陳曉東老婆為配貨入手$3000元Hermès鉛筆套！曬豪華手袋珍藏大數每款缺點！

By Cheryl on 04 Feb 2022

Digital Editor

陳曉東2014年與王妤嫻結婚，婚後育有兩名女兒，一家四口現時居住在北京。夫婦二人都喜愛買名牌，而太太王妤嫻早前仲疑似為配貨而買了價值3千多人民幣嘅Hermès鉛筆套，但佢並非「逢Hermès都愛」，仲不滿當中多款手袋唔實用添！

Photo from 陳曉東微博

王妤嫻為買Hermès不惜配貨，入手3千多元鉛筆套

王妤嫻比老公陳曉東少14年，佢婚前喺台灣做護士，亦有做過模特兒。現時佢同老公，及兩個寶貝女一同住在北京。王妤嫻在社交網除了分享日常照外，亦不時大曬Hermès戰利品，佢早前就試過疑似為配貨而入手了價值3千多人民幣嘅Hermès鉛筆套、香水set、以及針線包。

Photo from 小紅書圖片

王妤嫻不愛Mini Lindy

手袋方面，王妤嫻亦有入手近年受不少女士愛戴嘅Mini Lindy，呢款手袋價值4萬8千多港元，但王妤嫻對佢嘅評價卻相當一般，因為袋太細，所以放唔落iPhone Pro Max、消毒廁紙巾、車匙、唇膏等小物品，所以佢受不了花錢卻買到唔實用嘅袋。

Photo from 小紅書圖片

認為Birkin不夠實用

Birkin雖然大啲，但王妤嫻卻對Birkin 30有其他不滿，佢表示「開包很麻煩」，袋子又重，甚至聲稱因為拎呢個袋搞到要佢正骨！所以除非有助手司機車你周圍去，否則除咗美觀外都不實用，佢亦唔明白為何Birkin 30咁受歡迎，又指用咗幾次後都只會「放入冷宮」。

Photo from Birkin 30

心愛款式係呢啲！

王妤嫻雖然對Hermès頗為挑剔，但佢都有心愛嘅款式，就係炒價近20萬港元、好難入手嘅Constance，以及售價超過3萬港元嘅Kelly To Go Wallet。佢至少擁有兩個分貝係薄荷綠色鱷魚皮，及黑色嘅Kelly To Go；炒價至少20萬港元嘅桃紅色Micro Birkin；亦有兩個分別係淺灰色及紅色嘅ToolBox手袋；仲試過一次買咗兩個同色唔同size嘅黑色Kelly；其他款亦有Kelly Dance、VERROU等。