，每張套票須收取每位加一服務費及茶芥$68（適用於1月31日至2月7日），並於現場以現金繳付。優惠期由1月31日至2月28日，供應時段為：星期一至日 10:00AM - 04:00PM，客人須至少1天前致電 3590 8826 預約，訂位時需註明使用TAPNOW獨家優惠，想食就要快啲預訂喇！

Photo from TapNow

尖沙咀盈翠軒

第二間介紹嘅係位於尖沙咀嘅高級粵菜食府盈翠軒，同樣只需$90起，即可於午市時段任食90分鐘點心放題！超過30款大廚精心炮製嘅點心小食等你歎，包括：醬皇蒸鳳爪、魚湯鮮竹卷、瑤柱煎蘿蔔糕、薑汁雞包仔、蜜味叉燒包、懷舊燒腩卷、荷葉珍珠雞、蜜味叉燒腸、布拉腸粉、香茜牛肉腸、鳳爪排骨飯等等，仲有中式甜點，桂花椰汁糕及千層薑汁糕等可供任食！

Photo from TapNow

除此，每位客人亦可享人氣點心：盈翠軒蝦餃（每人限2隻）、及燒賣皇一份（每人限2隻），一次食齊最經典嘅點心！>>>按此預訂 $90【90分鐘精選午市點心放題】2位起

Photo from TapNow

想食嘅朋友注意，由1月30日至2月4日期間，每張套票將收取每位加一服務費及茶芥$68，並於現場收取相關費用嘅現金；套票優惠期由即日起至2月28日，並不適用於2月1日；供應時段為：星期一至日 10:00AM - 04:00PM。客人須至少1天前致電 3709 2288 / WhatsApp 5487 1632 預約，訂位時需註明使用TAPNOW獨家優惠，想帶至親歎盡精緻點心，就快啲進入>>>預訂網址<<<訂位啦！