港女獲老闆細心關懷以為上到位！老闆醉後當住同事面稱想包養佢

工作時獲老闆關照有時都唔係一件好事，近日有網友喺討論區發文指喺公司工作一年，同老闆關係唔錯，但最近與同事上老闆屋企食飯，老闆唔知係咪飲多咗，竟提出要包養佢，令呢位網民大為吃驚！

Photo from TVB

工作一年，港女屢受老闆關注以為有得升職加薪

一位女網友喺Dcard開post，佢表示自己喺PR公司工作，至今已有一年，一直以嚟老細同各位同事關係都唔錯，平時交流都無咩特別。

Photo from TVB

但最近幾個月開始，老闆似乎特別關照佢，成日同佢一對一開會，樓主稱會議內容毫無意義：「完全係無嘢搵嘢嚟開」，平時收工又會主動WhatsApp搵佢傾偈、關心佢。

Photo from TVB

Photo from TVB

樓主仲天真以為獲老細睇重：「我原本以為『呢鋪掂喇！要上位喇！』」，但老闆係咁約佢出嚟食飯，仲問佢：「點解生到咁靚女仲要做嘢？搵個有錢人包咪得！」，樓主已意識到有問題。

Photo from TVB

Photo from TVB

與同事上老闆屋企食飯，老闆竟公開提出要包養佢

但估唔到老闆變本加厲，近日因為老闆娘同老闆兒子都唔喺屋企，老細就叫公司成班PR，包括樓主與同事一齊上去佢屋企食飯，點知席上老闆飲大咗，竟然當住成班同事面同樓主講：「你禮拜一唔好番工喇！以後我畀錢你洗」，場面極度尷尬！

Photo from TVB

Photo from TVB

樓主表示公司成個department都喺齊到，佢形容「同事聽到嗰下即刻你眼望我眼」，佢亦完全唔知畀咩反應好，唯有稱：「老細你飲多咗喇！」，同時向同事解釋，叫佢哋唔好誤會。

Photo from TVB

Photo from TVB

老細酒醒後強調係認真，港女超煩惱

本來樓主想件事過咗去，只係老闆醉後胡言亂語，但第二日起身發現老闆WhatsApp佢：「琴晚我是認真的，你下半世不用咁辛苦喇！」，樓主無奈表示：「我嘅訴求係返工咋，比我做返個普通人啦！」

Photo from TVB

有網友指樓主之前以為有得上位明明好開心，今次仲唔係得償所願？樓主回應稱當時淨係諗住可以升職加人工，根本無打算做二奶。

Photo from Dcard

網友勸港女盡快辭職，避免職場生活尷尬

唔少網民都勸樓主盡快辭職，一嚟老闆提出呢啲要求如果拒絕日後極有可能會被佢針對，即使最後無事，唔理點樓主都會同老闆扯上關係，容易惹他人誤會，公司同事嘅異樣眼光都一樣會影響樓主嘅職場生活。

Photo from TVB

Photo from TVB

有人估計樓主老闆可能仲另有外遇，樓主未必係佢第一個提出包養嘅對象，亦好有可能唔係最後一個，呼籲樓主遠離呢種老細！

Photo from Dcard

Photo from Dcard

相關文章：港女分享做Sugar Baby經驗！每月收5位數家用/接觸上流社會

相關文章：富貴新同事態度差仍獲經理照顧 連老闆都為佢出錢請全世界食嘢！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港男中年偷食後生女欲離婚！慘遭二奶拋棄老婆願不計前嫌！因一個原因堅持與老婆分開

9 Nov 2021

情侶喺結婚後如何維繫婚姻絕對係一大學問，近日有網友喺討論區分享佢公司同事移情別戀後生女，同老婆搞離婚，點知被情人拋棄。雖然佢太太願意不計前嫌原諒佢，但佢竟堅持要離婚！

Photo from TVB

港男大叔偷食後生女，打算同老婆離婚

夫妻結婚後可能會面對激情消散嘅「七年之癢」、同埋外來嘅各種誘惑，要維繫感情真係一啲都唔簡單。有網友喺香港討論區開post，提及同事近日發生嘅事情。

Photo from TVB

樓主稱呢位同事年紀唔輕，係一位「大叔」。佢人到中年卻「偷食」後生女，更包起對方！同外遇對象打得火熱嘅大叔更下定決心要同老婆離婚。

Photo from TVB

Photo from TVB

外遇對象另覓筍盤，大叔慘遭拋棄幸得老婆原諒

雖然大叔為咗密會對象而離婚，但始終兩人年齡有差異，相信價值觀、生活習慣等都有唔同，樓主指大叔嘅外遇對象另覓筍盤，更一嘢飛起大叔！

Photo from TVB

Photo from TVB

慘被情人拋棄嘅大叔竟然仲有原配願意等佢！大叔老婆不計前嫌肯原諒佢，不過大叔仍然堅持離婚，令樓主大為不解，以為大叔老婆「樣好殘」，所以大叔不願回頭。

Photo from TVB

Photo from TVB

大叔堅持離婚，原因係老婆太強勢？

點知樓主有日見到大叔老婆先發現佢係好強勢嘅女強人，賺錢亦多過大叔。大叔唔想返轉頭嘅原因就係因為長期生活喺老婆陰影下，一遇到年輕貌美嘅後生女「崇拜」佢，即時覺得自己搵返男人尊嚴。

Photo from TVB

Photo from TVB

不過樓主感歎：「依家人地都飛起咗佢，老婆都原諒佢，佢仲要離婚都唔知話佢係勇敢定蠢好」

Photo from TVB

網友意見：老婆好慘／只想搵返男人尊嚴

有網友替大叔嘅太太唔抵：「搵錢少又厭人，搵得多又唔中意，做女人有時都幾慘」，亦有人認為明明係個男人自己無能力，就合理化自己「偷食」嘅行為。

Photo from 香港討論區

Photo from 香港討論區

Photo from TVB

有網民就唔明大叔點解咁「諗唔開」堅持要離婚：「有老婆養幾多人恨唔到！」不過有人估計大叔老婆喺家中可能好強勢，說一不二，大叔離婚只係想搵返男性尊嚴。

Photo from 香港討論區

Photo from TVB

Photo from 香港討論區

相關文章：【東京奧運】男友傳睇奧運照報行蹤 被女友揭外遇！藏2大穿崩位 強大觀察力震驚百萬網民

相關文章：妻子發現丈夫偷食 報復式拍賣其珍藏《遊戲王》卡 競投突破2千萬円！最後結局竟然係咁？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）