女學生買2千元食品到男友家拜年男友媽卻用1句話反諷網民：好冇禮貌！

生活熱話

By Cheryl on 04 Feb 2022

Digital Editor

農曆新年，除咗到親戚家拜年，唔少情侶都會去對方屋企拜年。近日，一名女學生上討論區發文，分享自己到男友家拜年嘅不快經歷，事緣佢買咗總值超過2千元嘅食品與茶葉上門，卻被對方媽媽一句嫌棄，令佢非常詫異，不少網民亦直指男友媽好無禮貌！

Photo from 《親親我好媽》 TVB

女學生自備2千元禮品到男友家拜年

日前，一名香港女網民（下稱樓主）到Dcard討論區發文，佢表示同男友交往2年，今年係首次到對方家食團年飯。由於係第一次，所以樓主想表達誠意，準備一啲禮品送畀男友家庭，並買咗總值超過2千港元嘅海味、生果同茶葉。

Photo from 《親親我好媽》 TVB

豈料男友媽豪不領情

去到男友家，樓主向對方媽媽表示佢準備咗小小心意，再將自己準備嘅嘢送畀佢。不過，男友媽望一眼就立即以反諷語氣坦言：「個心意都真係幾小喎~」樓主只好笑笑口回應：「Auntie你真係識講笑。」

Photo from 《拜年見家長》 TVB

Photo from Dcard

Photo from 《愛回家之開心速遞》 TVB

當然，樓主心裡並不好受，佢認為男友媽無咩禮貌，加上自己只係學生，2千元對佢嚟講數目不少，即使真係覺得禮物唔值錢，都應該講「咁客氣呀，多謝曬喎」之類嘅說話，而唔係直接批評。樓主事後有跟男友交代事件，男友則表示佢媽媽講嘢一向都好mean，所以叫樓主唔好放喺心度。

Photo from 《親親我好媽》 TVB

網民：男友媽太無禮貌！

對此，有網民問道：「男朋友屋企好有錢？」樓主就表示，男友媽喺資深護士，相信係一個中產家庭。不少網民都直言男友媽媽咁直接係無禮貌嘅表現，「無論貴唔貴都好，收禮嗰邊鐘唔鐘意都好，都唔應該咁嘅態度啦」、「$2000真係唔少，同埋無論你拎幾多嘢上去，咁樣答你都幾冇禮貌。」

Photo from Dcard

Photo from 《愛回家之開心速遞》 TVB

網民都認為尤其樓主係學生，2千元已經算好多，亦有人話「呢個奶奶好難頂」，又認為樓主將來可能經常要睇對方媽媽面色，「好難相處，如果結婚之後要一齊住的話建議你真係儘早分手算」，但亦有網民認為Auntie一直咁唔識尊重人嘅話，佢兒子會永遠搵唔到好老婆，所以該網民認為Auntie會知錯，慢慢接受樓主，又祝福樓主同男朋友長久。