網民揭發街市菜檔疑似搶菜？！狂掃超市菜架再高價出售！網民狠批炒賣風氣

近日疫情情況嚴峻，加上有跨境司機證實確診，導致大量蔬菜未能夠如期抵港。由於蔬菜嘅數量供不應求，唔少人都擔心未來幾日「冇菜食」！不過，有荃灣嘅網民就拍攝到有人喺超市搶購大量蔬菜，再推入附近嘅街市嘅菜檔，懷疑有人想趁機獲利高價出售蔬菜，引起熱議！

Photo from 《東張西望》

# 跨境司機確診，逾9成蔬菜未能供港！

第五波疫情爆發，確證數字正在不斷上升，當中有跨境司機亦確診，接近200架中港車於當地滯留，據悉足足有逾90%嘅蔬菜未能供港！蔬菜嘅供應有限，唔少超市嘅菜架都空空如也「一菜難求」，唔少市民都擔心未來幾日都將會「冇菜食」！

Photo from TVB

# 有荃灣網民大爆菜檔「搶菜」？！

與此同時，有人亦因此而萌生賺錢嘅念頭，頻頻將菜價抬高，導致唔少市民都被迫「捱貴菜」。有荃灣嘅網民就疑似目擊到成個情況，發現有人於超市大量購入蔬菜後再回到街市！

Photo from FB Group「香港突發事故報料區」

# 發現男子購買後回到街市！

根據網民所講，一位頭戴cap帽嘅男士喺超市大量搶購至少20包生菜後，再推車回到麗城花園嘅街市，疑似係街市菜檔嘅員工，令樓主忍唔住大呻「賣唔緊要，但你唔好抬高價錢一大截呀」！

Photo from FB Group「香港突發事故報料區」

Photo from FB Group「香港突發事故報料區」

# 網民補充證實係街市菜檔員工？！

隨後，又有另一位網民作出補充表示自己昨日（7/2）見到相中嘅阿叔購買大量生菜，本身就以為佢可能係餐廳員工；但後來有街坊目擊佢再於超市購入大量椰菜，並且推回菜檔高價出售！而超市嘅蔬菜亦好快就已經賣晒，所以附近唔少街坊都被迫要喺該菜檔購買！

Photo from FB Group「香港突發事故報料區」

Photo from FB Group「香港突發事故報料區」

# 網民批評菜檔行為！

呢個post隨即引起網民關注！唔少網民都留言批評該菜檔嘅行為「真係趁火打劫」、「之前炒口罩，而家就炒菜」等；亦有網民大爆其實過往嘅菜檔都係咁做生意，對此並唔感到意外！

Photo from FB Group「香港突發事故報料區」

# 提議超市應該限制蔬菜購買數目！

另外，有網民就覺得應該以行動表示反對呢種行為「唔食菜幾日，等幾日睇佢哋仲敢唔敢加價！」；亦有網民覺得超市應該實施限制購買蔬菜數量嘅措施，避免同樣事件再發生！

Photo from FB Group「香港突發事故報料區」

相關文章：疫情下封區撮合2對相親男女？！突然被迫同居！兩對CP結局截然不同

相關文章：網民列出心中3大最可怕蔬菜！全部都食就代表係「老人」？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港男因疫情拒見住葵涌女友 女方嬲爆斥：你唔愛我喇！港男感無奈

26 Jan , 2022

葵涌邨近日受疫情影響，當中數棟住宅大樓被圍封，不少人現時都對整個區域避之則吉。日前，有港男到討論區發文表示，自己為了防疫而避見住葵涌嘅女友，豈料對方立即不滿，帖文引起網民熱烈討論。

Photo from TVB

港男避疫拒見住葵涌女友

近日，一名港男到香港討論區發文，指女友住喺葵涌，雖然並非被封嘅區域，但眼見疫情肆虐，港男決定暫時唔見女友，佢希望等疫情舒緩 ，葵涌停止封區後先再同女友約會。

Photo from TVB

女友：你唔愛我喇！

點知咁就激嬲咗女友！女友認為對方唔再愛自己，所以唔肯見面，當港男話係女友諗多咗，女友堅稱男方只係搵藉口唔見佢。對此， 港男大感無奈，直言：「點解佢哋成日諗咁多野，其實我只係驚去葵涌中招啫。」

Photo from TVB

網民持不同睇法

網民對此都有不同看法，有人認同港男睇法，認為女友咁都唔理解可以分手，「依家唔見好正常啦，佢咁都唔明都唔洗再見啦」、「一定要你入去疫區先算愛？」

Photo from 香港討論區

Photo from 香港討論區

Photo from TVB

有網民稱，港男可以試下約女友到其他區見面，如果女友唔肯就係佢問題；亦有網民提出兩人用視像通訊建議，直言見面唔一定要出街，「出街都係想消費姐。」除此，有網友提出女友去港男居住地區見面嘅做法：「叫女友去你到囉。」

Photo from 香港討論區

Photo from 香港討論區

Photo from TVB

另有網民認為港男在道理層面上做得對，但人情上就做錯晒。有人就覺得港男並唔係真係好愛女友，令對方擔心感情狀態都正路，「你唔係真係咁鍾意佢」、「女朋友都唔見，擔心都正常。」

Photo from 香港討論區

Photo from 《空手道》電影劇照

有其他留言就坦言全港都有人染疫，無理由邊度都唔去。不過，疫情下不時有無法預計嘅措施，加上會影響別人健康，所以不少網民都認為小心為上更好。如果你嘅伴侶身處爆疫區域，對於見面安排你又會點做呢？即刻留言將你嘅睇法分享畀大家知啦！

相關文章：男友寧住劏房不願搬離港島！網友：住開港島係唔會睇得起其他區

相關文章：港男於太古城返工想買天水圍新樓盤！預計每日凌晨5點9起床！網友：住新界邊個唔使早起

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）