《賭俠2》法國賭神Declan近況曝光！竟是王敏德細佬 做周星馳對手為人熟悉

1991年上映嘅電影《賭俠II上海灘賭聖》卡士強勁，由周星馳、鞏俐、呂良偉及吳孟達等人主演，當中仲有一個搶眼角色「法國賭神 Pierre Cashon」，其實佢由王敏德細佬Declan Wong飾演，淡出娛樂圈多年嘅佢近況曝光，不少網民感歎佢老態盡顯，歲月不饒人。

Photo from 《賭神II》截圖

《賭俠II》法國賭神真身係王敏德細佬

周星馳拍過好多經典電影，其中一套就係91年上映嘅《賭俠II上海灘賭聖》，戲內有為混血帥氣男角色叫「法國賭神 Pierre Cashon」，同星爺在賭場鬥到難分難解，其演員就係王敏德細佬Declan Wong，當年外型出眾嘅佢在不少觀眾心中留下印象。

Photo from 《賭神II》截圖

Photo from 微博

其實王敏德家中有三兄弟，大哥係王盛德，而Declan係三人中年紀最少。三人都有在演藝圈發展，最為香港人熟悉嘅王敏德曾演出多部本地電影劇集，亦有拍過廣告。王盛德則在美國發展，有出演過荷里活電影，仲同香港時裝設計師張天愛有過一段婚姻，惟最終離婚收場。

Photo from 王敏德IG

演藝圈發展平平，已移居外國生活

而Declan發展則較為一般，只出演過三部港產片《縱橫四海》、《賭俠II上海灘賭聖》及《與鴨共舞》，而《與鴨共舞》更係連名都無落，所以大家對佢最有印象嘅代表作相信都係《賭俠II》中演法國賭神。

Photo from 《賭神II》截圖

Declan近年已移居外國生活，成為了釣魚教練，更在2009年起設影片頻道分享生活影片，近年亦創辦了旅遊公司，專門教人玩飛繩釣魚。

Photo from Declan Wong IG

Photo from Declan Wong IG

離開娛樂圈多年嘅Declan無需再面對觀眾，可能因為咁而缺乏保養，有網民認為佢近照盡顯老態，佢頂著一頭灰白長髮，臉部肌肉鬆弛下令輪廓無當年分明，但人到中老年嚟講亦係正常現象，只要佢活得自在便可。

Photo from 網上圖片

Photo from Declan Wong IG

相關文章：吳啟華抖音另類炫富！與雷宇揚、程東重演《賭俠》曬名錶？！

相關文章：豹哥單立文上傳「侯賽因」舊照慶祝《賭俠》30週年　被讚 30 年不變超凍齡！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）