抖音網紅小林心如零濾鏡真面目曝光！完全走樣嚇親網民，勸佢開返美顏filter

抖音上有唔少網紅佢哋雖然係素人，但憑住開filter下嘅美貌成功吸納大量fans。近日有「小林心如」之稱嘅網紅夏紫微開直播帶貨，不過唔知係咪唔記得開濾鏡，真樣曝光嚇親網友！

Photo from 抖音

抖音網紅「小林心如」神還原《還珠格格》「紫薇」一角走紅

網上有唔少網紅「變臉」新聞，喺直播平台用美顏filter即可「改頭換面」，網紅喺短片中嘅樣子與真人判若兩人嘅事情屢見不鮮。

Photo from 小紅書

近年抖音有一位網紅「夏紫微」，佢妝容打扮都十足十《還珠格格》入面嘅林心如咁，所以佢又有「小林心如」之稱。網紅夏紫微更模仿林心如喺《還珠格格》入面流淚等等嘅經典場面，憑住神還原《還珠格格》「紫薇」一角成功走紅。

Photo from 微博

夏紫微直播帶貨，零濾鏡真面目曝光

最近佢首次「直播帶貨」，由於以往佢都係同其他人連線、重演《還珠格格》經典場面居多，初次帶貨都成功吸引大量觀眾收睇，高峰期更高達5千幾人。

Photo from 微博

不過唔知係咪唔記得開濾鏡，夏紫微喺直播帶貨嘅畫面中同以往抖音片入面有好大嘅差距！臉型唔再係之前嘅瓜子臉，而且妝容極濃，眼眶因為濃重嘅眼影顯得黑眼圈深重，眼睛無神。

Photo from 微博

Photo from 微博

fans勸開美顏，帶貨銷量差

雖然收睇直播嘅fans好多，但唔少人都被夏紫微零濾鏡真面目嚇親，更紛紛直言：「開美貌呀，不開容易掉粉」，指佢唔開filter，會搞到fans都無晒。

Photo from 微博

Photo from 微博

微博有網友將佢呢場直播cap圖，直言佢帶貨成績差，推薦商品銷量不佳。網紅夏紫微後來有解釋，直播當日嘅妝容其實係化妝師幫佢化嘅。

Photo from 微博

「小林心如」改名為「夏紫微」

其實夏紫微之前除咗會著古裝之外，更試過以時裝造型現身，明顯開咗filter嘅情況下佢都有幾分似林心如。雖然坐擁過百萬fans，不過因為被官方批評，佢唔再用「小林心如」嘅名字，而係改以「夏紫微」繼續做抖音網紅。

Photo from 微博

Photo from 微博

相關文章：抖音第一美女直播濾鏡突消失！真樣曝光令fans大感崩潰！舊照瘋傳嚇窒網友

相關文章：內地網紅直播期間不慎關掉美顏濾鏡　網民爆曾整容/被富二代王思聰追求4年

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

陳奕迅斬椰子/燒桿工人劉德華/翻版楊冪！11位素人、網紅神撞樣明星！

16 Jul 2021

唔少網紅都因為同明星有幾分相似而走紅，更因此「靠樣食飯」。除咗網紅之外，即使係素人都有唔少同明星撞樣，有啲相似度仲高到令人震驚！

#翻版楊冪

喺小紅書有一位「千草拉拉小姐」，佢嘅自拍照同內地一線女星楊冪非常似樣，尤其係側面，甚至有網友話直程係一模一樣！

Photo from 千草拉拉小姐小紅書

Photo from 千草拉拉小姐小紅書

Photo from 千草拉拉小姐小紅書

Photo from 楊冪微博

#地盤工人Angelababy

呢位女生雖然頭戴安全帽同著螢光背心，但五官精緻，貌似Angelababy。

Photo from Angelababy微博

#側臉神似李璨琛

內地小紅書一位網紅「卡卡Kaka」不時會喺網上分享穿著打扮嘅影片，佢嘅樣同李璨琛有90%相似，尤其係側面，連著衫style都差唔多！

Photo from 卡卡Kaka小紅書

Photo from 李璨琛IG

#還原「紫薇」林心如

內地最近一位「小林心如」神還原《還珠格格》「紫薇」一角而走紅，佢外貌打扮真係同林心如嘅紫薇好似！

Photo from 微博

Photo from 林心如微博

#五官複製陳偉霆

內地網紅「別鬧我是安安」（許淳瑋）同陳偉霆神態相似，連陳偉霆本尊都有喺訪問中提過「別鬧我是安安」，指有朋友誤以為安安拍嘅短片係陳偉霆本人，而陳偉霆都表示覺得安安笑嗰陣同自己一模一樣。

Photo from 微博

Photo from 微博

#陳奕迅斬椰子

湛江吳川一位市民喺街上斬椰子，佢側面同Eason陳奕迅好似，因而爆紅，更獲封為「陳椰迅」。

#燒桿工人劉德華

內地短片APP「快手」上有一名燒桿工人「丫東哥」因為神似天王劉德華而成為網紅，佢唔止外貌似，連聲線都似到十足十，更拍片扮劉德華唱《愛不完》成功吸引大批fans。

Photo from 快手

Photo from 快手

#露宿者彭于晏

喺內地街頭嘅一名露宿者被指撞臉彭于晏，雖然只有佢閉上眼睛嘅相片，不過就咁睇真係有幾分相似。

Photo from 彭于晏IG

#李榮浩標誌小眼睛

李榮浩因為小眼睛而經常被指同狗狗撞樣，連老婆楊丞琳都有笑過佢，有素人都有李榮浩一雙小眼睛。

Photo from 李榮浩微博

#雙胞胎IU

韓國「國民妹妹」人靚聲甜，喺韓國人氣極高，一位網紅金晴雅（청아）就同IU非常似樣！有部分相更似到令人以為係IU雙胞胎姊妹。

Photo from 金晴雅（청아）IG

Photo from 金晴雅（청아）IG

Photo from IU IG

#山寨版周杰倫

抖音網紅「雍杰倫」以扮周杰倫走紅，佢標誌性鬍鬚同眼神的確好似周董！

Photo from 抖音

Photo from Netflix

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）